مساعده فى الجيتا

[Galal_sherif]

السلام عليكم
انا ان شاء الله ناوى انى اجيب عربيه وبفكر فى الجيتا الشكل القديم .. انا تاعبت مواضيع كتير فى المنتدى وبقيت متردد جدا بسبب حوار الفتيس ... ناس بتقول ان الموديلات القديمه هيا الى كانت فيها مشاكل والعكس وانا بصراحه مش عاوز اخاطر ...
فمحتاج ارائكم عن العربيه وايه الموديلات الى مفهاش مشاكل فى الفتيس .
ولا اجيب اوكتافيا a5 واهى بردوا قريبه من الجيتا ؟

[bona rag]

الموديلات من 2009 الي الاحدث فيها عيب فتيس بس بيتحل بس افضل تبعد عنها و هات 2008 او 2007 , لكن لو عايز موديل حديث هات اوكتافيا فانتازيا 2010 الي 2012 , لأن الفنتازيا اقرب حاجه للجيتا , و ربنا يوفئك إنشاء الله

[Mohamedjetta]

من 2007 الي 2009 مفهمش حاجه والفانتزيا حلوة بس الجيتا شكليا احلي ( اذواق) والاتنين نفس الموتور والفتيس وبقيه اجزاء العربيه
Dsg حلو بس مش في مصر انا معايا الجيتا الشكل القديم الفتيس dsg مرتاح معاه اوي والعربيه دلوقت ماشيه 105 الف وماشاء الله

[محمد 2014]

معروض عليا جيتا 2009 الفتيس القديم ماشيه 80 الف طمنوني علي الفتيس هو غير زيته في 40 الف
ايه رأيكم

[bona rag]

معروض عليا جيتا 2009 الفتيس القديم ماشيه 80 الف طمنوني علي الفتيس هو غير زيته في 40 الف
ايه رأيكم

اكشف عليها في التوكيل و شوف رشه حاجه ولا لأ و بعد كدا الاستخاره و ربنا يوفئك

[TeMoON]

معروض عليا جيتا 2009 الفتيس القديم ماشيه 80 الف طمنوني علي الفتيس هو غير زيته في 40 الف
ايه رأيكم

الفتيس القديم ومغير الزيت على 40000 تمام وزى الفل مفيش مشكلة منة والزيت على فكرة بيتغير كل 60000 كم المهم دلوقتى تشوف حالة العربية عموما والف مبروك مقدما ان شاء الله