ايه الاحسن البولو 99 والا البولو 2001

[arady2007]

يا جماعه لو ممكن حد يساعدنى
من حيث الموتور -قطع الغيار - الاداء - استهلاك البنزين - الصيانه -قطع الغيار
يعنى لو عايز عربيه هستخدمها كتير فى سفر و شغل اجيب اى واحده فيهم ؟؟؟

[iBiZa]

الPolo 99 و الPolo 2000 هما عربية واحدة فى الشاسية و الBody Shell, ال2000 تعتبر الFace-Lift بتاعة ال99.

الفرق بينهم هو فى الفوانيس ورا و قدام و شكل التابلوة و فرش الصالون و الابواب.

قطع غيار كتير بتركب ما بين الاتنين.

انا معايا الاتنين, ال2000 بتاعتى و ال99 بتاعة اختى.

المواتير مختلفة شوية فى التكنولوجيا.

فرق التمن بين الاتنين حوالى 10,000 جنية لو الاتنين 1000cc و تكييف و باور.

انا بحس ان ال2000 شكلها احلى و قعدتها احلى بس هى فى الاخر اذواق.

و دية صورة للعربيتين مع بعض.

[arady2007]

شكرا عى المشاركه والرد لو ممكن تفيدنى العربيه دى حلوه اشتريها والا لا وبتستحمل فى السفر والا لا - وقطع الغيار - والميكانيكيه اللى بتفهم فيها ؟؟؟ عموما لو قدامك عربيه رد عليه علشان بدور ولو عايز تبيع برده قولى وطلباتك ايه فى السعر لو فكرت تبيع --- ده تليفونى 0101617012 وشكرا مره تانيه

[iBiZa]

من ناحية السفر, دية حاجة مبيتسئلش عليها فى الالمانى. هو اصلا بتاع سفر.

انا فى اليوم العادى مشاويرى فى حدود 100 - 150 كيلو.

كل شهرين بطلع دهب او شرم غير فى الصيف كل اسبوع او اتنين يا اما الساحل يا اما العين السخنة.

لازم ميكانيكى VW عشان فيها حاجات مش اى حد يفهمها. انا عن نفسى بتعامل مع محمد سمير و هتلاقى عنوانة فى مراكز الخدمة.

قطع الغيار موجودة كلها جديد و استيراد فا مش هتقف على حاجة.

انا مش قدامى حاجة دلوقتى و مش بنفكر نبيع حاجة من اللى معانا عشان الاتنين مريحينا جدا.

و range الاسعار فى موديل 98 او 99 هو من 38 - 41 لو 1000cc تكييف و باور.

و range الاسعار فى موديل 2000 و 2001 هو من 48 - 52 لو 1000cc تكييف و باور.

و انا تحت امرك فى اى اسئلة تانية.

[arady2007]

الف الف شكر

[zizophone]

الف شكر على معلوماتك دي وياريت لو قدامك حاجة قولي لاني بدور على حاجة فوق 2000

[iBiZa]

http://www.cars.com.eg/engine/view?cartype=Volkswagen

فية كذا واحدة هنا