مشكلة فى باسات 2011 الشكل الجديد

[man_66666661]

تحيه لاعضاء المنتدى

معايا عربية باسات 2011 الشكل الجديد ماشيه 35000 كم لما بتكون واخدة غيار على d وابتدى ارفع رجلى تمشى ازود بنزين شويه احس برجه جربت احول الفتيس على المانيوال واطلع اول تانى ثالث مفيش رجه
ممكن حد يفيدنى فى الموضوع ده واتصرف ازاى

[Mahmoud/Nabil]

متابع بشده

[akrumcs]

الموضوع بسيط ماتقلقش روح اكشف في التوكيل الرجه دي تاكل طقم الدبرياج وبيتغير في التوكيل وببلاش

[Welsherif]

تحيه لاعضاء المنتدى

معايا عربية باسات 2011 الشكل الجديد ماشيه 35000 كم لما بتكون واخدة غيار على d وابتدى ارفع رجلى تمشى ازود بنزين شويه احس برجه جربت احول الفتيس على المانيوال واطلع اول تانى ثالث مفيش رجه
ممكن حد يفيدنى فى الموضوع ده واتصرف ازاى

انصحك تروح التوكيل لو العربية تحت الضمان لان ده عيب شائع بسبب الفتيس dsg و قد يستلزم تغير الفتيس بالكامل

[man_66666661]

شكرا على الردود والاهتمام

[mafify]

دا حساس فتيس

[man_66666661]

وحساس الفتيس ده غالى عشان انا لسه فى الضمان يعنى هاتحمله ولا فى الضمان

[inspiron]

وحساس الفتيس ده غالى عشان انا لسه فى الضمان يعنى هاتحمله ولا فى الضمان

أنصحك بالتوجه للوكيل عدِل وتعرف المشكلة فين بالظبط منهم هما..وأي حاجة هما هيتحملوها مش حضرتك
وإن شاء الله تطلع حاجة بسيطة وبعد ما تخلص اتبع الآتي نصيحة لوجه الله عشان تنسي الفتيس خالص :-

1- في الزحمة والإشارات متسبش الفتيس علي الـ d دايماً يكون n
2- في الزحمة أيضاً تستخدم الستيب ترونيك بحيث العربية تتحرك علي الغيار الأول فقط زيها زي المنوال لأنك لو خليته علي الأوتوماتيك هتتحرك علي التاني وده جهد علي الفتيس.
3- مجرد ما يكون الطريق ماشي بسيولة ومش مخنوق خليها أوتوماتيك عادي.

كل الخطوات دي سببها إن الفتيس ده ما هو إلا فتيس منوال بس عامل نفسه أوتوماتيك :)

[man_66666661]

شكرا لرد حضرتك انا فعلا رحت التوكيل وقالى ان المانيا اوصت بتغيير زيت الفتيس وجابه زيت فتيس يناسب درجة الحرارة عندنا وتم تغيير الزيت وعمل سوفت وير للفتيس بس المشكلة مزالت قائمة

[M_Marwan]

متهيألى حضرتك اول حاله فى المنتدى باسات الشكل الجديد وفتيس فى مشكله ربنا يستر والموضوع يكون بسبط

[hany63]

متهيألى حضرتك اول حاله فى المنتدى باسات الشكل الجديد وفتيس فى مشكله ربنا يستر والموضوع يكون بسبط

الفتيس هوا هوا بمشاكله سواء شكل قديم او شكل جديد

[hany63]

شكرا لرد حضرتك انا فعلا رحت التوكيل وقالى ان المانيا اوصت بتغيير زيت الفتيس وجابه زيت فتيس يناسب درجة الحرارة عندنا وتم تغيير الزيت وعمل سوفت وير للفتيس بس المشكلة مزالت قائمة

هوا ده نظامهم يعمل سوفت وير ولا ليه تلاتين لزمه و تفضل تلف حوالين نفسك
حضرتك تروح تزعق و تصر ان الفتيس يتغير بالكامل عشان الضمان قرب يخلص بدل ما تتفاجئ انها تقف بيك في وسط الطريق و ده اللي حصل مع ناس كتير اعرفهم

[hany63]

أنصحك بالتوجه للوكيل عدِل وتعرف المشكلة فين بالظبط منهم هما..وأي حاجة هما هيتحملوها مش حضرتك
وإن شاء الله تطلع حاجة بسيطة وبعد ما تخلص اتبع الآتي نصيحة لوجه الله عشان تنسي الفتيس خالص :-

1- في الزحمة والإشارات متسبش الفتيس علي الـ d دايماً يكون n
2- في الزحمة أيضاً تستخدم الستيب ترونيك بحيث العربية تتحرك علي الغيار الأول فقط زيها زي المنوال لأنك لو خليته علي الأوتوماتيك هتتحرك علي التاني وده جهد علي الفتيس.
3- مجرد ما يكون الطريق ماشي بسيولة ومش مخنوق خليها أوتوماتيك عادي.

كل الخطوات دي سببها إن الفتيس ده ما هو إلا فتيس منوال بس عامل نفسه أوتوماتيك :)

هههههه حلوه عامل نفسه مانيوال المصيبه ان الناس لما بتروح تشتري مكنتش تعرف المعلومه دي و لبست في الحيط
كل اللي قلته مظبوط تقريبا ما عدا موضوع الستبترونيك مش عملي الصراحه لاني جربته و كمان كنت مركب طاره بالشيفتات و مكودها لسهولة الموضوع
فتيس ٧ نقلات ستبترونيك في الزحمه صعبه شويه و خصوصا بقى لما تبقى على التاني و تلمس الفرامل تلقاها جابت الاول بهبده جامده كاءنها فرملت و ده مش موجود في الاوتو مود اللي فيه العربيه شبه بتطلع على التاني يعني خيارين كلاهما مر و الكلام ده عن تجارب طويله مريره

[inspiron]

هههههه حلوه عامل نفسه مانيوال المصيبه ان الناس لما بتروح تشتري مكنتش تعرف المعلومه دي و لبست في الحيط
كل اللي قلته مظبوط تقريبا ما عدا موضوع الستبترونيك مش عملي الصراحه لاني جربته و كمان كنت مركب طاره بالشيفتات و مكودها لسهولة الموضوع
فتيس ٧ نقلات ستبترونيك في الزحمه صعبه شويه و خصوصا بقى لما تبقى على التاني و تلمس الفرامل تلقاها جابت الاول بهبده جامده كاءنها فرملت و ده مش موجود في الاوتو مود اللي فيه العربيه شبه بتطلع على التاني يعني خيارين كلاهما مر و الكلام ده عن تجارب طويله مريره

تسلم علي ردك يا باشا

بالنسبة ليا الموضوع مش بالصعوبة دي..بتعامل معاه كأنه منوال بالظبط..وموضوع الهبدة في النزول من التاني للأول ده محصلش إطلاقاً.وبالنسبة لموضوع إنها شبه بتطلع علي التاني فأنا في المطبات أو الحركة من الثبات بطلع بالمنوال وأشبع الغيار الأول بعدين أحول لأوتوماتيك..

طبعاً أنا عارف إن من الكلام الناس هتستصعب الموضوع..لكن وقت التجربة بالخطوات اللي ذكرتها الموضوع بسيط :)

تحياتي..ومتابع

[hany63]

تسلم علي ردك يا باشا

بالنسبة ليا الموضوع مش بالصعوبة دي..بتعامل معاه كأنه منوال بالظبط..وموضوع الهبدة في النزول من التاني للأول ده محصلش إطلاقاً.وبالنسبة لموضوع إنها شبه بتطلع علي التاني فأنا في المطبات أو الحركة من الثبات بطلع بالمنوال وأشبع الغيار الأول بعدين أحول لأوتوماتيك..

طبعاً أنا عارف إن من الكلام الناس هتستصعب الموضوع..لكن وقت التجربة بالخطوات اللي ذكرتها الموضوع بسيط :)

تحياتي..ومتابع

ربنا يبارك لك في عربيتك لحد ما تعمل مليون كيلو