لمبة الزيت بتنور

[Hetfield]

يا جماعة انا معايا جولف4 1400 و الموتور فى السحب بسم الله ماشاء الله بس فى عن\ى مشكلة جديدة اول مرة اشوفها بجد انا وانا ماشى العربية مرة واحدة تنتش و تتكتم كده و بعد كده تمشى عادى وبعدين تعمل كده تانى و مرة واحدة القى لمبة الزيت نورت ولما ابطل تسكت تانى مع العلم انى لسه مغير فلتر هواء و بوجيهات و مناضف البوابة ياريت حد يفيدنى

[elpasha1]

غير زيت وفلتر وساعة زيت

[Hetfield]

عملت كده و مشيت 150 كيلو زاى الفل و بعدين النهاردة نتشت تانى و لمبة الزيت نورة حد يرد يا جماعة عليا بس انا مغيرتش الساعة

[mohd7380]

بتحط كام كيلو زيت

[Hetfield]

جوالى 3ونص

[Amr_Azab]

بالنسبة للمبة الزيت
اتأكد من ساعة الزيت والفيشة بتاعتها ولو تمام يبقي بص علي طرمبة الزيت
في أحتمال برده يكون فلتر الزيت مضروب أو مسدود وده حيخلي اللمبة ترعش معاك أثناء فتح الكونتاك

بالنسبة للكتمة دي
فهي أحتمالاتها كتير بصراحة
ممكن عيب في دورة البنزين او ممكن في الكهرباء
دورة بنزين
( فلتر - طرمبة - سدد في مواسير التغذية نتيجة شوائب )
الكهرباء
(موبينة لو الكتمة دي بتحصل لما العربية تسخن لكن وهي بارده لآ لان الموبينة لو فيها حاجة بتظهر لما تسخن)
( بوجيهات - ممكن يكون فيه بوجيه بيقطع ويشتغل فممكن تفكهم وتبص عليهم كويس )

[sala7]

يا جماعة انا معايا جولف4 1400 و الموتور فى السحب بسم الله ماشاء الله بس فى عن\ى مشكلة جديدة اول مرة اشوفها بجد انا وانا ماشى العربية مرة واحدة تنتش و تتكتم كده و بعد كده تمشى عادى وبعدين تعمل كده تانى و مرة واحدة القى لمبة الزيت نورت ولما ابطل تسكت تانى مع العلم انى لسه مغير فلتر هواء و بوجيهات و مناضف البوابة ياريت حد يفيدنى

- عندك رشح زيت على الماكنة ؟؟
- فكيت كرتيرة الزيت قبل كده لاي سبب ؟؟
- هل بعد تغير الزيت و بعد ما تمشي 1500 بتقيس مستوى الزيت (و العربية بارده طبعا) بيكون مقاس الزيت مظبوط ؟؟
- حد نضفلك البوابة قبل كده و كان فيه بخر زيت جواها ؟؟

من خلال اجبتك على الاسئلة دي ان شاء الله نقدر نعرف المشكلة فين

[Hetfield]

فى رشح خفيف اوى اوى و نضفت قريب البوابة بواسطة gunk spray و كانت وسخة بس فى ناس قلتلى ان ده ممكن يكون حساس الهواء بيخنق العربية و بيخلى اللمبة تنور

[Hetfield]

و ناس تانية بتقولى نضف حساس TPS و حساس idl انا عمرى منضفتهم اصلا هل ده ممكن يكون السبب و شكرا لردكوا بجد يا اصدقائى

[abdoumahros]

مشكله لمبه الزيت

عملت كده و مشيت 150 كيلو زاى الفل و بعدين النهاردة نتشت تانى و لمبة الزيت نورة حد يرد يا جماعة عليا بس انا مغيرتش الساعة

مدام غيرت زيت وفلتر وساعه الزيت يبقا اكيد طلمبه الزيت عندك ضعفت ولازم تتغير بسرعه
الساعه لو هيا اللي بايظه كانت العربيه تمشي عادي لكن مدام فيه نتشه وبعدين لمبه الزيت بتنور ده معناه ان ضغط الطلمبه ضعيف والزيت لايصل للموتور بدرجه كافيه وعلشان كده البساتم بتتقل في الحركه وتكتف الموتور وتحس بالنتشه
وهاتحس بكده اكتر لما يكون الزيت قديم لان لزوجته بتقل او لو كان الزيت جديد لكن بعد ماتمشي بالعربيه شويه الزيت بيسخن ولزوجته تقل شويه
حضرتك لازم تتاكد ان مقاس الزيت كويس وانه موش ناقص لان لو عندك تسريب زيت برضه هايسبب المشكله دي
نصيحتي ليك ماتمشيش بالعربيه وروح لمكيكانيكي كويس علشان لاقدر الله ماتدخلش في حوار موتور

[mohd7380]

و الله الرجالة عملوا الواجب و زيادة شوية اجابات و حلول روعة بجد

[Hetfield]

بس العربية مشيت معايا 150 كيلو عادى معملتش حاجة خالص مش عارف عمتا انا شوية ورايج للمكانياكى :)