إعـــــــلان

Collapse

.

,
See more
See less

مشكلة في كهرباء جيتا ٢٠٠٨

Collapse
X
 
  • Filter
  • الوقت
  • Show
Clear All
new posts

  • مشكلة في كهرباء جيتا ٢٠٠٨

    السلام عليكم ورحمة الله
    ياريت يا جماعه اللي عنده خبره في كهرباء جيتا ٢٠٠٨ هاي لاين خليجي ينصحني أعمل إيه
    العربية بتكون ماشية زي الفل وفجأة الاقي الكهربا فصلت .. بحس بيها في دواسة البنزين طبعاً والاقي مؤشرات السرعة والار بي ام والبنزين فصلت
    الكلام ده بيحصل للحظة والكهرباء ترجع تاني ومع وجود رجلي على البنزين تقوم تلقط باور تاني وتكمل مشي
    لكن لو رجلي على الفرامل مش بتلقط وساعتها بلاقي العربية اصبحت قطعت حديده .. بطه وبركت عى الارض !! لا فيه مارش ولا لمبات التحذير اللي بتنور اول ما افتح الكونتاك بتنور ولا بقدر احرك الفتيس لل M علشان اعرف اقطرها
    الكلام ده بيحصل والعربية بتفضل على الحال ده لغاية ما تبرد وبعدها ادور الاقي لمبات التحذير نورت والمارش اشتغل واعرف امشي بيها تاني
    رحت بيها لكهربائي راجع علبة الفيوس اللي عند الموتور لقينا فيوس مكانه مملح رشينا DW4 ونضفنا بالهوا
    مشيت بيها لفترة ربع ساعه والمشكلة رجعت تاني
    ارجوكم اللي يعرف حل للمشكلة دي يفيدني
    اسف للاطاله بس انا حبيت اشرح المشكلة باستفاضة علشان اللي يعرف لها حل
    شاكر لاهتمامكم

  • #2
    بص يا باشا ..المشكلة دي حصلت بالضبط كده زي ما بتقول مع واحد كان عنده هيونداي النترا 2007...بس مع فرق بسيط ..إن العربية مكانتش بتفقد النطق زي عندك ..لأ...اللي كان بيحصل عنده إن النور بيقطع ..يعني والعربية ماشية أي حاجه فيها نور تقوم قاطعه ..بما فيها عداد المسافات اللي في التابلوه ..والتكييف ..الحاجه الوحيدة اللي كانت بتبقى شغاله في العربية هي الموتور ..وراح لكذا واحد وكلهم قالولوا غير الكنترول ..لإن الكنترول عندك في مشكلة ..لغاية ما راح لواحدة فكله الكنترول ونظفه تنظيفه كويسه وقاله جرب ..المشكلة حصلت معاه مره واحده بس بعدها ..ومن يومها والعربية ماشيه معاه زي الحلاوه ..قبل ما أنسى ..المشكلة دي حصلت عند صاحبنا ده بعد ما غسل العربية غسله غبيه ..لإنه غسلها من بره ومن جوه وغسل الحوض ...فعشان كده كان الشك عنده إن الكنترول يكون وصله مياه ..عموما ..شيك على الكنترول بتاع العربية ..وحطها على إسكانر وشوف برضه اللي هيظهرلك ..بس مبدئيا ..شيك على الكنترول الأول
    [SIGPIC][/SIGPIC]--------

    m_m_sh_a سابقا

    Comment


    • #3
      الحمد لله تم حل المشكلة

      Comment


      • #4
        المشاركة الأصلية كتبت بواسطة m_m_sh_a مشاهدة المشاركة
        بص يا باشا ..المشكلة دي حصلت بالضبط كده زي ما بتقول مع واحد كان عنده هيونداي النترا 2007...بس مع فرق بسيط ..إن العربية مكانتش بتفقد النطق زي عندك ..لأ...اللي كان بيحصل عنده إن النور بيقطع ..يعني والعربية ماشية أي حاجه فيها نور تقوم قاطعه ..بما فيها عداد المسافات اللي في التابلوه ..والتكييف ..الحاجه الوحيدة اللي كانت بتبقى شغاله في العربية هي الموتور ..وراح لكذا واحد وكلهم قالولوا غير الكنترول ..لإن الكنترول عندك في مشكلة ..لغاية ما راح لواحدة فكله الكنترول ونظفه تنظيفه كويسه وقاله جرب ..المشكلة حصلت معاه مره واحده بس بعدها ..ومن يومها والعربية ماشيه معاه زي الحلاوه ..قبل ما أنسى ..المشكلة دي حصلت عند صاحبنا ده بعد ما غسل العربية غسله غبيه ..لإنه غسلها من بره ومن جوه وغسل الحوض ...فعشان كده كان الشك عنده إن الكنترول يكون وصله مياه ..عموما ..شيك على الكنترول بتاع العربية ..وحطها على إسكانر وشوف برضه اللي هيظهرلك ..بس مبدئيا ..شيك على الكنترول الأول

        الحمد لله تم حل المشكلة
        والحكاية كلها كانت في البوچيهات
        بمجرد تغييرها المشكلة راحت والعربية اتظبطت
        طبعاً حاجه غريبه لاننا نعرف ان البوچيهات ممكن تضايق في الدواره والعربيه بارده خصوصا في الشتاء
        لكن الكهربائي اللي رحت له اكد لي ان البوچيهات لو عاوزه تتغير بتأثر في كنترول العربيه وتخليه يلخبط والعربيه تفصل زي ما حصل معايا
        انا غيرت البوچيهات وجربت العربيه في مشاوير كتير والحمدلله المشكلة ما رجعتش تاني

        Comment


        • #5
          مبروك على حل المشكلة والحمد لله طلعت بسيطة
          وشكرا عالافادة
          [CENTER]Eng. Sherif Ashraf
          SEAT TOLEDO MK4 2014 M/T 1.6L 105HP CFN
          VW Pointer 2005 1.6L 92HP UNF[/CENTER]

          Comment


          • #6
            مفروض تعمل للسياره دفتر منتظم للصيانه
            george yousef سابقا

            Comment


            • #7
              المشاركة الأصلية كتبت بواسطة george yousef مشاهدة المشاركة
              مفروض تعمل للسياره دفتر منتظم للصيانه

              العربية عامله ٨٩ الف كم
              يعني كان ميعاد غيار البوجيهات فعلاً

              Comment


              • #8
                المشاركة الأصلية كتبت بواسطة eraser مشاهدة المشاركة
                مبروك على حل المشكلة والحمد لله طلعت بسيطة
                وشكرا عالافادة

                والله نفس المشكلة دي شفتها من فتره عند تامر بتاع الجولف اللي في الحرفيين
                واحد جاي مخصوص من الاسكندرية بيشتكي من نفس المشكلة
                وللأسف في الاسكندرية شخصوا العيب انه في عدادات التابلوه
                وعليه لقيته جايب عددات عربيته مش قادر يمشي بيها وبيدور على عدادات زيها
                فحبيت ابلغ اللي عنده جيتا ومر بنفس المشكلة انه يجرب يغير البوجيهات

                Comment


                • #9
                  اهم شيء تكون غيرت البوجيهات بالموديل اللي موصي بيه لموتورك تفرق جامد وده بتعرفه من الكتالوج او من مواقع البوجيهات المشهورة زي ngk
                  [SIZE=3]" اللهم إنا نجعلك في نحورهم ، ونعوذ بك اللهم من شرورهم "[/SIZE]

                  Comment


                  • #10
                    المشاركة الأصلية كتبت بواسطة abomazenelgen مشاهدة المشاركة
                    الحمد لله تم حل المشكلة
                    الحمدلله على حل المشكلة ..
                    [SIGPIC][/SIGPIC]--------

                    m_m_sh_a سابقا

                    Comment


                    • #11
                      المشاركة الأصلية كتبت بواسطة windofchange مشاهدة المشاركة
                      اهم شيء تكون غيرت البوجيهات بالموديل اللي موصي بيه لموتورك تفرق جامد وده بتعرفه من الكتالوج او من مواقع البوجيهات المشهورة زي ngk

                      ده تم بالفعل
                      انا ركبت ngk اشتريتهم من محل لقطع غيار الڤولكس والسكودا

                      Comment

                      Working...
                      X