مشكله فى فرامل جولف 5

[ahmed azaizy]

سلام عليكم يا خبراء الألمانى
عندى مشكله مقرفه جدا فى عربيتى جولف 5 موديل 2005
الفرامل حديد وتمام اوى الحمد لله .. لكن اللى حصل انى اخدت مطب !!
الأول هقولكم نوع المطب : هو مش مطب صناعى .. هو يعتبر حاجه زى كسر فى الاسفلت او فى ناس بتقول عليه مطب غاطس لتحت .. العربيه بتتهبد فيه كده
اول ما اخدت المطب ده حبيت ادوس فرامل لقيت الدواسه نزلت للآخر ومفيش فرامل غير بسييييط اوى
فضلت ادوس واشيل (اكارك) لحد ما الدواسه رجعت تانى عاليه والحمد لله محصلش حوادث
روحت مركز صيانه قالى ده ماستر عمومى عاوز يتغير !!
سألته عن السبب : قالى ان عشان انا مش بخرج بالعربيه كتير غير ممكن مره فى الشهر بيحصل ان الزيت بتاع الفرامل بينشف على الكاوتشات اللى فى المساتر وبتشقق وبيهرب
بصراحه اقتنعت فعلآ وغيرته ..
وركنت العربيه اسبوع وطلت بيها تانى وبالصدفه اخدت مطب بنفس الشكل وحصل موضوع تهريب الفرامل تانى !!!!!!!
روحتله قالى ده ممكن يكون كونترول abs او سيرفو !!
وكشف عليها بالكمبيوتر وقالى لا مفيش حاجه يمكن عاوزه ناخدلها هوا !!
واخد هوا من الأربع عجلات وبس ..
انا مجربتش العربيه بعدها فى مطبات من النوع ده تانى
انا اصلا خايف اطلع بيها
ومش قادر افهم ايه علاقه المطب واهتزاز العربيه بالفرامل ؟؟؟
هل فى حساسات معينه مثلا بتتهز ؟؟ او فيشه مسؤله عن حاجه فى الفرامل ؟؟
الحقيقه انا مش عارف واتمنى حد يفيدنى وآسف للأطاله

[SYD]

طالما مش بتخرج بالعربية كتير يبقي يجب عليك تنزيل كل زيت الفرامل وتغييره بالكامل كل سنتين بحد اقصي
الحاحة التانية لو فيشة او حساس بيتهز او مخلوع ﻻزم لمبة الايرور تنور في التابلوه

جرب الاول موضوع تغيير الزيت وقولنا النتيجة
وياريت لو كنت غيرته قبل كدة تقولنا امتي اخر مرة وكان نوعه ايه ودرجته كام

تحياتي

[ahmed azaizy]

طالما مش بتخرج بالعربية كتير يبقي يجب عليك تنزيل كل زيت الفرامل وتغييره بالكامل كل سنتين بحد اقصي
الحاحة التانية لو فيشة او حساس بيتهز او مخلوع ﻻزم لمبة الايرور تنور في التابلوه

جرب الاول موضوع تغيير الزيت وقولنا النتيجة
وياريت لو كنت غيرته قبل كدة تقولنا امتي اخر مرة وكان نوعه ايه ودرجته كام

تحياتي

شكراااااااا على الرد والاهتمام يا استاذى المحترم
انا غيرت الزيت كله طبعا لما غيرت ماستر الفرامل العمومى من 3 اسابيع بالظبط
اما بالنسبه للتابلوه مفيش اى لمبه بتنور الحمد لله .. حتى فى وقت المطب نفسه لأنى فعلا ببص على التابلوه اول ما بيحصل كده
اما نوع الزيت ودرجته دى حاجه انا مش عارفها (عذرآ لجهلى)
انا اللى بعمله انى بروح اشترى زيت الباكم العلبه الصفيح وبس .. انما التفاصيل للأسف عمرى ما اهتميت بيها ولا افهم فيها (بمعنى انى حتى معرفش الكويس من الوحش)
بس المهم انى غيرت الزيت كله من 3 اسابيع
ياريت لو تقدر تفيدنى وتقولى ايه علاقه المطب او اهتزاز العربيه القوى بالفرامل لأنى مش قادر افهم !!

[mando2002m]

حط زيت اسمة ateدا المانى العلبة ب40جنية dot4دا انظف زيت باكم علبتة مربعة زرقاء

[moumen_shafik]

العربيه فيها اكتر من نظام ثبات للفرامل
abs ebd eba حاجات مش فاكرها
ممكن ده لما بتتك فرامل والكاوتش بيلف ف الهواء بيعمل كده
ممكن تشوف الزيت بينقص ولا لا
وهل فى تنقيط من الزيت ف اى حته
لان لما بتيجى تغير تيل اول تكه للفرامل بتبقى تحت خالص زى ما حضرتك بتقول
بس الى اعرفه ان العربيه كلها كمبيوتر
الموضوع يعتبر طبيعى الى حدا ما
بس التفسير المنطقى الوحيد ان لما بتاخد المطب حاجه بتضغط على التيل ف بترجعه لورا خالص زى ما يكون لسه جديد
حاول تربط على العفشه كويس والسره والحاجات دى وربنا ان شاء الله يحلها
ده رأئى والله واعلم

[ahmed azaizy]

حط زيت اسمة ateدا المانى العلبة ب40جنية dot4دا انظف زيت باكم علبتة مربعة زرقاء

ده انا العلبه اللى جبتها كانت بـ 15 جنيه !!
واضح انه زيت تعبان على كده هههههه

[ahmed azaizy]

العربيه فيها اكتر من نظام ثبات للفرامل
abs ebd eba حاجات مش فاكرها
ممكن ده لما بتتك فرامل والكاوتش بيلف ف الهواء بيعمل كده
ممكن تشوف الزيت بينقص ولا لا
وهل فى تنقيط من الزيت ف اى حته
لان لما بتيجى تغير تيل اول تكه للفرامل بتبقى تحت خالص زى ما حضرتك بتقول
بس الى اعرفه ان العربيه كلها كمبيوتر
الموضوع يعتبر طبيعى الى حدا ما
بس التفسير المنطقى الوحيد ان لما بتاخد المطب حاجه بتضغط على التيل ف بترجعه لورا خالص زى ما يكون لسه جديد
حاول تربط على العفشه كويس والسره والحاجات دى وربنا ان شاء الله يحلها
ده رأئى والله واعلم

والله يا باشا انت لفت نظرى لموضوع العفشه
انا فعلا عندى العفشه محتاجه تظبيط من الجزء الامامى
لأنى لما باخد مطب الهوا ده العربيه بتتهبد زى ما تكون 128 ..(مع احترامى للـ 128 يعنى)

[mando2002m]

ده انا العلبه اللى جبتها كانت بـ 15 جنيه !!
واضح انه زيت تعبان على كده هههههه

اةةة زيت تعبان جدا بيكل الجلود بتاعت المساتر غير الزيت اللى فى الدورة كلها حتاخد علبتين وتغيرة كل سنتين

[ahmed azaizy]

اةةة زيت تعبان جدا بيكل الجلود بتاعت المساتر غير الزيت اللى فى الدورة كلها حتاخد علبتين وتغيرة كل سنتين

جزاك الله كل خير على النصيحه
هروح بكره ان شاء الله اغيره كله واخد هوا للفرامل واشوف

[ahmed azaizy]

الحمد لله رب العالمين المشكله اتحلت
روحت عند هانى عصمت فى جسر السويس واجتمع اكتر من واحد على العربيه عشان نحاول نفهم سبب تهريب الفرامل مع المطب وعلاقه الفرامل بالعفشه ؟!!!
والسبب طلع غرييييييييييييييب جدآآآآ
طلع ان العربيه عاوزه يتاخدلها هوا من الفرامل !!!!
بس المشكله ان المركز اللى روحتله مش فاهم ازاى ياخد هوا لعربيه فيها abs
اخد هوا من الفردتين اللى ورا وبعدها اخد هوا للفردتين اللى قدام !!
واكتشفت ان دى طريقه غلط مع انه مركز متخصص فى الـ bmw !!!
والطريقه الصحيحه هى يمين قدام ثم شمال ورا ثم يمين ورا ثم شمال قدام (كروس)
ودى نفس الطريقه اللى بيتوزع بيها الفرامل على العربيه عشان متسحفش
طيب بردو ايه علاقه الهوا بالمطبات والهبده بتاعه العربيه ؟؟
طلع ان مع هبده العربيه فى المطبات الكاوتش اليمين فيه هوا كتير .. فـ بيختلط بالزيت ويهرب
لكم ان تتخيلوا ان العربيه اتاخدلها هوا لمده 15 دقيقه وكل ده عماله تطلع هوا من الفرده اليمين قدام
وجابت زيت بعد 15 دقيقه من كارك ودوس والجو ده !!
نهايه الكلام بقول الحمد لله وبقول فعلا ادى العيش لخبازه
الحمــــــــــد لله

[S O P H O S]

حط زيت اسمة ateدا المانى العلبة ب40جنية dot4دا انظف زيت باكم علبتة مربعة زرقاء

ممكن يا باشا مكان يكون بيتباع فيه
علشان عاوز زيت باكم