تسقيط موتور جولف

[mido51eg]

السلام عليكم يارجالة

النهارده اول مرة اعمل موضوع في قسم الجولف ، انا زميلكم في قسم الفورد
محتاج مساعدتكم ياشباب ، ليا صديق عنده عربية Cherry A11 ، العربية جابت موتور وبدل ماندخل في قصة العمرة والكلام ده استقر الرأي على تسقيط موتور جديد
العربية دي يركب عليها موتور الجولف 2 والجولف 3 ، السؤال : ندور عند مين يكون عنده مواتير نضيفة وسعر الموتور ده في حدود كام ؟

[fouaa]

فى واحد كويس فالحرفين اسمو عبده هوا بور سعيدى وانا شخصيا شارى منو الماتور بتاعى وكزا ماتور تانى محترم وسعرو كويس ومواتيرو كويسه وبالنسبه للورق بيجيبو فمعادو ومن غير اى ملاوعه لو عاوز رقمو ادورلك عليه

[mido51eg]

مشكور على الرد ، وياريت رقم تليفونه

[fouaa]

هوا حاليا موش معايا هدور عليه وهكتبهولك اول ماعطر فيه
واخد بالك انى موش بحتاج رقم الراجل :) ودى حاجه حلوه

[Hazem_Ahmed]

ربنا يوفقك بس ياريت تاخد معاك حد بيفهم ف الحاجات دى لان الماتور لو ف حاجه صغيره جدا هتزعل جدا جدا جدا

[elokle]

هتروح الحرفيين هتدخل شارع المرسيدس من ناحيه جمال عبد الناصر وبعدين اول يمين هتلاقي شارع كامل لحاجات الجولف والسعر حسب نوع الموتور
. انا اشتريت من 3 شهور موتور 1800 لجولف 3 كان عامل 5000 جنيه بالفتيس والكنترول والسدر كامل
واعتقد 1600 بيكون في حدود 3000-3500 بالفتيس والكنترول وانت وشطارتك في الفصال