فصل صوت زنان الحزام

[man_66666661]

تحيه الى اعضاء المنتدى

كنت عايز افصل صوت زنان حزام الامان فى باسات الشكل الجديد ومش فاكر بصراحة شكل الفيشه الى تحت الكرسي او ممكن حد يفدنى افصل الصوت بطريق تانى

[akmm]

فيه في شارع دمشق بيتباع مشبك زى اللى في نهايه حزام الامان ممكن تستعمله بان تضعه في المبيت بتاع الحزام وبكده كانك واضع الحزام من غير مايضايقك نور اللمبه او الصوت .... مش عارف ممكن ينفع عندك ولا لأ

[man_66666661]

اعتقد الموضوع صعب بالشكل ده ممكن حلول اخرى

[Mohamedjetta]

انا شايف انك تروح التوكيل

[Ahmed Saad]

مافيش قدامك غير الفيشه اللي شبه نهايه حزام الأمان تحطها مكان الحته اللي بيتحط فيها الحزام غير كده انت هتلعب في العربيه وملهاش لزمه علشان ميأثرش معاك في حاجه

[dr_hitman]

بص يا باشا ف الجيتا الجديدة فيه فيشتين ف الموكيت تحت كرسي السواق ناحية الباب ، واحدة منهم بتاعة سينسور الحزام ف لو عايز تفصله جرب تشيل فيشة فيشك لحد ما تطلع اللي انت عايزها ومتقلقش مفيش اي حاجة هتحصلطول ما انت بتشيل الفيشة وتركبها تاني مكانها
او الحل الاسهل اللي انا عملته فيه اختراع بيتباع ف هايبر ماركت عامل زي مشبك الحزام تركبه مكان الحزام وفيه مكان عشان لو عايز تركب الحزام فيه

[man_66666661]

شكرا يا باشا على رد حضرتك هو فى تحت الكرسى وده انا عارفة بس 2 فيشه منها واحد للايرباج والاخرى للحزام انا خايف اشيل بتاعته الايرباج تنور اللمبه ولو حضرتك ممكن تعرفنى شكل فيشه الحزام

[man_66666661]

تم حل المشكلة والحمد الله بدون خسائر او تاثير على اى حاجة
فى يا جماعة تحت كرسى السائق والكرسى الى جنبه 2 فيشه احداهما لونها اصفر وديه منجيش جنبها خالص عشان بتاعت الايرباج اما الفيشه الاخرى لونها اسود وديه بتاعت صوت زنان الحزام يتم فصل الفيشه السوداء وكده زنان الحزام مش هتسمع صوته خالص وبتختفى علامته من التابلوه وطبعا مع مراعاه عدم وجود المفتاح داخل الكونتاكت وذلك للامان وعلى فكره انا الى عملت الموضوع ده من عندى وليس مركز خدمة او اى فرد

[sala7]

الشغل الصح بيتعمل بالبرنامج VCDS او بال VAS5054a ده لو حضرتك تعرف تستخدمهم
انما احسن و اسهل حل اتقال في المشاراكات انك تروح تجيب المشبك نفسه اللي بيدخل في السوكت اللي بيمسك الحزام و تركبه اكنك شادد الحزام بالضبط و ريح بالك

[K.Ossama]

يمكن كلامى ما يعجبكوش، لكن نصيحة
اربط الحزام أسهل و أمان حتى فى السواقة البطيئة

[Mado El-Feki]

لو لا قدر الله حصل حادثة .... بكل الحلول اللي قلتوها واللي عملتوها ... الإيرباج مش هيفتح .... ليه تركب باسات لما إنت هتلغي الإيرباج؟ ... ما تركبوا حاجة مفيهاش إيرباج من اﻷول وتوفروا فلوسكم

[man_66666661]

حضرتك احنا بنتكلم على حزام الامان وليس الايرباج مع احترامى الشديد لحضرتك

[ahmed.Elashy]

يمكن كلامى ما يعجبكوش، لكن نصيحة
اربط الحزام أسهل و أمان حتى فى السواقة البطيئة

بالظبط

[ahmed.Elashy]

حضرتك احنا بنتكلم على حزام الامان وليس الايرباج مع احترامى الشديد لحضرتك

حزام الامان اهم بكتير من الاير باج و اللي ناس متعرفوش ان السرعات البطيئه حوادثها موثره جدا ع الافراد والحزام بيمنع لا قدر الله بشكل كبير جدا
انا زيك بدور ع حل للصوت المزعج دا بس ف نفس الوقت مومن باهميه الحزام مهما كانت السرعه
بس ساعات بتحصل حالات مينفعش احط فيها الحزام