مشاركتى الأولى .. افيدونى .. محتاج رأيكم فى فولكس تيجوان 2014

[Adel George]

يا جماعة دى أول مشاركة لى فى المنتدى و محتاج مساعدتكم فى تقييم السيارة فولكس تيجوان 2014 أوتوماتيك و ايه مزاياها و عيوبها و لو فى حاجة أفضل منها ..

نقطة مهمة كمان ... سمعت ان فى تعديل كامل و شامل للسيارة فى موديل 2015 .. فهل استنى آخر السنة و لا اتوكل على الله و أجيب موديل 2014 ؟؟

شكراً مقدماً على اراكم و مساعدتكم

[Adel George]

هو ليه يا جماعة ماحدش بيرد عليا

أنا بجد محتاج مساعدتكم و آراءكم فى العربية التيجوان لأنى بافكر فيها بجدية بس محتاج أعرف مميزاتها و عيوبها من أهل الخبرة اللى فى المنتدى من فضلكم أفيدونى

[horas3000]

هو بخلاف الفتيس ذو السمعه الغير مشجعة
العربيه كويسه جدا و اثبتت نجاح كبير بره مصر
و اعتقد برضه ان قطع غيارها مش هتبقي منتشره زي باقي الفولكس و خصوصا بره التوكيل

[Adel George]

هو بخلاف الفتيس ذو السمعه الغير مشجعة
العربيه كويسه جدا و اثبتت نجاح كبير بره مصر
و اعتقد برضه ان قطع غيارها مش هتبقي منتشره زي باقي الفولكس و خصوصا بره التوكيل

طب لو سمحت فى أى حد عمل تقارير كاملة عليها و عن عيوبها و مميزاتها أو حد كتب عنها تقرير عن تجربة ؟؟

[akrumcs]

للاسف مش حاقدر افيدك في الأوتوماتك لكن لو اي استفسار في المانيوال انا موجود

[horas3000]

طب لو سمحت فى أى حد عمل تقارير كاملة عليها و عن عيوبها و مميزاتها أو حد كتب عنها تقرير عن تجربة ؟؟

كان بودي افيدك بس مفتكرش ان حد عمل تقرير عنها قبل كده
و عموما خدلك لفه في القسم لعل و عسي

[Adel George]

للاسف مش حاقدر افيدك في الأوتوماتك لكن لو اي استفسار في المانيوال انا موجود

طيب ماعلش اتعبك لو ممكن كلمنى عن المانيوال على الأقل يبقى عندى فكرة عن العربية بشكل عام ... يبقى كتر خيرك لو تفيدنى عن أهم مميزات و عيوب فى العربية

[akrumcs]

بص يا سيدي اللي حاكلمك عنها دي 2012 ياعني بعد الفيس ليفت الجديد هيا موتور 1400 TSI 160 حصان "الأوتوماتك بتبقى 150 حصان" طبعا هبا مانيوال 6 سرعات 4Motion او دفع رباعي لاكن الاوتوماتك دفع امامي فقط الموتور بسم لله مشاء الله عزمه حلو جدا وخاصة لو حاطط 95 لو ماشي بال 92 كويس وحلو برضوا بس بيقل شويه وكمان الإستهلاك بيزيد شويه في ال 92 هيا فرش جلد الخامات المستخدمه في الداخل مش محتاجه كلام ارتفاع العربيه في مصر تحفه يكفي انك مابتبقاش قلقان من مطب او بلاعه حتى وانت محمل العربيه بسم الله مشاء الله واسعه من جوه طبعا مش حتكلم عن ال 6 ايرباج الموجودين اثنين امامي واثنين في الكراسي الأماميه وستاره يمين وستاره شمال للقوايم التكيف ثلاجه وهوا منطقتين يمين وشمال الكاسيت والصوت مش محتاج اتكلم فيها 6 حساسات امامي و6 خلفي وفيها بارك اسسيست بتركن موازي للرصيف وعمودي على الرصيف كاميرا الصالون اوتو ديمينج وطبعا حساس اضائه ومطر وكاميرا للتحكم في ال High Beam ده كده تقريبا معظم اللي في العربيه والحمد لله الا الان لم تظهر اي عيوب

[Adel George]

بص يا سيدي اللي حاكلمك عنها دي 2012 ياعني بعد الفيس ليفت الجديد هيا موتور 1400 TSI 160 حصان "الأوتوماتك بتبقى 150 حصان" طبعا هبا مانيوال 6 سرعات 4Motion او دفع رباعي لاكن الاوتوماتك دفع امامي فقط الموتور بسم لله مشاء الله عزمه حلو جدا وخاصة لو حاطط 95 لو ماشي بال 92 كويس وحلو برضوا بس بيقل شويه وكمان الإستهلاك بيزيد شويه في ال 92 هيا فرش جلد الخامات المستخدمه في الداخل مش محتاجه كلام ارتفاع العربيه في مصر تحفه يكفي انك مابتبقاش قلقان من مطب او بلاعه حتى وانت محمل العربيه بسم الله مشاء الله واسعه من جوه طبعا مش حتكلم عن ال 6 ايرباج الموجودين اثنين امامي واثنين في الكراسي الأماميه وستاره يمين وستاره شمال للقوايم التكيف ثلاجه وهوا منطقتين يمين وشمال الكاسيت والصوت مش محتاج اتكلم فيها 6 حساسات امامي و6 خلفي وفيها بارك اسسيست بتركن موازي للرصيف وعمودي على الرصيف كاميرا الصالون اوتو ديمينج وطبعا حساس اضائه ومطر وكاميرا للتحكم في ال High Beam ده كده تقريبا معظم اللي في العربيه والحمد لله الا الان لم تظهر اي عيوب

شكراً يا باشا على الافادة ...

بس لو ممكن تكلمنى عن سحب العربية و العفشة و الثبات على الطريق ؟؟

كتر خيرك يا باشا

[akrumcs]

سحب العربيه لا غبار عليييه وخاصة لو كنت حاطط 95 وبالنسبه للعفشه مريحه جدا وخاصة مع المطبات اما الثبات فا اقصى حاجه جبتاها كانت 170 والعربيه ولا كانك ماشي على 100 وده راجع لوزن العربيه وعرض الكاوتش

[Hany Saad]

التيجوان عربية ملهاش حل شكل و ركوبة واتزان و فخامة و كل حاجة انت عايزها بس بلاش تجيبها dsg....هاتها مانيوال علشان متزعلكش