باسات 1.4 ومرعوب

[Ahmed Saad]

ابعد عن الباسات وغنيلها مشاكل ال dsg بتزعل وبتقهر ودور في المنتدي هتلاقي مشاكله لسه ماخلصتش من رايي المتواضع المبلغ اللي معاك ده يجبلك رينو فلوانس 2014 زيرو هاي لاين الفيس ليفت الجديده بصراحه عربيه ممتازه والفلوانس العربيه الوحيده اللي من ساعت مانزلت ماشاء الله عليها ماسمعناش عن اعطال ليها +توكيل رينو من التوكيلات المحترمه في مصر وربنا يوفقك للاصلح ان شاء الله

[Mohammmed]

ممكن تبص على لe90 هتلاقى حاجة كويسة بالسعر دا

[mastr_n]

ابعد عن ال dsg وغنيلة

[A.Adel]

بمنتهى البساطة
لو فيه شك حتى 1 % إن يحصل مشاكل
ده فتيس مش تهريج ولما بيضرب لازم يتغير وتمنه مكلف جدا
إيه اللي يخليك تغامر بفلوسك

فيه بدايل تانية أفضل زي ما الإخوة وضحوا

[Mohab555]

بلاش يا باشا المخاطره ده شقى العمر ... فولكس مبيعتها فى مصر فى انحدار مستمر بسبب مشاكل الفتيس ولحد دلوقتى محدش عارف له حل و حتى فى العربيات ال 2013 نفس الكلام ... شوف بديل افضل ..

[Ahmed_m7md_A5]

لو أنت عايز أوتو بارك فسهلة جدا هات كورولا الجديدة فول أوبشن 180 جنيه أو هايلاين 205
دول بس اللي فيهم أوتوبارك بس أسأل التوكيل علي تعديل أرتفاعها عن الأرض عشان المفروض اليابان ياأما هيعدلوا في التوكيلات ياأما الموديلات هي اللي هتتعدل في الدفعات الجاية
أرتفاعها 12.5 و التعديل ل 15

[falcon77]

ولا واحد قال كلمة كويسة فى الباسات برغم من انتشارها مقارنة بالعربيات اللى فى فئتها زى ال 508 او s60. شيئ محير.
يعنى هل كل الناس ملاك الباسات ماكانوش عارفين موضوع الفتيس قبل مايشتروها؟
هو الفتيس كامل بكام ياجماعة؟؟
شكرا على نصائحكم

[Eng.Sameh]

يا باشا لو هتجيب باسات تجيبها زيرو لسببين .. اول سبب ، ان لو مشاكل الفتيس اتحلت ، فده هيكون من اول ٢٠١٣ على كلام الوكيل ( مع انه مجرد كلام ) .. لكن تروح تجيبها مستعملة ٢٠١٠ او ٢٠١١ .. كده مغامره غير محمودة العواقب بنسبة اكبر ...

هات ٥٠٨ احسنلك بكتير .. اصلا انا شايف انها احسن من الباسات حتى لو مفيش مشاكل ال dsg!!

[M.Elwan]

لو حتدفع 230 الف فى باسات
قسط 50 الف وهات مرسيدس CLA ب285


[url=http://www.contactcars.com/newcars_models.asp?CarMake=3&CarModel=508]ContactCars | |

[falcon77]

لو حتدفع 230 الف فى باسات
قسط 50 الف وهات مرسيدس cla ب285


[url=http://www.contactcars.com/newcars_models.asp?carmake=3&carmodel=508]contactcars | |

ماشي بس الcla اصغر واديق واوطى من الباسات وال 508 وبعديم اول فئة فيها بصراحة ماتتركبش ماتور 122 حصان فاضية فوانيس عادية يعنى عشان العربية تملى عينك لازم الفئة ام 350 الف عشان تجيب ماتور زى بتاع ال 508 156 حصان.

[hany63]

العربيه حتى و فتيسها سليم الاداء خشن جدا في الزحمه رجة جمل لما بتهدي و رعشه في الطلعه و اصوات شخلله في المطبات
هيا ممتعه جدا لو الطريق ماشي انما في الزحمه بدون مبالغه السبرانزا برقبتها
و بعدين الفتيس لو كان فيه الرمق بعض الشئ كانت مزايا العربيه النانيه غطت عليه يعني عربيه سحبتها تخض و فخمه و الماني و ثابته
انما من كتر الفتيس ما زي الزفت جاب العربيه الارض

[Ahmed Saad]

ولا واحد قال كلمة كويسة فى الباسات برغم من انتشارها مقارنة بالعربيات اللى فى فئتها زى ال 508 او s60. شيئ محير.
يعنى هل كل الناس ملاك الباسات ماكانوش عارفين موضوع الفتيس قبل مايشتروها؟
هو الفتيس كامل بكام ياجماعة؟؟
شكرا على نصائحكم

بص يا باشا الفتيس من التوكيل 71000ج واستيراد 28000ج يعني جديد بتمن عربيتي الباسات2000 والله حرام الفتيس ده ضيع الفولكس فاجن في العالم كله بس بصراحه العربيه دي - تتركب مانيوال وهم وصباح التعليم على عربيات كتير هي مشكلتها الوحيده الفتيس وده مش شويه

[falcon77]

بعد الكلام دا كلة حدا الله بينى وبين الباسات.
طيب يا افاضل بما انى عايز عربية كبيرة
فى قدامى باجيرو 2008 3.8 لتر عاملة 45 الف كم. ب 320 الف جنية.
اية رايكو فى العربية دى. سواقتها؟مشاكلها؟تمنها ؟ واخيرا ضريبتها كام فى السنة (2014)
انا اسف لدخول النقاش على عربية تانية.
شكرا

[atef_5005]

بعد الكلام دا كلة حدا الله بينى وبين الباسات.
طيب يا افاضل بما انى عايز عربية كبيرة
فى قدامى باجيرو 2008 3.8 لتر عاملة 45 الف كم. ب 320 الف جنية.
اية رايكو فى العربية دى. سواقتها؟مشاكلها؟تمنها ؟ واخيرا ضريبتها كام فى السنة (2014)
انا اسف لدخول النقاش على عربية تانية.
شكرا

خليك في بي ام e90 2009 او مرسيدس C180 او E200 kompressor
دي العربيات اللي ممكن تتركب مستعمل غير كده متفكرش في المستعمل

[Falcon.Crest]

بعد الكلام دا كلة حدا الله بينى وبين الباسات.
طيب يا افاضل بما انى عايز عربية كبيرة
فى قدامى باجيرو 2008 3.8 لتر عاملة 45 الف كم. ب 320 الف جنية.
اية رايكو فى العربية دى. سواقتها؟مشاكلها؟تمنها ؟ واخيرا ضريبتها كام فى السنة (2014)
انا اسف لدخول النقاش على عربية تانية.
شكرا

لو زودت شويه تقدر تجيب q5 2010
عربيه محترمه بس مش تفكر في اعاده بيع قبل 5 سنوات