مشكله في البولو 2000

[NaderKamal]

ظهرت مشكلتين معي في السيارة وهي بولو موديل 2000 (1000 سي سي):
اولاً : وهي عدم صعود مؤشر البنزين الى نهاية العداد رغماً ان خزان البنزين الاساسي والاحتياطي مليان.
ثانياً : عدم انتظام (تقطيع) صوت صفارة الانذار الداخلية للسيارة (التي تعمل عند ترك مفتاح النور مضئ والكونتاكت مغلق).
فهل هناك احد صادفته مثل هذه المشاكل من قبل؟؟!!

[dr_3eshoo]

معايا القصه دي البسات
المشكله الاولى علشان حاجه من اتنين
يا اما خزان الاحتياطي مخروم
يا اما حساس البنزين بيهرج
المسكله التانيه عامله معايا زي الاغنيه الي بتقول انا عندي شعره ساعه تروح و ساعه تيجي و مش هاتصدق بيتيجي في الايام البرد القارص و الصفاره تشتغل و في الايام العاديه سعات و سعات و مش عارف حل

[iBiZa]

اولاً : وهي عدم صعود مؤشر البنزين الى نهاية العداد رغماً ان خزان البنزين الاساسي والاحتياطي مليان.

غالبا كدة عوامة البنزين و دية استيراد ب 150 جنية.

ثانياً : عدم انتظام (تقطيع) صوت صفارة الانذار الداخلية للسيارة (التي تعمل عند ترك مفتاح النور مضئ والكونتاكت مغلق).

ممكن السلوك اللى واصلة للسماعة الصغيرة فيها حاجة ملمسة و عشان كدة تلاقيها شوية شغالة و شوية لأ. السماعة دية غالبا بتبقى فى ضهر علبة العدادات.

[dr_3eshoo]

طب يا ابيزا اوصل ازاي للسلوك بتاع السماعه دي ازاي
و موضوع بتاع مؤشر البنزين ده من العوامه مش تنك الاحتياطي

[iBiZa]

طب يا ابيزا اوصل ازاي للسلوك بتاع السماعه دي ازاي

لازم تفك علبة العدادات

[iBiZa]

طب يا ابيزا اوصل ازاي للسلوك بتاع السماعه دي ازاي
و موضوع بتاع مؤشر البنزين ده من العوامه مش تنك الاحتياطي

انا مش ناسيك يا باشا و فى اول فرصة اهو جبتلك صورة ضهر علبة العدادات و مكان السماعة الصغيرة, و دة طبعا بالنسبة للPolo

[iBiZa]

و بالمناسبة فك العلبة مش صعب ولا سهل بس محتاج تسايسها

[original]

اولاً : وهي عدم صعود مؤشر البنزين الى نهاية العداد رغماً ان خزان البنزين الاساسي والاحتياطي مليان.

المشكلة دى ممكن يكون المؤشر نفسه مش مظبوط وممكن يتظبط لما تشيل وش العداد وتتأكد إن المدى بتاعه من الصفر لحد ال Full بس مش أكتر ولا أقل من كده