بولو 1999 1000cc

[mostafagaber]

السلام عليكم
انا دي اول مره اعمل فيها موضوع علي المنتدي مع اني عضو من زمان اوي بس قاريء فقط وجيه الوقت اني استشير اهل الخبره لائني في حيره دلوقتي انا كنت محتار اوي اشتري عربيه في حدود من 30 الي 35 الف جنيه واستقريت علي البولو 99 اشناء الله بعد صراع في التفكير مرير بين الفلشيا والبولو والابيزا والاكسل والبرايد المهم انا ادامي وحده بس فيها حاجه غريبه اوي انها موديل 99 1000 سي سي ومفيهاش تكيف بس فيها باور واير باجز مع العلم ان كل الي شفتهم من موديل 99 كانت العكس فيها تكيف بس مفيهاش بور ولا اير باجز فهل ده طبيعي مع انو بياكدلي انها نزلا كده يعني هيا مفيهاش تكيف اصلا مش بايظ والباور بيقولي بتعها مش راكب وهيا عاوزا رشه نظافه بس وهيعمل السيرفس كامل ومشيا 170000 فهل السعر المناسب ليها يكون كام بما يرضي الله عشان انا محبش ابخس للناس اشيائهم مستني ردودكم وانشا ء الله اكون عضو بارز من اعضاء الفولكس والبولو بالتحديد

[mostafagaber]

ايه يا جماعه السؤال صعب اوي كده 23 مشاهده طيب حتي حد ياخد بيدي ويؤلي اتوكل علي الله الالماني حلو برضو

[Mohamed~Adel]

انا اول مره اسمع كدا برضه ,, ياريت تشاركنا السعر علشان برده بدور على بولو

[J A G U A R]

هاتبقى فى حدود 35 الف .. بس مواصفات العربيه دى غريبه

[mostafagaber]

انا اول مره اسمع كدا برضه ,, ياريت تشاركنا السعر علشان برده بدور على بولو

بص يا باشا العربيه انا شفتها امبارح كويسه بس كان في ترشيح زيت قالي دي ساعه الزيت وهيغيرها وهيعملي السيرفس كامل واخرها 33 الف بس انا مستغرب الامكانيات غريبه حبتين وكمان في زرار الانتظار مكسور مكانه بس شغالوالعربيه طبلوها ممتاز بس موضوع الظرار رخم شويه

[ra3d]

عمري ماشوفت بولو باير باجز
بس شوفت كتير بتكيف فقط او بور فقط
بس الاير باج في الدركسيون فقط ولا بينور في العداد لما تدور ؟؟؟ عشان ممكن يكون مغير دركسيون

[mostafagaber]

انا شفت العربيه معجبتنيش بصراحه وناوي ادور برحتي انا مش مستعجل وشكرا لكل واحد رد ولو حد عندو خلفيه اجيب البولو 99 ولا بفلوسها اشوف سوزوكي التو 2008 واستفيد من فرق عمر الاستهلاك مع الاختلاف بين الاثنين

[Zing0]

معلش يا عم مصطفى
هيا مجرد نصيحه
الألمانى معروف طبعاً و محدش يقدر يتكلم فى حقه نص كلمه
بس حضرتك عارف قطع الغيار و أسعار المصنعيات مع الألمانى أد إيه؟
حضرتك تقريباً كان معاك مازدا 323, و غالباً موديل قديم, و طبعاً عارف أسعار الصيانه أد إيه
البولو بقى تضرب سعر أى حاجه فى 8 أو 10 كمان
بخلاف إنها برضه مش موديل حديث _ 1999 يعنى أكيد محتاجه شغل برضه


و جههة نظرى
بما إنك كنت بتقارن بين الفليشيا و البولو و الأكسيل و البرايد و أخيراً الألتو
يعنى تقريباً ليك مزاج من الهاتشباك
خليك فى الألتو
هتلاقى الأوبشنز كويسه (تكييف - باور - سنتر و إنذار و زجاج كهربا)
عربية يابانى و تقفيل هندى (المهم إنها مش تقفيل مصرى و لا حتى صينى)
إستهلاكها فى البنزين رائع
و الأهم موديل عالى يعنى أعطال أقل و قطع الغيار الأصلية إللى فيها لسه بخيرها
بس طبعاً شرط الحاله إللى أدامك
و ربنا يوفقك للخير , و متنساش تصلى إستخارة.

[mostafagaber]

معلش يا عم مصطفى
هيا مجرد نصيحه
الألمانى معروف طبعاً و محدش يقدر يتكلم فى حقه نص كلمه
بس حضرتك عارف قطع الغيار و أسعار المصنعيات مع الألمانى أد إيه؟
حضرتك تقريباً كان معاك مازدا 323, و غالباً موديل قديم, و طبعاً عارف أسعار الصيانه أد إيه
البولو بقى تضرب سعر أى حاجه فى 8 أو 10 كمان
بخلاف إنها برضه مش موديل حديث _ 1999 يعنى أكيد محتاجه شغل برضه


و جههة نظرى
بما إنك كنت بتقارن بين الفليشيا و البولو و الأكسيل و البرايد و أخيراً الألتو
يعنى تقريباً ليك مزاج من الهاتشباك
خليك فى الألتو
هتلاقى الأوبشنز كويسه (تكييف - باور - سنتر و إنذار و زجاج كهربا)
عربية يابانى و تقفيل هندى (المهم إنها مش تقفيل مصرى و لا حتى صينى)
إستهلاكها فى البنزين رائع
و الأهم موديل عالى يعنى أعطال أقل و قطع الغيار الأصلية إللى فيها لسه بخيرها
بس طبعاً شرط الحاله إللى أدامك
و ربنا يوفقك للخير , و متنساش تصلى إستخارة.

بص يا باشا انا مش عارف اقولك ايه علي الرد الجميل المريح بتاع حضرتك بس انا اصليمعرفش في الالتو اوي يعني موضوع قطع الغيار منتشره ولا لاء وفي ناس بتعرف تشتغل فيها ولا لاء لائني اسمع الماروتي الصنايعيه مبيحبوهاش عشان الحوض بتعها ضيق وكمان البولو زي الجنيه الذهب ماسك نفسو سعرو حلو وكمان خايف اجيب التوتطلع عربيه ضعيفه وكمان تكيف علي 800 سي سي مش هيبئي تكيف بس انا والله مجرد فكره وبناقشها مع الاخوه في المنتدي ولو ان الاعلانات الموجوده للالتو 2008 مفيهاش تكيف

[عبدالرحمن-جبر]

البولو لازم تكون نضيفة عشان تكون زى الجنيه الدهب و لو عايز منها نضيف تركب و تستمتع و تكون كاملة هتخش ف 40 و ممكن تشوف الفليشيا ممتازة برضه و النمرة واحد فيها تكييف و سنتر و مرايات كهرباء بس مفيش بور تعمل 35 *نمرة واحد يعنى فبريكة برا و جوة و عربية بيتى مش متهانة

[mostafagaber]

البولو لازم تكون نضيفة عشان تكون زى الجنيه الدهب و لو عايز منها نضيف تركب و تستمتع و تكون كاملة هتخش ف 40 و ممكن تشوف الفليشيا ممتازة برضه و النمرة واحد فيها تكييف و سنتر و مرايات كهرباء بس مفيش بور تعمل 35 *نمرة واحد يعنى فبريكة برا و جوة و عربية بيتى مش متهانة

انا مقتنع اوي بالفلشيا وفي واحده ادامي كويسه اوي بس المشكله ان الناس بيؤلولي ثقيله في بيعها مع ان النت مليان منها بيتباع وكمان بيقولو بتسخن والناس الي معاهم بيقولو ولا بتسخن ولا حاجه بس تكون ديما ايدك فيها ومراعي دوره التبريد

[عبدالرحمن-جبر]

هى كانت معايا هى لو مظبوطة من كله ولا هتسخن ولا حاجة بس هى اخشن شوية من البولو و استهلاك بنزن اعلى و قطع غيار ارخص و صالون و شنطة اوسع بس عفشة انشف من البولو و ثبات اقل و تكييف الفليشيا مش حلو و بتنزل كلها بدون باور مشكلة البولو ال1000cc ان مش اى مقطف يحط ايده فيها على عكس الفليشيا

[mostafagaber]

يعني عيوبها لو ايدي فيها ممكن التغلب عليها صح؟

[Amr_Azab]

علي حسب معلوماتي البولو مقاربة جدا للفابيا في معظم الميكانيكا
فيا اما بتبقي فاضية زي اللي معاية - يعني مفيش باور ولا تكييف ولكن فيها أيرباج
يا اما تبقي كاملة ويبقي فيها تكييف وباور وزجاج كهرباء مع الآيرباج
فعلي ما أعتقد الآيرباج ده عامل أساسي ومش معتبر أوبشن لان عربيتي فاضية وفيها أيرباج
لكن يبقي باور وايرباج بس غريبة شوية لا منها فاضية ولا منها كاملة !!

[msa142]

غالبا دى عربيه مواصفات اتحاد اوروبى بيكون اساسى فيها الايرباجز و ABS ودخلت مصر استيراد معاقين
شوف اللينك دا
Used POLO VOLKSWAGEN for Sale | BF156631 | Japanese Used Cars Exporter BE FORWARD