مناقشه حول جولف 2

[feky]

السلام عليكم
ايه الاخبار يا رجاله
ان شايف ان مفيش مواضيع كتير او تكاد تكون معدومه للجولف 2
انا كنت بفكر اشترى وحده فقولت ادخل عندكوا اشوف الاخبار بس للأسف ملقتش اى مواضيع ليها
هى انقرض ولا ايه
يا ريت لو حد عنده معلومات عن عيوبها او مميزاتها او اسعارها او قطع الغيار
اكون شاكر افضلكم

[chiko]

لا موجوده لكن حظها قليل في القسم .. عشان قديمه .. هي عربيه محترمه و قطع غيارها متوفرة و رخيصه .. المهم ان تكون حالتها نظيفه ..

[tareksakr]

امتلكت جولف 2 لمدة 5 سنوات بمحرك 1300 العربية رائعة جدا زيرو اعطال للموتور طول ال 5 سنين سحب ممتاز ثبات ممتاز
استهلاك بنزين بمعدل 10 لتر لكل 100 كم داخل المدينة
يعيبها عفشة ناشفة جدا استهلاك بنزين عالي مع الشد والحرق الكتير
يفضل انك تشتريها بموتور 1600 وياريت لو تجيبها مكيفة اسعار قطع الغيار معقولة جدا اغلي قطعتين غيار فيها هو المساعدين ب 850 جنيه وطقم الدبرياج 750 جنيه فيما عدا ذللك الاسعار عادية جدا
يفضل انك تشتري عربية حالتها نضيفة وصاحبها مهتم بيها جدا اكشف كويس لان معظم اللي معروض للبيع حالات سيئة يتبان العربية عروسة من برة وهي نصين او عاملة حادثة ومتظبطة
سعر الجولف 2 الممتازة وفيها كل الكماليات تكييف وباور وسنتر وازاز كهربا وفيها موتور كويس 1800 أو 2000 مش هتقل عن 38000 ل 42000 جنيه لسه واحد صاحبي مشتري واحدة مو 90 فبريكة برة وجوة بحالة المصنع فعلا ب 48000 جنيه
اي عربية عموما لازم تدور علي الحالة الممتازة

[hady83]

متابع

[ah-elgendy]

فى جروب غ الفيس بوك لجولف 2 بس بس مش عارف ينفع احط اللينك ولا لأ

[mando2002m]

احسن عربية امتلاكتها

[mzkader]

عربية ممتازة و لكن لو معاك تكمل و تجيب جولف 3 هايكون أفضل

[omaryamany]

فى جروب غ الفيس بوك لجولف 2 بس بس مش عارف ينفع احط اللينك ولا لأ

يا ريت لو تبعتلي الجروب في رساله خاصه لو مينفعش تحطه هنا

[سامر شاكر]

انا بشد عربيتي و قلبت اسكندرية علي
اكرة خلف يمين
اكصدام عريض
4 فرش باب
طقم مزاريب ابواب
طقم كاوتش باب
4 جرايد باب
و مش لاقي يا ريت حد يدلني علي مكان و اسعار في اسكندرية او اي مكان اخر