جولف 5 2005 و 2008 استفسار

[dentistmoe]

كنت عايز استفسر بخصوص جولف 5 معظم اللي موجود قدامي 2005 وعامل فوق ال 100 الف وبدور علي واحده 2008 علشان تكون عامله كيلوهات قليله
فهل في فرق بين موديل 2005 و 2008 ولا هتفرق في حالة العربيه بس
يعني اذا لقيت واحده حالتها كويسه 2005 اشتري؟

[nunoismaz83]

بص يا باشا
بحكم خبرتي في الجولف بالتحديد ... هيه العربية الوحيدة الي ريحتني

ألا ان الجولف الـ ٥ مش هتلاقي منها حاجة عداد قليل عشان الي بيركبها بيحب يمشي بيها من كتر ما هيه حلوة وممتعة
مع الرغم انك متبصش على العداد لأن العدادات بتتقلب عادي جداً ( متخليش المظاهر تخدعك )
والعداد مش بيفرق في الألماني والياباني .... بس أتاأكد ان حالة الموتور كويسة ( الكبس عالي وقوي )
ودة هيكون في بنزينة محترمة

والأهم ...... العضم بتاعها ... ( دواخل العربية " القوايم + الشاسية + الحوض )
الموتور هتلاقية على بعضة بسلاطتة من ٣ الـ ٥ الف جنية .... ودة تقدر تنزلة من تمن العربية وبزيادة التركيب
ودة الي بيميز الجولف " الإستيراد كتير اوي اوي اوي اوي "

كترت عليك في الكلام .... لو لاقيت ٢٠٠٥ حالة خدها مش هتفرق كتير عن ٢٠٠٨

[dentistmoe]

تمام ياباشا بالنسبه للسعر هاي لاين 2005 اقصي حاجه كام؟

[mijodian]

هو ممكن الاخ مخدش باله ان اللي انت سالت عليها جولف 5 2005 مش جولف 4 2005 اللي هيا وش الجيتا
اولا مفيش موتور ليها ب 5 الاف ج ده خالص ومش منتشر قطع غيارها
الجولف 4 اه منتشر جدا في اماكن كتيره خاصه بورسعيد لانهم بيعشقو الجولف والهوندا
شوف من الاخر الجولف عايزة جيب مليان وهيا لو حاله وسط تعملها 80 الف متقلش ابدا
والعربيات اللي زي دي يفضل يكون ليها صيانه في التوكيل عشان صنايعية مصر مش بيفهمو فيها حاجه
ولو الاخ يقصد الجولف 5 ياريت يقولي فين الموتور ابو 5 الاف ده عشان عايز منه كتير

[nunoismaz83]

هو ممكن الاخ مخدش باله ان اللي انت سالت عليها جولف 5 2005 مش جولف 4 2005 اللي هيا وش الجيتا
اولا مفيش موتور ليها ب 5 الاف ج ده خالص ومش منتشر قطع غيارها
الجولف 4 اه منتشر جدا في اماكن كتيره خاصه بورسعيد لانهم بيعشقو الجولف والهوندا
شوف من الاخر الجولف عايزة جيب مليان وهيا لو حاله وسط تعملها 80 الف متقلش ابدا
والعربيات اللي زي دي يفضل يكون ليها صيانه في التوكيل عشان صنايعية مصر مش بيفهمو فيها حاجه
ولو الاخ يقصد الجولف 5 ياريت يقولي فين الموتور ابو 5 الاف ده عشان عايز منه كتير

ياباشا براحة بس عليه انت داخل مشكلة ولا أية انا مش فاهم
في حاجة كلامك يبقى براحة انت لا تعرفني ولا أعرفك عشان تتكلم معايه كدة!!
وتاني حاجة في حاجة أسمها بورسعيد
في حاجة أسمها ميكانيكية جولف في الحرافيين وجسر السويس ( ومحترفيين ) والي معاة زيرو بيروحلهم
بما أنك في المنصورة إلى حد علمي في البروفايل بتاعك

ياباشا صلي على النبي وبراحة كدة!!!
موتور ١٨٠٠ تربو بسلاطة بالفتيس بالمصنعية ب ٨٠٠٠ ج يبقى ال ١٦٠٠ بكام؟
وعلى فكرة العربيات دي منتشرة برة بكثافة اكتر من عندنا هنا مليون مرة
وعشان كدة في قطع غيار إستيراد كتير اوي بتيجي من برة اكتر من الجديد :D

اقولك اه الي مش موجود الموتور ١٤٠٠ تربو موديلات العالية أوي!!! ... فعلاً مش موجود ولو كانت موجودة هتلاقيها معدية الـ ١٢ الف فيما فوق حسب الحالة

وبما أنك قديم شوية..... الجولف ٤ بقت زي الجولف ٢ من كام سنة كدة
بعتذرلك يعني عدى عليها أكتر من ١٤ سنة O_o

أتعلم ... تتكلم


بالنسبة للأستاذ صاحب الموضوع
انا شوفت واحدة على دوبيزيل GTI استوك بـ ١١٥ الف تقريباً
نسيت اقولك اسئل الأول عن قطع غيار الأستيراد فيها أية الأول ..... عشان

الأخ

يستريح

[elshrpeny]

وحد الله يا عم و بعدين مجراش حاجة إحنا كلنا إخوات و اعضاء محترمين و بنخش عشان نفيد بعض لله مش عشان حاجة :)

المهم أنا عايزك تفيدنى فى مشكلتى لو حضرتك عندك فكرة ؟!
انا معاية بولو 2001 و هيه حالتها كويسة الحمد لله و عفشتها تقريباً كويسة إن شاء الله بردة بس هيه جايز عايزة شوية تربيط عشانى بقالى كذا سنة مجيتش جنبها o_0 ............ السؤال بقى .... هل فى عفشة أحسن من إلى راكبة فى العربية و تفرق معاية فرق ملحوظ أقدر اجيبها و احطها فى العربية بحيث تستحمل المطبات و النقر بشكل افضل ولا لاء ؟

و شكراً ليك يا باشا :)

[Honda_lover]

لو بتفكر تركب جولف خليك فالجولف 4 لان حاجتها رخيصة ومتوافرة بشدة غير انها نادرة الاعطال

[Honda_lover]

وحد الله يا عم و بعدين مجراش حاجة إحنا كلنا إخوات و اعضاء محترمين و بنخش عشان نفيد بعض لله مش عشان حاجة :)

المهم أنا عايزك تفيدنى فى مشكلتى لو حضرتك عندك فكرة ؟!
انا معاية بولو 2001 و هيه حالتها كويسة الحمد لله و عفشتها تقريباً كويسة إن شاء الله بردة بس هيه جايز عايزة شوية تربيط عشانى بقالى كذا سنة مجيتش جنبها o_0 ............ السؤال بقى .... هل فى عفشة أحسن من إلى راكبة فى العربية و تفرق معاية فرق ملحوظ أقدر اجيبها و احطها فى العربية بحيث تستحمل المطبات و النقر بشكل افضل ولا لاء ؟

و شكراً ليك يا باشا :)

افضل عفشة هي عفشة الفبريكة لانها مصممة خصيصا ليها ولو محتاجة اصلاح صلح العاطل فيها باصلي ايضا

[elshrpeny]

جزاك الله خيراً
متشكر جداً لحضرتك :)