سؤاااااااااااااال بسييييييط

[pompoman]

ليا واحد صاحبي معاه باسات موديل 98 اوتو 1600 ومتكحرط شويه ف المصاريف وبيحط للعربيه بنزين 92 ينفع يحط 80 مع انه نضيييييف ولا هتزعله مع العلم اني كان معايا سوبر اكشن واتزنقت مره بسبب ازمة البنزين وحطيت 80 وكانت عادي بالنسبه ليه هو ينفع يحط بنزين 80 ولااااااااااا ولو كانت مانيوال برده ينفع ولاااا

[saddam]

صديقي المواطن
جواب بسيط زي محضرتك سائل وبتقول سؤال بسيط
قولا واحدا
لا مينفعش

أولا البنزين 80 ده جريمة ولا يتواجد إلا في الدول الفاشلة للأسف وهو غلط حتى على العربيات ال أي كلام ال 128 والفيات والخنفسه والميكروباصات ﻷنها شوية شوية حتدمر المكنة وكل حاجة فيها وبوجيهات وكهربا وزيت وكل ما تتخيل
وإنت لو حطيت بنزين 80 مش حتقول ﻷ بس العربية كام شهر وحتوقع ورغم إن الباسات ال 98 مش العربية الواااااو أوي ولكن برضه لازم يخاف عليها أما لو هو ممكن يحط نص 80 ونص 92 فممكن تعتبر نص جريمة وبرضو منصحش بيها
أو لو هو مزنوق ماديا أوي وفيه أمل مثلا بعد سنة ولا حاجة وظروفه تتحسن من وسع ويعرف يطلع على جنب في حدود 4 أو 5 آلاف فمفيش مانع يحط بنزين 80 وخلال سنة أو سنة ونص بكبيرك أوي لو سايق على أقل من مهلك سنتين وتفتح المكنة وتعمل عمرة ولكن ساعتها لو كان ربنا رزقه بال 5 آلاف أكيد حيكون رزقه أكتر بحيث يبيع العربية ويكمل عليها ﻷنه ببنزين 80 كده حيشفط كل خير العربية حتى آخر نفس
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[MOTOR HEAD]

انا بقول يشوف الكتالوج لو موجود يعنى بينصح بانهى نوع بنزين
على حسب نسبه الانضغاط

[pompoman]

تسلم يابوب ع الرد هو حاليا مش بيحطلها غير 92 بس السؤال مثلا هو لو حصله موقف او اتزنق هينفع ولاا بس مش اكتر انا عارف انه مينفعش ولكن لو مثلا حصله موقف زي اللي حصلي مثلا ف طريق او كده ينفع يحطه مثلا صفيحه او كده ولا يتكل ع الله وياخد تاكسي ويرجعلها بصفيحه 92

[pompoman]

هو بالنسبه للكتالوج ما اعتقدتش انه يكون فكر يدور عليه اصلا بس هو لو حد عنده معلومه ف الخصوص ده يفيدنا ومعلومه لياا انا بقي ف السريع هو متوسط استهلاكها ف الصفيحه كام كيلو ده بالنسبه لل 92

[omaranes77]

لا ياباشا خلية في 92 بس لو لقدر اللة اتزنق اوي ممكن بس بعدها ينضف التانك والراشاشات وكدة ويحط مرة 95 وينضف التنك بس لو حسبنا دي ليدي فية حل كمان انو يجيب جركن ويملاه ويسيبة في العربية ولو عملتها معاه يحوط منة ...تحياتي

[saddam]

تسلم يابوب ع الرد هو حاليا مش بيحطلها غير 92 بس السؤال مثلا هو لو حصله موقف او اتزنق هينفع ولاا بس مش اكتر انا عارف انه مينفعش ولكن لو مثلا حصله موقف زي اللي حصلي مثلا ف طريق او كده ينفع يحطه مثلا صفيحه او كده ولا يتكل ع الله وياخد تاكسي ويرجعلها بصفيحه 92

صديقي المواطن
بنزين 80 طبعا بنزين مهزلة وجريمة وضرره زي ضرر مية النار عالعربية وبيضرب مدافع داخل المكنة وده بيخليها تسقف على طول الخط لكن في نفس الوقت لو في طريق وقطعت مني بنزين ححط بنزين 80 وأمشي بالراحة ومظغطش عالمكنة والبساتم ﻷخفف الضرر وبعدين أزود 92 ﻷني لو سبتها جايز أرجع ألاقيها مسروقة أما موضوع منظفات الرشاشات مع التنك فدي بديهيات ولازم أقل واجب أقل واجب تحط واحد كل 5 أو كل 10 تموينات يعني مرة شهريا أو مرة كل شهرين ولكل العربيات سواء كربريتير أو رشاشات
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[Hazem_Ahmed]

هو بالنسبه للكتالوج ما اعتقدتش انه يكون فكر يدور عليه اصلا بس هو لو حد عنده معلومه ف الخصوص ده يفيدنا ومعلومه لياا انا بقي ف السريع هو متوسط استهلاكها ف الصفيحه كام كيلو ده بالنسبه لل 92

كل كتالوجات الالمانى القديمه بتنصح ببنزين 90 وانت طالع لاكن الجديد معرفش كده ولا لا

وتقريبا هتلاقى عندك ع غطا التانك من جواه اقل بنزين ممكن تحطه للعربيه

[pompoman]

متشكر لكل الرجاله اللي نورتني بس هو برده لسه محدش جاوبني بالنسبه لاستهلاك الباسات دي بيكون كام كيلو ف الصفيحه بس يكون فعلي مش اللي مكتوب ف الكتالوج ............