سوق العاشر

[yahiawestlife]

يا جماعة حد عنده خبرة بسوق العاشر اللى فى مدينة نصر (اللى بيفتح جمعة و حد)؟؟ تنصحونى اشتري منه ولا لأ
ولو وجدت عربية عجبانى هناك ايه الاجراءات اللى اعملها علشان اتجنب النصب و الكلام ده

و جزاكم الله خيرا

[iBiZa]

هو السوق اغلبة تجار فا لازم يبقى معاك حد فاهم + ان العربيات فية بتبقى Over-priced.

يفضل الوسيط و sites المستعمل.

[pointer]

العربيات 95 % منها جيبه شاسيهات
الكدب هناك علي افا من يشيل
دهان الفابريكه و الكبوت متسمكر فيه الاوايم
بص بردو ممكن يكون حد مزنوق يبيع عربيته اوتلاقي حاجه لقطه

[killer]

من فضل حضراتكم عايز اعرف اسهل طريق للوصول للسوق وان رايح من السويس لكي ابيع سيارتي الشاهين مودي 98 فبريكا دواخل وخوارج 36000 . 010906608

[أحمد سالم]

[align=right]السلام عليكم
الاخ yahiawestlife

بالنسبة لسوق العاشر وعن تجربتى للشراء منه مرتين والبيع مره
اولا الاجرائات الطبيعيه المتبعه هناك للبيع والشراء
1 - انت بتتفرج على العربيات لو انت رايح تشترى مهم جدا جدا انه يكون معاك ميكانيكى كويس ويكون معرفتك بيه قويه لان الميكانيكى لو انت متعرفهوش كويس ممكن يبيعك فى السوق بمعنى انه الجماعة التجار اللى فى السوق بيعرضو عليه انهيقولك ان العربيه تمام مقابل 500 جنيه مثلا من اللى حضرتك هتدفعهم ثمن للعربيه وده بيسموه فى السوق ( الملاغيه ) وده بيتم من غير ماتاخد بالك خالص علشان كده لازم يكون اللميكانيكى اللى هيشتريلك ده لازم تكون عارفه كويس والله وانا مع واحد صاحبى مره بيبع عربيه وكنت معاه جت واحده ست محترمه وجايبه ميكانيكى معاها والعربيه عجبتها كانت اسبرانزا المهم الست قالت انا كل لما اشترى عربيه هو لازم يقول عليها اوكيه لانه كويس ونعرفه من زمان والله العظيم الميكانيكى كان هيبيعها مقابل 200 جنيه ياخدهم من صديقى علشان وهو اللى طلبهم ولوا صديقى رفض الميكانيكى قالى للست العربيه وحشه وقال هى واثقه فيه على الاخر
2 - ممكن بقى يكون الميكانيكى اللى انت واخده هو اصلا عنده عربيه عايز يبيعهالك عن طريقه علشان يكسب من وراك فيطلع لك كل العربيات اللى فى السوق وحشه علشان فى الاخر تاخد العربيه اللى هو مرشحهالك عن طريقه من خارج السوق
طبعا لو العربيه فى السوق عجبتك لازم تتأكد فيها من الاتى
1- حاول تكون دواخلها مش مرشوشه لان الدواخل بتسبت حالة العربيه العامه من ناحية انها تكون مش عامله حوادث جامده او الصاج الداخلى بتاعها متغير بسبب الحوادث برده او بسبب البارومه
2- بعد الدواخل بنتأكد من ان قوائم العربيه سليمه ومافتهاش اى شغل لحامات او تعديل
3- بعد ماشفنا حالة البودى والرش نتجه للماتور لازم يكون مش بيجيب زيت ومش بيدخن وصوته ناعم مافيهوش خبط ورزع مع ان اغلب اللى بيبع العربيت فى السوق بيغسلو الماتور قبل دخول السوق وده علشان محدش يلاحظ تسريب الزيت
بعدين نتأكد من حالة الكاوتش وهل هو تيوبلس ام شنبر وحالة البطاريه ولو ان دول مش مهمين قوى بس لازم تعرف العربيه ممكن تطلب مصاريف ايه تانى بعد الشراء
4- وده الاهم لازم نشوف ورق العربيه الرخصه
ونتاكد ان العربيه ماتورها مش متغير ولو متغير هل هو مثبوت فى الرخصه ولا لا
بعد مااتأكدنا من ده كله بنروح على الشهر العقارى والبيع بيتم بطريقه من الاثنين
1- ممكن البائع يعملك توكيل مهم جدا انك تسبت فيه كلمه ( له حق البيع لنفسه وللغير وتوكيل الغير والتعامل مع المرور والشهر العقارى) علشان ماتحتاجش ترجع للبائع تانى
2- ممكن يعملك عقد مسجل على طول وتروح تنقل الملكيه على طول
برده فى حالة التوكيل انت بعدين هتعمل لنفسك عقد مسجل بس فى الحاله دى انت بتمضى بائع وبتمضى مشترى يعنى بتبيع لنفسك علشان المرور بيطلب العقد المسجل ده لما تيجى تنقل الملكيه

اما بقى مره وانا ببيع عربية مع واحد صاحبى كانت اسبرانزا
لاحظنا حاجه مهمه جدا فى السوق اى حد بيبيع هناك لازم ياخد باله منها
بيبقى فى تجار قاعدين فى السوق ومشغلين معاهم شباب لما الواحد بيدخل من بوابة بيجيلك واحد من الشباب دول ويتفرج على العربيه وكانه مشترى عادى ويديلك سعر محبط سعر قليل جدا عن السعر اللى انت طالبه
وبعد شويه وبعد مايراقبوك ويشوفو ان الناس بتتفرج على عربيتك ومحدش بيشترى يجيلك واحد تانى تبع الشاب الاولانى اللى هم بيشتغلو تبع التاجر فلان مثلا
وزود شويه عن السعر اللى قالهولك صاحبة الاولانى وطبعا بيتابعو بعض بالتليفون
بالموبايل
وبيكون التاجر قاعد فى مكان ما فى السوق وطبعا البائع مش فاهم حاجه المهم هما بسبب تواجدهم المستمر فى السوق بيكونو عارفين العربيات تساوى كام بالظبط لو وينزل لك من ثمنها مثلا 5000 جنيه طبعا هما عارفين انك واحد مزنوق وجاى يبيع فبيستغلو الحته دى لغاية مايشترو منك بالسعر اللى هما عايزينه وبعدين يوقفو هما العربيه ويبيعوها بالسعر الى هما عايزينه برده طبعا هما بيسمو دى تجاره
بس انا بعتبرها غش لان شرائهم للعربيه بيتم بالتحايل
المختصر المفيد لما تروح السوق خلى حد امين معاك
لانه هيتعرض عليه فلوس علشان يقولك ان العربيه كويسه
وثانيا احترس من التجار
فى البيع والشراء
وتاكد من اوراق العربيه

ارجو ان لا اكون اطلت عليكم
وياريت نفتح موضوع نناقش فيه السلبيات اللى وقعنا فيها فى السوق علشان محدش يقع فيها تانى[/align]

[ahit]

[align=right]السلام عليكم
الاخ yahiawestlife

بالنسبة لسوق العاشر وعن تجربتى للشراء منه مرتين والبيع مره
اولا الاجرائات الطبيعيه المتبعه هناك للبيع والشراء
1 - انت بتتفرج على العربيات لو انت رايح تشترى مهم جدا جدا انه يكون معاك ميكانيكى كويس ويكون معرفتك بيه قويه لان الميكانيكى لو انت متعرفهوش كويس ممكن يبيعك فى السوق بمعنى انه الجماعة التجار اللى فى السوق بيعرضو عليه انهيقولك ان العربيه تمام مقابل 500 جنيه مثلا من اللى حضرتك هتدفعهم ثمن للعربيه وده بيسموه فى السوق ( الملاغيه ) وده بيتم من غير ماتاخد بالك خالص علشان كده لازم يكون اللميكانيكى اللى هيشتريلك ده لازم تكون عارفه كويس والله وانا مع واحد صاحبى مره بيبع عربيه وكنت معاه جت واحده ست محترمه وجايبه ميكانيكى معاها والعربيه عجبتها كانت اسبرانزا المهم الست قالت انا كل لما اشترى عربيه هو لازم يقول عليها اوكيه لانه كويس ونعرفه من زمان والله العظيم الميكانيكى كان هيبيعها مقابل 200 جنيه ياخدهم من صديقى علشان وهو اللى طلبهم ولوا صديقى رفض الميكانيكى قالى للست العربيه وحشه وقال هى واثقه فيه على الاخر
2 - ممكن بقى يكون الميكانيكى اللى انت واخده هو اصلا عنده عربيه عايز يبيعهالك عن طريقه علشان يكسب من وراك فيطلع لك كل العربيات اللى فى السوق وحشه علشان فى الاخر تاخد العربيه اللى هو مرشحهالك عن طريقه من خارج السوق
طبعا لو العربيه فى السوق عجبتك لازم تتأكد فيها من الاتى
1- حاول تكون دواخلها مش مرشوشه لان الدواخل بتسبت حالة العربيه العامه من ناحية انها تكون مش عامله حوادث جامده او الصاج الداخلى بتاعها متغير بسبب الحوادث برده او بسبب البارومه
2- بعد الدواخل بنتأكد من ان قوائم العربيه سليمه ومافتهاش اى شغل لحامات او تعديل
3- بعد ماشفنا حالة البودى والرش نتجه للماتور لازم يكون مش بيجيب زيت ومش بيدخن وصوته ناعم مافيهوش خبط ورزع مع ان اغلب اللى بيبع العربيت فى السوق بيغسلو الماتور قبل دخول السوق وده علشان محدش يلاحظ تسريب الزيت
بعدين نتأكد من حالة الكاوتش وهل هو تيوبلس ام شنبر وحالة البطاريه ولو ان دول مش مهمين قوى بس لازم تعرف العربيه ممكن تطلب مصاريف ايه تانى بعد الشراء
4- وده الاهم لازم نشوف ورق العربيه الرخصه
ونتاكد ان العربيه ماتورها مش متغير ولو متغير هل هو مثبوت فى الرخصه ولا لا
بعد مااتأكدنا من ده كله بنروح على الشهر العقارى والبيع بيتم بطريقه من الاثنين
1- ممكن البائع يعملك توكيل مهم جدا انك تسبت فيه كلمه ( له حق البيع لنفسه وللغير وتوكيل الغير والتعامل مع المرور والشهر العقارى) علشان ماتحتاجش ترجع للبائع تانى
2- ممكن يعملك عقد مسجل على طول وتروح تنقل الملكيه على طول
برده فى حالة التوكيل انت بعدين هتعمل لنفسك عقد مسجل بس فى الحاله دى انت بتمضى بائع وبتمضى مشترى يعنى بتبيع لنفسك علشان المرور بيطلب العقد المسجل ده لما تيجى تنقل الملكيه

اما بقى مره وانا ببيع عربية مع واحد صاحبى كانت اسبرانزا
لاحظنا حاجه مهمه جدا فى السوق اى حد بيبيع هناك لازم ياخد باله منها
بيبقى فى تجار قاعدين فى السوق ومشغلين معاهم شباب لما الواحد بيدخل من بوابة بيجيلك واحد من الشباب دول ويتفرج على العربيه وكانه مشترى عادى ويديلك سعر محبط سعر قليل جدا عن السعر اللى انت طالبه
وبعد شويه وبعد مايراقبوك ويشوفو ان الناس بتتفرج على عربيتك ومحدش بيشترى يجيلك واحد تانى تبع الشاب الاولانى اللى هم بيشتغلو تبع التاجر فلان مثلا
وزود شويه عن السعر اللى قالهولك صاحبة الاولانى وطبعا بيتابعو بعض بالتليفون
بالموبايل
وبيكون التاجر قاعد فى مكان ما فى السوق وطبعا البائع مش فاهم حاجه المهم هما بسبب تواجدهم المستمر فى السوق بيكونو عارفين العربيات تساوى كام بالظبط لو وينزل لك من ثمنها مثلا 5000 جنيه طبعا هما عارفين انك واحد مزنوق وجاى يبيع فبيستغلو الحته دى لغاية مايشترو منك بالسعر اللى هما عايزينه وبعدين يوقفو هما العربيه ويبيعوها بالسعر الى هما عايزينه برده طبعا هما بيسمو دى تجاره
بس انا بعتبرها غش لان شرائهم للعربيه بيتم بالتحايل
المختصر المفيد لما تروح السوق خلى حد امين معاك
لانه هيتعرض عليه فلوس علشان يقولك ان العربيه كويسه
وثانيا احترس من التجار
فى البيع والشراء
وتاكد من اوراق العربيه

ارجو ان لا اكون اطلت عليكم
وياريت نفتح موضوع نناقش فيه السلبيات اللى وقعنا فيها فى السوق علشان محدش يقع فيها تانى[/align]

السلام عليكم و رحمة الله و بركاته

كلام سليم 100%

[iBiZa]

من فضل حضراتكم عايز اعرف اسهل طريق للوصول للسوق وان رايح من السويس لكي ابيع سيارتي الشاهين مودي 98 فبريكا دواخل وخوارج 36000 . 010906608

اسهل طريق تروح بية السوق و انت جاى من السويس هو الاتى:
- تعدى الكيلو 4.5 و تكمل علاطول.
- هتلاقى يافطة بتقول يمين المطار, هتسيبها و تعدى من تحت الكوبرى.
- تاخد اول لفة شمال و هتلاقي عندها دار بتاعة جيش (مش فاكر اسمها اية) و ترجع.
- تاخد اول يمين يقابلك يعنى هتبقى ماشى فى حذى الكوبرى و تكمل قدام شوية, تسيب اول لفة شمال و تاخد التانية.
- و بعدين تخش اول يمين (شارع النادى الاهلى) لحد اخرة. هتلاقى المترو قاطعة و لازم تلف من الU-turn بتاع مصطفى النحاس و بردة تكمل علاطول.
- اخرك خالص هتلاقى نفسك فى شارع بالعرض (كمالة شارع انبى) و بردة مش فاكر اسمة اية. هتدخل يمين و تلف اول U-turn شمال هتلاقى جامع على ايدك اليمين. هتكمل علاطول حوالى 500 متر و هتلاقى السوق على يمينك.