بخصوص الموتور التربو باسات 2000

[Ghost2]

السلام عليكم
في عربية معروضة عليا موديل 99 موتور 2000 سي سي فتحة سقف ماشية 170 الف كيلو و مطلوب 75 الف .. هل الموتور ده في مشاكل ولا لا .. و سعر العربية كده غالي ولا لا
رجاء الرد من خبراء فولكس

[hany63]

الموتور ده غالبا مش تربو
الفكره ان العربيه موديل قديم شويه و قطع غيارها غاليه فلو فيها شغل هتصرف بالهبل لازم تتاءكد كويس من حالتها

[Ahmed Saad]

السلام عليكم
في عربية معروضة عليا موديل 99 موتور 2000 سي سي فتحة سقف ماشية 170 الف كيلو و مطلوب 75 الف .. هل الموتور ده في مشاكل ولا لا .. و سعر العربية كده غالي ولا لا
رجاء الرد من خبراء فولكس

بص ياباشا مبدئيا العربيه قطع غيارها رخيصه مش غاليه قطع غيارها ارخص من السيراتو ثانيا المواتير الالماني انضف مواتير في العالم معمره جدا والموتور ده مافيهوش مشاكل ولا حاجه بس عيبه الوحيد بياكل بنزين شويه ونصيحه ماتشتريش عربيه معدله علشان ماتعرفش اللي قابلك عدلها ازاي وفين وهل في مشاكل ولا لا اشتري واحده استوك وابقي عدلها علي راحتك ده افضل علي الاقل تبقي عارف اولها من اخرها ثالثا ماتشتريش عربيه موديل قديم بفتحه سقف لان لو الجلد بتاع الفتحه باظ ممكن تدوخ عليه بس ياسيدي وربنا يوفقك لحاجه محترمه ونضيفه

[alzelafy]

هى العربيه ممتازة مفيش كلام بس 2000 سىسى و 75000 لا كتييير عليها احنا عندنا العربيه لما السىسى بيكون عالى العربيه بترخص مش بتغلى انتا ب 70000 تجيب واحدة استوك 1600 و قطع غيارها بقت ارخص من البولو مش عارف ليه