معلومات عن جولف 4 1800 تيربو و مشكلة بنزين 95

[mo3az elgohary]

السلام عليكم

بعد اذنكم انا كنت عايز اعرف شوية معلومات بخصوص الجولف 4 1800 تيربو

1- كام حصان و التسارع من 0 ل 100 ( انا كنت سمعت ان في كذا نوع من المتور ده )
2- هل هو عملي ولا لا و مشاكله كتيره ولا قليله
3- لازم بنزين 95 ولا يمشي 92 من غير ما يرزع ( طبعا ده يمكن اهم سؤال عشان بنزين 95 ب 5.95 اللتر !!!! )
4- مين احسن واحد يسقط المتور ده ومفيش عليه اختلاف يعني واحد من الاخررر مش مهم المصنعيه اهم حاجه شغل نظييييف

و ياريت معلومات تكون اكيده 100% و لكم جزيررر الششششكررر

[Ahmed Saad]

بص ياباشا الموتور ال1800التربو ده بيدي 150 حصان عند 5700 لفه وعزم 210 نيوتن من 1700لفه إلى 4500 لفه ومشاكله قليله وسحبه ممتاز انا جربته على باسات موديل 2000 كان بيجريها احسن من الفيرنا فطبعا على الجولف اللي الفرق بينها وبين الباسات بتاع 450كجم فرق وزن هيخليها تطير من على الأرض وبيشتغل 92 عادي مفيش مشكله ترزيع أو صفع والكلام ده من كتالوج عربيتي الباسات الليفيه كل خصائص مواتير اللي بتنزل بيها بما فيهم اال1800التربو وبالنسبه للتسقيط بصراحه مقدرش افيدك علشان مش بثق في اي صنايعي يفيدك حد سقط مواتير في جولف 4 وفيه حاجه تانيه ممكن تسمع عن ماتور 1800 تربو بيطلع 190 حصان ده بتاع اودى a4 موديل من 2001 إلى 2006 وده صعب تلاقيه في مصر اللي موجود كتير ال 1800 التربو ال 150 حصان وده قطع غياره موجوده عادي وربنا يوفقك وأي استفسار انا في الخدمه

[mo3az elgohary]

تسلم يا باشا و الله علي ذوقك و ردك السريع و المعلومات القيمه جدا جدا انا فعلا كنت محتاج حد مجرب المتور و كنت مش مطمن بسبب البنزين , مشاء الله ربنا يكفيك شرها و يباركلك فيها و يحفظك من عيون الناس .

[moumen_shafik]

ياريت تقولنا لو جبته السعر بتاعه والمكان

[mo3az elgohary]

انا ناوي انشاء الله انزل الحرفيين و اسال علي سعره بكل متعلقاته بس بعد اليومين الاجازه دول و انشاء الله هكتب كل التفاصيل .

[moumen_shafik]

انا ناوي إن شاء الله انزل الحرفيين و اسال علي سعره بكل متعلقاته بس بعد اليومين الاجازه دول و إن شاء الله هكتب كل التفاصيل .

ربنا يوفقك ان شاء الله ويصلحلك الحال وتلاقى حاجه كويسه
بس متتسرعش وتشترى على طول خد وقتك خصوصا ف موضوع المواتير دى
وخد بالك عشان المواتير دى من جوه المونيوم وبيتاكل من جوه يعنى لو هتجيب الموتور حاول تجيبه من على نص ويكون جى قريب وممشيش كتير ويكون المياه الى موجوده لونها احمر
وربنا يرزقك الخير ان شاء الله

[mo3az elgohary]

ربنا يوفقك ان شاء الله ويصلحلك الحال وتلاقى حاجه كويسه
بس متتسرعش وتشترى على طول خد وقتك خصوصا ف موضوع المواتير دى
وخد بالك عشان المواتير دى من جوه المونيوم وبيتاكل من جوه يعنى لو هتجيب الموتور حاول تجيبه من على نص ويكون جى قريب وممشيش كتير ويكون المياه الى موجوده لونها احمر
وربنا يرزقك الخير ان شاء الله

ربنا يخليك يا باشا و يكرمك علي النصايح الجميله و ذوقك بجد والله المنتدي ده الناس ال فيه محترمه جدا وربنا يقدرني اني اساعدهم في اي حاجه زي ما هما بيساعدوني , انا انشاء الله هاخد معايه ميكانيكي و كام واحد من صحابي و اشوف لو حد يعرف ناس من هناك يساعدونا بردو و ربنا يقدم ال فيه الخير .

[moumen_shafik]

ربنا يخليك يا باشا و يكرمك علي النصايح الجميله و ذوقك بجد والله المنتدي ده الناس ال فيه محترمه جدا وربنا يقدرني اني اساعدهم في اي حاجه زي ما هما بيساعدوني , انا إن شاء الله هاخد معايه ميكانيكي و كام واحد من صحابي و اشوف لو حد يعرف ناس من هناك يساعدونا بردو و ربنا يقدم ال فيه الخير .

شكرا لحضرتك والله احنا اخوات وبنحاول نساعد بعض
ربنا ان شاء الله يكرمك وتلاقى حاجه كويسه
فى رعايه الله

[Kefo_Honda]

ممكن تررح للبشمهندس محمد سمير في جسر السويس وهوة يفيدك وممكن يجيبلك الموتور لو مش عارف

[hossamalsadik]

بص ياباشا الموتور ال1800التربو ده بيدي 150 حصان عند 5700 لفه وعزم 210 نيوتن من 1700لفه إلى 4500 لفه ومشاكله قليله وسحبه ممتاز انا جربته على باسات موديل 2000 كان بيجريها احسن من الفيرنا فطبعا على الجولف اللي الفرق بينها وبين الباسات بتاع 450كجم فرق وزن هيخليها تطير من على الأرض وبيشتغل 92 عادي مفيش مشكله ترزيع أو صفع والكلام ده من كتالوج عربيتي الباسات الليفيه كل خصائص مواتير اللي بتنزل بيها بما فيهم اال1800التربو وبالنسبه للتسقيط بصراحه مقدرش افيدك علشان مش بثق في اي صنايعي يفيدك حد سقط مواتير في جولف 4 وفيه حاجه تانيه ممكن تسمع عن ماتور 1800 تربو بيطلع 190 حصان ده بتاع اودى a4 موديل من 2001 إلى 2006 وده صعب تلاقيه في مصر اللي موجود كتير ال 1800 التربو ال 150 حصان وده قطع غياره موجوده عادي وربنا يوفقك وأي استفسار انا في الخدمه

ربنا يوفقك ان شاء الله ويصلحلك الحال وتلاقى حاجه كويسه
بس متتسرعش وتشترى على طول خد وقتك خصوصا ف موضوع المواتير دى
وخد بالك عشان المواتير دى من جوه المونيوم وبيتاكل من جوه يعنى لو هتجيب الموتور حاول تجيبه من على نص ويكون جى قريب وممشيش كتير ويكون المياه الى موجوده لونها احمر
وربنا يرزقك الخير ان شاء الله

الله ينور ويفتح عليكم يارجاله

[moumen_shafik]

منكم نستفيد ي استاذ حسام
انت اصلا الى بتساعدنا دايما ف الى منعرفوش :)