جولف ٤ اخرها ١٤٠ ازاي بس يا جماعة

[ghost_hamdi]

السلام عليكم
انا محتاج حد يقولي ده اسمه ايه
عربيتي جولف ٤ موتور ١٨٠٠٠ عادي مش تربو
واخرها بتجيب ١٤٠ بطلوع الروح والار بي ام علي ٥ طبعا انا بخاف اقرص اكتر من كدة
المهم انا محتاج اعرف ده اسمه ايه وممكن يكون العيب من ايه وهي اخرها المفروض سرعة قد ايه يعني بالبلدي اخرها كام سرعة
انا لاحظت لما بدورها الصبح وهي واقفة بلاقي عداد الار بي ام بيرقص لوحده من غير ما ادوس بنزين وبعد ما تسخن بريع يتظبط
هي ده ليه علاقة بمشكله السحب
انا عملت كبس بساتم والحمد لله ٧٠٪ ولسه مغير كل الفلاتر ومغير طرمبة البنزين
يا ريت حد يفيدني علشان انا خلاص قرفت

[omaranes77]

المشكلة بتتحدد في حاجتين حضرتك تعملهم
1- نضف رشاشات وبوابة 2 اعمل تشيك علي الكمبيوتر
بس الموضوع دة كدة حساس كامة واللة اعلم لان العربية مش قادرة تكمل بس لازم الكشف علي الكمبيوتر

[ghost_hamdi]

ولو حساس كامة ده امره سهل ولا موضوع كبير
؟؟

[mohamedbook]

كده حساس كامه بلا نقاش واكشف كمبيوتر وانت تعرف انه مش شغال
هو تمنة استيراد حوالي ماتين وخمسون جنيها والتركيب في حدود مائة جنية وانت وشترطتك وهتلاقي العربية معاك بتجيب مائة وتسعون

[omaranes77]

ولو حساس كامة ده امره سهل ولا موضوع كبير
؟؟

كانت عندي وامرة سهل انشاء اللة

[mohamedbook]

ولو حساس كامة ده امره سهل ولا موضوع كبير
؟؟

امره سهل ان شاء الله هي كلها ساعة فك وتركيب

[elokle]

المفروض الموتور ده يعدي 200 مرتاح انا معايا موتور 1800 عادي لجولف 3 وجبت بيه 200 كم\س و ار بي ام كان 5ونص

[ghost_hamdi]

طيب يا جماعة هو الحساس ده هو اللي بيخلي عداد الار بي ام. يقعد يتحرك والعربية بتسخن
وهل في خطر لو مشيت بالعربية كدة لحد ما اروح للميكانيكي

[mohamedbook]

طيب يا جماعة هو الحساس ده هو اللي بيخلي عداد الار بي ام. يقعد يتحرك والعربية بتسخن
وهل في خطر لو مشيت بالعربية كدة لحد ما اروح للميكانيكي

اهم حاجة متقرص علي العربية
بس اعتقد ان السخونه دي سببها حاجة تاني مشكلة في دورة التبريد

[haisam ali]

طاب مش ممكن ديسك واسطوانه ......؟ وكمان موضوع ال rpm ده حاول تنظف الايدل بالبوابه هتتظبط باذن الله ..... معلش انا قولت اخش اشارك كده ممكن افيد

[ghost_hamdi]

هي مش بتسخن يا جماعة انا قصدي وانا بسخن العربية الصبح بلاحظ ان عداد الار بي ام بيرقص لحد ما العربية بتسخن درجة الحرارة العادية. العداد بيتظبط
ولو ديسك واسطوانة ، لو انا غيرت الفتيس الفتيس الجديد بيجيي معام ديسك واسطوانة ؟؟

[windows9x]

ممكن تفيدنى انت عملت ايه فى المشكله دى؟

[ghost_hamdi]

بص يا باشا انا عارف انتا محتار ازاي بسبب المشكلةً دي ، بس انا اصلا كنت هاقلب العربيةً اوتوماتيك فالمشكلة راحت لان الفتيس الجديد اللي راكب اتوماتيك مش مانيوال والله انا كان نفسي اساعدك واقولك المشكله فينًً. بس انا برجح ان المشكله. في طقم الدبرايج

[windows9x]

انا بخمن كده برضه، شكراً يا باشا

بس قللى انت قلبتها ازاى؟ وكلفتك كام بالمصنعيه؟

[ghost_hamdi]

حوالي ٦٠٠٠ بتغير الفتيس بالبدلات بالعصايه بالعداد بكبالن خلفيه
وكمبيوتر بتاع الفتيس