محل الشهابي بشارع دمشق

[Elwan117]

انا من سكان الهرم وقريت كل المواضيع اللي مكتوبه عن الشهابي بشارع دمشق مصر الجديده والمدح فقطع غياره الاصلي ، فخدت القرار النهارده الصبح وزوغت من الشغل وابتديت رحلة سفري الي هناك بعربيتي البولو اللي مفهاش حاجه سليمه علي امل اني اجبلها كل اللي هيا محتاجاه من واحد ثقه واخيراً وصلت بعد عناء وركنت بالعافيه ونزلت للمحل وافاجأ انه مبيشتغلش فالبولو القديم اصلاً بقاله اكتر من سبع سنين قولتله ازاي يا عم الحاج ده الناس عالنت كاتبه عنك اساطير فقطع غيار البولو من بداية ٩٤ لغاية دلوقتي قالي لأ انا دلوقتي شغال مرسيدس وحجات بسيطه للڤولكس عموماً.
فحبيت اقول للي ميعرفش عشان ميطخش المشوار ده زي حلاتي واقول للي عارفين طالما عرفتو قولولنا عشان منضيعش وقت بالطريقه دي وشكراً.

[Elwan117]

هو من الواضح ان الناس كلها كانت عارفه الا انا اسف عالموضوع القديم بالنسبالكو

[mohd7380]

هي فعلا معروفة بس شكرا و ارجوا بعد كدة تستخدم التليفون قبل اي مشوار
كان ممكن تكلم 140 و تجيب تليفونه و تكلمه زي منا عملت من 6 سنين و قالي نفس القالهولك و انا في بورسعيد بس انت احسن مني لانك نصحت الناس و انا بساعد معاك

[bob12345]

شكرا للتوضيح يا باشا بس عنده كل حاجة الفولكس الجديد و عنده مرسيدس برده بس لسه شاغل في الفولكس
و الحاجة عنده اصلية بس اقل من سعر قطع الغيار الاصلية بسنة بسيطة يعني ممكن يكون سعر قطع الغيار عنده ضفف او ضعفين سعر قطع الغيار المنتشرة في السوق

[Amr_tika88]

انا لا افضل التعامل معاه لانه غالي جدا وقطع غيار الفولكس موجودة ومفيش فيها ازمة