عاوزة رأيكم فى البيتلز ,,, ياترى فى حد ممكن يساعدنى

[mena farid]

انا رأيي البيتلز افضل اختيار في السيارات القديمة عامتا لانها بتستحمل جدا وعن تجربة بس دا ميمنعش ان العربية تعطل بس انا معايا العربيه بقالها 5 سنين معملتهاش معايا غير لما بكون تحت البيت بس العربية دي فعلا مش هتتكرر تاني في تاريخ السيارات كلها

[matrix_it]

هي صوتها مزعج ؟؟

Sent from my Nexus 5 using Forum Runner

[reddragonmezo]

هي صوتها مزعج ؟؟

sent from my nexus 5 using forum runner

ممكن من برة لكن من جوة الصوت اهدى من الفيات القديم ولو معزولة كويس هيبقى الصوت اهدى كمان

[matrix_it]

هي دواساتها ناعمين ولا زى ال 127 و فراملها توقفها ولا ضعيفة ؟؟ و سهل اني اجنطها ولا هدوخ ؟ انا ناوي اجيب عربية حالتها معقولة و ارشها بالكامل و اجنطها
فا ايه راي حضرتك و اخليني فى ال1300 ولا ال1302 ؟ و السعر في حدود كام و شكرااا

Sent from my Nexus 5 using Forum Runner

[mena farid]

بالنسبة للدوسات البنزين والدبرياج عندي نعمين الفرامل بتعتها مش اوي بس تسعفك برضو..... الجنوط كنت بسال عليها ملقيتش غير اربع او خمس اشكال وقالولي ممكن تغير الطنابير لبتاعت الريتمو لان المسامير مكانها بعيد بس انا شايف ان الجنوط اللي بتنزلها شكلها ظريف بس معرفش اسعار..... بانسبة لل 1302 نفسي فيها لان الشنطة بتعتها اوسع وشكلها زي الاسد بس المشكلة في قطع الغيار بتاعة العفشة ال 1300 افضل في قطع الغيار وقوة التحمل في الطرق المتكسرة.... لو في حل لمشكلة قطع الغيار بتاعة ال1302 او1303 يبقي افضل انك تشتريها وانا بفكر اني برضو اشتريها اسعار العربية ال1300 من 8 ايل 13 الف حسب الحالة خد بالك لان في منها برازيلي والماني اناعن نفسي معنديش مشكلة اني اجيب عربية برازيلي بس تكون حالتها حلوة والميزة فالبرازيلي انها تمنينات الالماني هتلقيها ستينات اول السبعينات .....ال1302 من 10 الي 17 الف والسعار دي من خلال التجربة الشخصية .....1303 من 14 الي 20 الف

[فاتنة]

reddragonmezo بجد حضرتك افدتنى جدا بمعلوماتك جزاك الله خير

حضرتك البيتلز سيارة عملية جدا سواء على الطريق السريع او داخل المدينة بس لازم تكون فى اهتمام بيها ومراجعة اشياء معينة لعدم تعطلها لانها كعربية اعطالها قليلة جدا بيكون فيها بلاوى بس بتمشى ومبتقلش باصلها
لو عايزة تشترى عربية بالمبلغ ده ممكن تلاقى بس هتتعبى فى البحث عن حاجة كويسة اصيلة مش متهانة والكشف عليها هيكون فى الخطوات التالية..........1- اول كشف الزواية بسب ان العربية ممكن يكون الدنجل بتاعها معووج وده مقرف جدا فى تغييره وبيخلى العربية مش موزونة على الطريق ويكون الكشف عند واحد بتاع زوايا كومبيوتر.............2- كشف الميكانيكى هيكشف على الماتور ويشوف حالتة ويبص على العفشة والفتيس
.................. ممكن يتم الكشف عند سمكرى بس العربية ده مش زى الفيات ممكن يعنى صاجها شديد
...........لو حضرتك من سكان شرق القاهرة فى مديح الميكانيكى فى او سنان فى جسر السويس غالى شوية فى المصنعية بس نضيف فى شغله وفى واحد ظبط زوايا بالكمبيوتر فى ميدان ابن الحكم فى مدخل مدينة الزهور عند نادى 6 اكتوبر ................. اى استفسار عن هذه السيارة انا موجود

[فاتنة]

matrix_it
اتمنى ان الاعضاء يفيديوك لانى معنديش خلفية

[فاتنة]

hitmangate

شكرا لحضرتك ولك مثله

[فاتنة]

shiko85 شكرا لرايك بس ياريت اعرف اقتراحات حضرتك

[فاتنة]

mena farid

شكرا لرأيك

[shiko85]

shiko85 شكرا لرايك بس ياريت اعرف اقتراحات حضرتك

لو ماروتى مثلا
حضرتك هتدفعى 11.5 الف مقدم و 854 جنيه قسط على 60 شهر
او لو ده مش متاح حاولى حضرتك توصلى لـ 20 الف و هتلاقى عربيات معقوله بالسعر ده

[matrix_it]

تمام الف شكر لحضرتك انا عاجبنى ال1303 بس خايف من قطع غيارهامش مشكلة لوغالية المشكلة لو مش متوفرة لانى من اسكندرية مشمن القاهرة

[mena farid]

لو من اسكندرية يبقي روح بورسعيد انا اريبي عنده فولكس بيجيب قطع الغيار الاستيراد من هناك لانها بتبقى متوفرة وارخص من القاهرة....لنا من رايي ان ال1302 و1303 انهم موجودين وكمان بيظبطوها وبيبقى شكلها جامد فاكيد قطع الغيار هتبقى متوفرة لو القاهرة انا كنت بروح الوكالة او التوفيقية او جسر السويس عند حديقة بدر ممكن يكوون عندهم جديد او استيراد لل1303 بس معتقدش انها مش موجودة

[Pop02]

السلام عليكم اولا ...

ان شاء الله انا ناوية اشترى عربية لانى محتاجاها جدا للسفر من محافظة لمحافظة
ودى اول مرة هركب فيها عربية ودورت كتير فى مواضيع مختلفة على سيارة بسعر كبداية بمبلغ 10,000 وملقتش غير انواع محدودة ما بينها " الفيات , اللادا , البيتلز ,السيات "

لكنى بميل للبيتلز لانى عرفت انها بتتحمل عن باقى الانواع على اساس ما قرأته وانها بتتحمل ظروف السفر فهل معايا حق او كل الانواع دى فى نفس المستوى واعطالها كثيرة

ياريت حد ينصحنى بخبرته

لو حضرتك معجبه بالعربية البيتل للعلم هى عربية أصيلة بمعنى الكلمة وده عن تجربة وعشرة مع العربية دى لكن لازم تعرفيها قبل الشراء حتى ولو عن طريق القراءة وممكن لأ دا أكيد هيفيدك الموقع ده .................................................. .... أنه تقريبا فيه كل حاجة عايزة تعرفيها عن العربية

مع الاعتذار للإدارة اذا كنت أخطأت فى ارفاق اسم موقع آخر فى المشاركة لأن دى أول مشاركة لى هنا بالمنتدى وبالتوفيق



ممنوع وضع لينكات لمواقع سيارات أخرى ، برجاء مراجعة قوانين المنتدى
م ب 3

[amr011111]

طبعاً من غير كلام هاتى عربيه زيرو قسط

لأنك بنت ومش هينفع العربيه تعطل بيكى
وخاصة انك هتجيبى عربيه موديل قديم واللى هتصرفيه عليها هيقارب القسط الشهرى