السلام عليكم

[shark12345]

كنت محتاج مساعده من خبراء المنتدي
دلوقتي انا قدامي باسات 2011 الشكل الجديد فابريكه بره وجوه وكل الصيانات في التوكيل بس ماشيه 95000
وهي 1400 تربو
بالنسبه حاليا لمشكله الفتيس هي كانت وهي ماشيه 10000 غيرت فتيس في الضمان
فهل ممكن الموضوع جه يتكرر تاني ام لا لاني سامع ان في ناس بتغير الفتيس بتاع الموديا ده ب 3 و 4 مرات وطبعا لو عربيه خرجت من ضمان حيبقي مبلغ محترم ولو اشتريتها انا كده حبقي دفعت اللي ورايا وقدامي
بخصوص البنزين صاحبها قالي انه عادي بيحط 92 فده عادي ولا حيعمل مشاكل
انا عاوز الخلاصه من الاعضاء العربيه تسوي كام بالحاله ديه وهل اصلا اشتريها ولا ابعد عن الشر واجيب حاجه كوري كسر زيرو منتظر رد الاعضاء

[Ahmed_m7md_A5]

هى دى فتيس dsg ؟؟ هههههه ده هو هيبيع و يلبسك أنت , أياك تشترى كل الفولكس الجديد و الاسكودا بيشتكوا من الفتيس , اللى هيبعلك فاكرك حمار و لامؤاخذة و ميعرفش ان وراك رجالة المنتدى ينبهوك
استنى و هتشوف الردود

[shark12345]

منتظر الردود...............

[shark12345]

فتيس dsg >>>>>>>>>>>>

[J A G U A R]

ابعد عنها وريح دماغك

[Ahmed Saad]

أبعد عن ال dsg الفولكس خالص مليان مشاكل ولو غيرته استيراد يخش لك في حاجه وعشرين الف جنيه سيبك منها حتى لو عامله 100 كيلو وفيها جناحات وبتطير الفتيس ممكن فعلا يكرهك في عيشتك لو حابب تركب اركب اسكودا اوكتافيا فانتازيا محترمة وليها سعر اعاده بيع ومش مقرفه زي الباسات هي طبعا الباسات ركوبه عنها بس الفانتازيا اعطالها أقل من الباسات بس نصيحه من اخ ابعد عنها حتي لو ببلاش وربنا يوفقك للاصلح ان شاء الله

[saddam]

هى دى فتيس dsg ؟؟ هههههه ده هو هيبيع و يلبسك أنت , أياك تشترى كل الفولكس الجديد و الاسكودا بيشتكوا من الفتيس , اللى هيبعلك فاكرك حمار و لامؤاخذة و ميعرفش ان وراك رجالة المنتدى ينبهوك
استنى و هتشوف الردود

صديقي المواطن
حضرتك عضو وأخ وزميل فاضل وأنا بعتز بمشاركاتك ولكن أرجو مراجعة النفس في بعض العبارات الصادمة حتى لو كانت على سبيل المزاح أو حرصك على أخيك طالب المشورة وكلنا ثقة بأنك ستقوم بالصح الذي تراه مناسبا

اﻷخ صاحب الموضوع اﻹستغراب هو مهما كان الفتيس به عيوب ولكنه لا يبرر تغييره في أول 10 آلاف كيلو ولو كانت العربية بعد ما ترفعها في التوكيل نظيفة فعلا وسعرها لقطة فتاخدها طبعا الركوبة برضو ليها ثمن ولا يعوضه الكوري الموجود في السوق المصرية
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[shark12345]

شكرا يا جماعه وبشكر الاخ صدام علي ناحيه طريقه الكلام اللي انا بردو معجبتنيش صحيح هو نيته المساعده لاكن متبقاش بالاسلوب ده لاني ممكن يضايق بعض الناس وانا منهم متشكرين جدا علي النصيحه بس ياريت نوصلها باسلوب احسن من كده شويه
وشكرا للعضو hitmangate علي النصيحه

[shark12345]

saddam
هو العربيه لصديق وانا شاريها معاه من الزيرو وحصل موضوع الفتيس ده اول ما اشترينا العربيه لوحده وطبعا بعد كده عرفنا انه عيب منتشر المهم التوكيل غيره ومن ساعتها تمام وبالتسبه للكيلو متر فالرجل شغله في قليوب وهو ساكن في اكتوبر غير مشاويره الخاصه العربيه بصراحه جميله وفعلا ركوبه بس انا خايف من موضوع الفتيس لحسن يتكرر وكمان اسعار قطع الغيار المبالغ فيها فبصراحه محتار وبردو انا مش عارف العربيه تساوي كام لو اشتريتها منه بس هو تقريبا بيتكلم في 150 الف