هل شداد الميزان يسبب اى شئ فى ثبات السيارة "جيتا 2010"

[body]

اشكرك كل الشكر استاذى hitmangate
وانا بظبط هواء الكوتش يوم ويوم وهيا فعلا زى ماحضرتك ذكرت هيا منظومة متكاملة ولازم تكون مظبوطة
وانا بتعامل مع الشهابى من زمان وهو فعلا الوحيد اللى فى مصر عندة الحاجة اصلية زى التوكيل بالظبط
شكرا مرة اخرى لك استاذى ربنا يجزيك خير

[TOOLA]

اه طبعا يعوم العربيه ويعمل حدفه+ممكن برضه ضغط الإطارات لو مش مظبوط يعمل حدفه بص من الاخر هي منظومة مرتبطه ببعضها ولازم تكون مضبوطة على الشعره بما فيهم ضغط الإطارات والكوتش عموما بس برضه ارجع واقوللك غيره أفضل لو عايز الأصلي جديد هتجيبه من أشرف الشهابي في شارع دمشق ده الوحيد في مصر اللي بيبيع القطع الاصليه بس هتلاقى أسعاره غاليه بس أرخص طبعا من التوكيل واصلي زي التوكيل ولو عايز حاجه بسعر حنين شويه يبقى تجيبه استيراد من الحرفيين وان شاء الله خير

والله ربنا يباركلك يا ا شامى، انا لسه شارى e90 و هتجنن، العربية حالتها زى الفل بس العفشة محتاجة شوية مصروف، غيرت مساعدين و بطاحات و بارات، و فيه تحسن فى اداء الثبات، بس على سرعات و مع العالى و الواطى، بيحصل نفس البتحكى فيه، بحس ان كل حانب بيتحرك لواحده، و مش مالك العربية، و العربية بتحدف يمين رغم ان كذا بتاع زوايا اكدلى ان الدنيا تمام، مفضلش غير شدادات الميزان و هيا المش فى احسن حالاتها. قربت اتجنن.

سوالى لصاحب الموضوع و انا عارف انه قديم، هل حس بفرق فعلا لو غير الشداد؟؟

[eng. wesam]

شداد الميزان من اسمه وظيفته حفظ التوازن في العفشه بين جنبين السياره والناس فاهمه ان جنبين نظام التعليق منفصلين بالعكس بينهم ترابط تام في الملفات وحتي علي الطرق المستقيمه الميزان حضرتك لو فيه اي حاجه ارجوك غيره لانه في الطرق المستقيمه هيعوم معاك العربيه هيعملك فلووتينج كبير
وفي الكيرفات مخاطره كبيره جدا طبقا لنظريه الطرد المركزي ان الاجسام تميل للحركه في خط مستقيم فعند الانحناء لليمين مثلا هتقاوم السياره الميل لليمين في انها هتميل جهه اليسار بنفس القوه والمقدار لكن في اتجاه معاكس طبقا لقانون نيوتن
فكرتنا بالدايناميك والايروداينامك
وحتي في الطرق المستقيمه بتاثر بس علي سرعات مابعد ال 80

[AHMEDJUDDY]

متااااااابع