استفسار من الساده خبراء الفولكس واجن ( باسات ٢٠٠٨ )

[haisam ali]

السلام عليكم ورحمه الله وبركاته ..... اخوكم هيثم على زميلكم فى قسم اوبل وفى المنتدى بوجه عام ..... عمى معاه عربيه باسات ٢٠٠٨ موتور ١٥٠٠ fsi .... هوه عطعهالى اعمله الشغل اللى فيها سمكره وبويه وعفشه وموتور وكده ..... الحمد لله اوشكت على الانتهاء من كل شىء عادا موضوع عجيب اوى وقولت محدش هيقصر عليا غير اخواتنا الفاهمين فى المواتير والفتيس ده .... المشكله بتتلخص فى ان العربيه دى سحبها بطىء جداً جداً .... تدور الموتور تدوس بنزين وهيا مموره تمام اوى وال rpm بيعلى وينزل تمام انما اول مالفتيس يأخذ الغيار D وتبدأ تدوس عشان تمشى تحس ان العربيه عايزه حد يزقها تقييييييله جداً فى السحب .... هيا عامله ٢٠٠ الف كيلو وتقريبا هوه عملها صيانه موتور قريب .... كده يبقى عيب ايه يارجاله ...؟؟ أرجو منكم الافاده وفى أسرع وقت وشكرا

[ashouhdy]

والله هى لو مانيوال كنت قلتلك اسطوانة وديسك اعتقد هى مايقابلهم في الفتيس الاوتوماتيك

[Ahmed Saad]

هوا آخر مره غير زيت الفتيس أمتي المفروض كل 60000 كم يعني المفروض يغير عند 60000 كم و 120000 و 180000 كم لو ماتغيرش يبقى لازم يتغير وبرضه اكشف على العربيه بالاسكانر

[mafify]

حساس سرعه اكيد

[gellish]

هوا آخر مره غير زيت الفتيس أمتي المفروض كل 60000 كم يعني المفروض يغير عند 60000 كم و 120000 و 180000 كم لو ماتغيرش يبقى لازم يتغير وبرضه اكشف على العربيه بالاسكانر

بالظبط كده + لازم تعرف ان الموتور ده 1600 fsi ما بتخدش منه سحب زي ما نت متوقع طالما بتحط 92 ...الموتور ده ال 95 فيه شيء اساسي وإلا إنسى الأداء

[alzelafy]

زيت الفتيس ناقص و لو زودت الزيت و العربيه زى ما هى يبقى كدة الفتيس ودع

[haisam ali]

زيت الفتيس ناقص و لو زودت الزيت و العربيه زى ما هى يبقى كدة الفتيس ودع

طاب معلش بقى بالمره ..... هوه فتيس العربيه دى المفروض لما انزل الزيت الفتيس اللى فيه هيا تاخد كام لتر لما اجى أغيره بالظبط ...؟؟؟؟؟