جولف 2 متعدله ارجو الرد السريع

[hesham69]

بسم الله الرحمن الرحيم


يا جماعه انا اشتركت فى المنتدى اول لما شوفته بسبب الاعصاء الى فيه الصراحه اجمد حاجه فيه الاعضاء وكمان فيه حاجات مميزه جدا جدا جدا

ده حاجه بس حبيت اقولها فى الاول عشان ما قولتهاش قبل كده فى المنتدى كلمه حق يعنى

المهم

نرجع بقى لموضوعنا الرئيسى

انا معروض عليا جولف 2 موديل 89 العربيه باب واحد والباب من غير اوكر بيتفتح بالريموت وماتور 2000 سى سى والسقف لونه اسود والباقى احمر برتقالى وجنوط 16 خمس فرد مش اربعه وفرش جلد وتابلوه دجيتال بمعنى العداد والار بى ام ديحتال وكله حاجه فيه وفيها طبعا طقم صوت محترم جدا سماعتين وبازوكا وكاسيت سى دى والفوانيس الى ورا لينسس الى هى تلت لمض حمرا مدورين واتنين بيض فوق واتنين شكمان من ورا هى ديه الحاجات الى فيها بس الى محتجاه عشان تبقى تمام العفشه عايزه شويه تظبيط وعلبه الدركسبون عايزه تظبيط وكوبلن من الاتنين والانججكشن بتاعها محتاج تروح لوحد يظبطه وبس

ياترى العربيه ديه تسوى كام ارجو الرد السريع من كل الاعضاء الكرام والناس الى بتفهم فى الجولف والعربيات عشان اعرف اشتريها بكام ياريت بسرعه وشكرا ليكو مقدما

[hotboja]

هى ممكن تعمل 37 الى 39 بس انا بفضل الجولف اللى مش متعدلة او ممكن اكتر حساب الحالة العامة بس انت بتقول عايزة شغل فا سعرة لزم يقل شوية على شان تظبطة

ياريت لو فى صورة على شان نشوف شكلة

طاب انت اية رايك فى الجولف الكابورلية ؟

كمان فى حاجة بعد موضوع الضريبة بتاع السى سى دة قل الطلب على السيارات اللى فوق 1600

[hesham69]

شكرا يا hotboja بس العربيه ديه مكتوب فى الرخصه بتاعتها انها 1300 سى سى بعنى مش مشكله حوار الترخيص خالص وياترى السعر يعمل كام على الشغل الى فيها ده وشكرا ياباشا

ومستنى راى باقى الاعضاء

[Wolfmoon]

السلام عليكم
الأخ هشام المحترم

أنا شايف ان العربيه دى جامده أوى بكل التفاصيل اللى فيها

بس أهم حاجه ان كل الحاجات دى تكون شغاله بكفائه مش متلصمه لحد ما أنت تشتريها

الجولف 2 محترم جدآ عن تجربه انا معايا واحده موجود صورتها فى التوقيع

المهم : العربيه اللى أدامك دى توصل لـ 40 ألف على القفل

بس أهم حاجه ان الشغل فى بقية الحاجات

( علبه الدركسبون - كبالن -الانجكشن )

يكون مضمون نتايجه

*ولو فى صوره ليها يكون التقيم لسعرها أحسن

[hesham69]

والله يا Wolfmoon انت الى راجل محترم

أنا شايف ان العربيه دى جامده أوى بكل التفاصيل اللى فيها

بس أهم حاجه ان كل الحاجات دى تكون شغاله بكفائه مش متلصمه لحد ما أنت تشتريها

بص ياباشا هى العربيه محترمه يعنى التابلوه شغال ميه ميه وشكله نضيف مفهوش يعنى خرابيش وبهدله ولا اى حاجه والتابلوه الصراحه انا مشفتوش قبل كده فى الجولف والكاسيت والسماعات والبازوكا شغالين والماتور برضه بسم الله مشاء الله وسحبته حلوه هو انا جربت اطلع بيها مع افيو 2006 بس كلنى فى السحبه عشان الانجشكن بتاعها بيقطع بس ياباشا

الجولف 2 محترم جدآ عن تجربه انا معايا واحده موجود صورتها فى التوقيع

عربيتك بسم الله مشاء الله ياباشا ربنا يباركلك فيها

المهم : العربيه اللى أدامك دى توصل لـ 40 ألف على القفل

بس أهم حاجه ان الشغل فى بقية الحاجات

( علبه الدركسبون - كبالن -الانجكشن )

يكون مضمون نتايجه

بس انا كنت عايز اعرف حاجه ياترى العربيه الجولف زى الناس ما بتقولى تقيله اوى فى البيع يعنى ال 128 فى البيع برقبتها ولا ايه ياترى

[Wolfmoon]

بالعكس
الجولف 2 بالذات مطلوب جدآ

[hesham69]

اكل ياباشا بيقولى مطلوب من الشباب مش من كل الناس وكمان عشان باب واحد فا الطلب بيقل كمان عليها والموضوع مخوفنى منها الصراحه ومحدش بيرضى ياخد عربيه من شاب كمان يقولك ديه متهانه صح ولا ايه

[zizophone]

لو العربية دي الي انا اعرفها من الحرفيين انصحك بلاش:
انا بدور على جولف وقدامي 100 عربية وشفت دي هناك بس اقلك بالاش لية
1-المكنة ال2000 حتلاقية اقلك بتعمل 300 كم في 17 لتلر بنزين لو انت ماشي على 90 100 وطبعا دة مش حتلاقية وحتلاقيها بتعمل معاك 150 كم في 20 لتر لو انت ماشي في البلد على 50 و60 وحتي 90 (كدة طبعا مش اقتصادية في البنزين )

2-المكنة ال2000 دي حتلاقي الفرامل بتاع العربية المصممة أصلا ل1300 سي سي و 1600 سي سي يعني نظام الفرامل ميستحملش عزم المكنة وكل شوية بقي اطقم رحيات وتيل فرامل ووش كتير

3- الضريبة يا نجم عند ترخيص ال2000 تقريبا حتوصل 1000 جنية ودي مشكلة

4- سعر إعادة البيع قابل بقي مين الي حيبسخها في الارض والخسارة كبيرة فيها علشان العربية دي معمولة مش نازلة كدة واكيد انت فاهمني

5-طبعا تظبيط بقي العربية من عفشة ومكنة وكل حاجة ودي فلوس برضة حتخسرها

6- العربية مش حتديك الي في دماغك من سحب وشد العربية برضة مو 89

7- ممكن يطلعولك قانون يقلك العربيات الي تحت ال20 سنة ملهاش ترخيص (أي حاجة عند الحكومة ممكن )

أخيرا وعلشان ابقي رديت على كل كلامك العربية دي انا اخر كلام قلتة للراجل وانا مش بشتري اخرها 38 الف ومش حخدها برضة

أنا أسف لو كنت أحبطك بس انا بقلك كدة لاني فعلا بدور برضة على جولف تكون أمكانيتها حلوة وسعرها حلو برضة علشان لو حبيع بعد كدة
__________________

[hesham69]

لو العربية دي الي انا اعرفها من الحرفيين انصحك بلاش:

لا ياباشا العربيه ديه مش من الحرفيين العربيه ديه من الجيزه وملاكى القاهره

انا بدور على جولف وقدامي 100 عربية وشفت دي هناك بس اقلك بالاش لية
1-المكنة ال2000 حتلاقية اقلك بتعمل 300 كم في 17 لتلر بنزين لو انت ماشي على 90 100 وطبعا دة مش حتلاقية وحتلاقيها بتعمل معاك 150 كم في 20 لتر لو انت ماشي في البلد على 50 و60 وحتي 90 (كدة طبعا مش اقتصادية في البنزين )

المكانه والله انا مش عارف بتعمل كام ياباشا بس ممكن تكون زى ما انت بتقول الله اعلم


2-المكنة ال2000 دي حتلاقي الفرامل بتاع العربية المصممة أصلا ل1300 سي سي و 1600 سي سي يعني نظام الفرامل ميستحملش عزم المكنة وكل شوية بقي اطقم رحيات وتيل فرامل ووش كتير

اعتقد ياباشا ان العربيه ممكن يكون متغير الفرامل بتاعتها مش الاصليه عشان تستحمل الماكنه والجرى


3- الضريبة يا نجم عند ترخيص ال2000 تقريبا حتوصل 1000 جنية ودي مشكلة

الماكنه مترخصه 1300 ومكتوب كده فى الرخصه يعنى مش مشكله

4- سعر إعادة البيع قابل بقي مين الي حيبسخها في الارض والخسارة كبيرة فيها علشان العربية دي معمولة مش نازلة كدة واكيد انت فاهمني

اه ده بقى الى مخوفنى سعر اعاده البيع بتاعها ناس كتير مقلقانى من الموضوع ده

5-طبعا تظبيط بقي العربية من عفشة ومكنة وكل حاجة ودي فلوس برضة حتخسرها

الماكنه مش عايزه حاجه هو الانجشكن بس عايز تظبيط على خفيف ممكن يكون الرشاش عايز يتنضف والعفشه برضه عايزه تظبيط شويه بس للاسف مش عارف تكلفنى كام

6- العربية مش حتديك الي في دماغك من سحب وشد العربية برضة مو 89

العربيه بسم الله مشاء الله سحبها حلو بس عشنا الانجشكشن ده معرفتش اجربه كويس

7- ممكن يطلعولك قانون يقلك العربيات الي تحت ال20 سنة ملهاش ترخيص (أي حاجة عند الحكومة ممكن )

لا ما اعتقدتش القانون ده لانهم غيروه وقالو للتاكسى بس مانقدرش نحكم على الملاكى

أخيرا وعلشان ابقي رديت على كل كلامك العربية دي انا اخر كلام قلتة للراجل وانا مش بشتري اخرها 38 الف ومش حخدها برضة

طيب ياترى انت شايف هى تسوى كام

أنا أسف لو كنت أحبطك بس انا بقلك كدة لاني فعلا بدور برضة على جولف تكون أمكانيتها حلوة وسعرها حلو برضة علشان لو حبيع بعد كدة

وانا كمان والله

__________________

نورت ياباشا ولا ما تخفش انا ما احبطتش ولا حاجه بس ناس كتير برضه شايفه نفس كلامك عموما على الجولف مش العربيه ديه مخصوص

[zizophone]

اقلك على حاجة في سرك برضة انا قدامي عربية جولف 2 مو 89
1-اللون ابيض- المكنة متسقطة 2000سي سي مثبوت في الرخصة 1600 سي سي - العربية فابريكة دواخل - متعدل طقم فرامل وعفشة كامل - فرش جلد -زينون -جنوط اسبور فولكس-طقم صوت وجي ام العربية مفيهاش غلطة ترخيص 3 سنين مطلوب فيها 45 الف جنية نهائي

المشكلة بقي بالنسبالى
1- 2000سي سي دة كتير جدا- موضوع الثبات في الرخصة ممكن مع الفحص انة يعرف ان المكنة 2000 ويثبتها دة طبعا غير سحب البنزين العالي

2-موضوع بقي انة فعلا اني قريت في المساء خبر بيقول انة الملاكي حيقف ترخيصة تحت مو 90 يعني ممكن نتدخل في الليلة دي

3- عرضتها للبيع قبل ماشتريها ولا حد عبرني وعرضتها في المعارض اكتر سعر جبتة 36000 ودة بالعافية


وعلى فكرة الجولف 3 حلوة والله بس للاسف مفيش حاجة عدلة ظهرت قدامي ياريت لو في حاجة عدلة قولي عليها وتبقي خدمتني

[hesham69]

بص ياباشا هو فعلا موضوع السى سى ده اعتقد انه بياكل بنزين بغباء كمان بس زى ما بنقول احنا الى عاوزين نركب وكل حاجه ليها مميزات ليها عيوب واقدر اقولك كمان ان هو ده فعلا سعرها بس غالى عليها الى هو بيقوله يعنى 45 هو سعرها بين 35 لحد 40 اقصى حاجه زى ما بنقول ياباشا كل عربيه وليها توب او سعر مستحيل تعديه والى بيعمل حاجه فى العربيه بيعملها لنفسه مش للى هايبعهاله صح ولا ايه

وياريت الاقىيلك يا باشا جولف 3 هاقولك على طول

اما بالنسبه للجولف 2 الى قولت عليها فا انا محتار فعلا وشكلى كده هاخلع منها وربنا يسهل

اى خدمات انا تحت امرك

[zizophone]

المشكلة انك تكلم اي حد يقلك ياة حركب عربية ب45 الف مو 90 دة انا اجيبلي اكسنت ولا دايو مو 2001 ولا 2002 وقطع غيارها عند البقال واي حد حيشتغلي فيها

بس المشكلة اني انا زيك اكسنت اية ولا دايو اية هي دي عربيات دي معفنة ولا فرامل ولا عفشة ولاسحب واي كلام بس سوق وخلاص

وربنا يكرمنا ويمكن نجيب جولف 4 :)

[askoda]

ya shababb bma enoko btetklmo 3ala Golf

ana 7amaya ma3aaah Golf Rabbit 4 doors 1300 CC
kan gaybha bnafsoo mn Germany
Model 1976

ana kont 3ayez a3raf law 3ayez azabat el3arabya di 3ashaan meraty terkabha wtkoon merta7a wana akon metamen 3aliha enaha msh hato2af beeha wala te2el baslaha ma3aha 3ashaan el3arabya 2adeema wba2alha bta3 2 years swa2tha 5afeeeefa 2awy mn 7amaya

elmohem 7ad momkn yefedny wlw 7abeeet abee3ha tegeeb kaaam ??

[zizophone]

يعني انت عايز اية ؟ تجدد العربية ولا تشتري غيرها وضح بس