مشكله فى عربيتى البولو 95

[bekato4]

بصوا المشكله ببساطه عباره عن

1 - ببقى دايس بنزين ومره وحده كانى شيلت رجلى من على البنزين بتهدى بطريقه غريبه
2 - الصبح لما بتدور العربيه بتبطل لازم ادور وادوس بنزين كتير وبعد كده بتفضل دايره
3- بشم ريحه بنزين فى العربيه



غيرت فلتر البنزين ريحه البنزين قلت اوى والوضح اتحسن شويه بس منتهاش


كلمت الميكانيكى قالى ممكن يبقى حساس الميه فى مشكله


تفتكروا ايه العيب ارجو المساعده

[M.Mostafa80]

غير حساس الحراره اللى فى الشجره ولو انت عارف مكان الفيشه بتاعته لو فكيتها والعربيه دارت على طول يبقى 100 % هو
فا على طول تجيب واحد مكانه وتركبه

[bekato4]

طيب هاستنى للصبح واجرب يابشمهندس ...بس هو الحساس بيقرى معايا كويس ....كمان نسيت اقولك انا بستهلك بنزين زياده شويه ...وتفتكر ليه متكونش بوجيهات ؟

[hamada_elzayat]

تقريبا عندى نفس المشكله
بس انا بتبان عندى لما ادوس بنزين بعد الغيار بلاقى العربيه شدت كويس بعد كده اكنها فصلت مره واحده ( او فرامل تكتيف ) لمده ثوانى وترجع تجمع بسرعه قوى مش عارف سببها وبتستهلك بنزين كتير غير الاول خالص
الميكانيكى قالى طرمبه بنزين
مش عارف بصراحه
على فكره انا غيرت حساس الميه بس مكانش التغيير بسبب ده انا جبت الحساس غلط ومرضتش ارجعه فركبته وخلاص بس برضو المشكله مستمره قبل وبعد التغيير

[bekato4]

تمام انا اتاكد انى المشكله فى الحساس لانى فصلت الفيشه اشتغلت كويس وبعد لما ركبتها رجعت تانى
هو حضرتك جيبت الحساس بكام ؟ ولو جيبتو مستعمل يعمل كام ؟

والسؤال هل العيب بتاع انى ابقى ماشى بالعربيه وتهدى منى مع انى رجلى على البنزين سببه الحساس بردو

[hamada_elzayat]

الحساس ده تمنه 70 جنيه انا جبته من اسكندريه من هنا
بس انت تقريبا مشكلتك غير مشكلتى بقى

[bekato4]

انا روحت جيبت واحد ب40 ج بس هاشوف بقى الدنيا فيها ايه بكره لما العربيه تبرد

[bekato4]

ياجماعه مشكله الدوران الصبح اتحلت بس مشكله انى ببقى دايس بنزين ومره وحده كانى شيلت رجلى من على البنزين بتهدى بطريقه غريبه لسه موجود ارجو الحل