تابلوه باسات 2008

[احمد عزوز]

السلام عليكم
انا معايا باسات 2008 توب لاين . التابلوه بتاعها من فترة بدأ يخبط لما اكون ماشي على ارض خشنة او في المطبات واوقات وانا ماشي على طريق عادي ., صوت الطقطقة والتخبيط ده جاي من تحت الازاز . المهم رحت التوكيل قالولي لا العربيات الخليجي التابلوه بتاعها مختلف عن العربيات بتاعتنا ولو فكينا التابلوه الكليبسات بتاعته هتتكسر واحنا مش بنلحم كلبسات لازم تشتري تابلوه جديد ب 11 الف جنيه ( القشرة الفايبر الخارجية بس طبعا )
الصوت ده مزعج جدا ياجماعة والعربية انا حاببها جدا لانها زيرو بمعنى الكلمة وممشيتش يعني انا شاريها ماشية 30 الف وحاليا 69 الف .
ممكن لو حد عنده حل او يعرف حد محترم افك عنده التابلوه ويكون شاطر ومتمرس في الموضوع ده وياخد اللي هو عاوزه طبعا بس يمنع الصوت ده ويظبطه .. ياريت اتمنى
اشكركم جزيلا

[gellish]

في واحد سروجي ممتاز في الحرفيين أخصائي فولكس أسمه أحمد عواد 01222651184
ورشته بجوار محل مجدي البيومي بتاع الفولكس

[احمد عزوز]

في واحد سروجي ممتاز في الحرفيين أخصائي فولكس أسمه أحمد عواد 01222651184
ورشته بجوار محل مجدي البيومي بتاع الفولكس

طب هو السروجي ياباشا اللي هيفك التابلوه ؟ يعني هو بيعمل الموضوع ده كتير ولا لازم كهربائي جنبه ؟

[gellish]

طب هو السروجي ياباشا اللي هيفك التابلوه ؟ يعني هو بيعمل الموضوع ده كتير ولا لازم كهربائي جنبه ؟

السروجي هو اللي بيفك و بيركب و لو احتاج شغل كهرباء في واحد جنبه اسمه سعيد ...فاهم شغل الفولكس كله و معاه لاب عليه السوفتوير ممكن يظبطلك اي حاجة انت محتاجها برضه

[احمد عزوز]

السروجي هو اللي بيفك و بيركب و لو احتاج شغل كهرباء في واحد جنبه اسمه سعيد ...فاهم شغل الفولكس كله و معاه لاب عليه السوفتوير ممكن يظبطلك اي حاجة انت محتاجها برضه

الف شكر ياباشا رحت لاحمد عواد واد محترم وبعد مافكينا التابلوه طلع مافيهوش حاجة والعيب من الازاز زانق على التابلوه بالرغم من ان انا شاريه ومركبه من التوكيل ورجعتلهم في التوكيل هزقت ابوهم وفكوه وركبوه تاني وكانو عاوزين الف جنيه سيليكون بس انا ظبطهم كويس وطلعت فيهم وكان ناقص هما اللي يدوني الالف جنيه ولاد الحرامية

[gellish]

الف شكر ياباشا رحت لاحمد عواد واد محترم وبعد مافكينا التابلوه طلع مافيهوش حاجة والعيب من الازاز زانق على التابلوه بالرغم من ان انا شاريه ومركبه من التوكيل ورجعتلهم في التوكيل هزقت ابوهم وفكوه وركبوه تاني وكانو عاوزين الف جنيه سيليكون بس انا ظبطهم كويس وطلعت فيهم وكان ناقص هما اللي يدوني الالف جنيه ولاد الحرامية

الحمدلله ان الموضوع طلع بسيط
سؤال رفيع لو سمحت
ياترى موضوع تغيير الزجاج في التوكيل إتكلف كام؟
واحد صديقي إحتمال يغير زجاج الباسات بتاعته
والف شكر

[احمد عزوز]

الحمدلله ان الموضوع طلع بسيط
سؤال رفيع لو سمحت
ياترى موضوع تغيير الزجاج في التوكيل إتكلف كام؟
واحد صديقي إحتمال يغير زجاج الباسات بتاعته
والف شكر

البريبريز ب 2400 واخدو 700 جنيه سيليكون وتركيب يعني كله 3100
حرامية فعلا وياريته اتركب صح
انا اساسا رحت لهم عشان الازاز الاصلي لكن انا عارف انهم في التركيب زفت لان اللي بيركب سمكري معندهمش متخصصين زجاج
انصحه يشتريه من منفذ البيع بتاعهم اللي في مصر الجديدة ويركبه عند جريش افضل مليون مرة .
بس ليا سؤال اخير ياباشا لو سمحت . انا فوجئت ان سخانات الكراسي مش شغالة تنصحني اروح لمين يكون متخصص فيهم ؟ بس غير علاء بلية وتامر ورشاد عشان عاملين دكاترة وبقو بالحجز قبلها باسبوعين دلوقت ؟

[gellish]

البريبريز ب 2400 واخدو 700 جنيه سيليكون وتركيب يعني كله 3100
حرامية فعلا وياريته اتركب صح
انا اساسا رحت لهم عشان الازاز الاصلي لكن انا عارف انهم في التركيب زفت لان اللي بيركب سمكري معندهمش متخصصين زجاج
انصحه يشتريه من منفذ البيع بتاعهم اللي في مصر الجديدة ويركبه عند جريش افضل مليون مرة .
بس ليا سؤال اخير ياباشا لو سمحت . انا فوجئت ان سخانات الكراسي مش شغالة تنصحني اروح لمين يكون متخصص فيهم ؟ بس غير علاء بلية وتامر ورشاد عشان عاملين دكاترة وبقو بالحجز قبلها باسبوعين دلوقت ؟

والله مبدئيا ممكن تشوف الكهربائ اللي قولتلك عليه في الحرفيين للأسف معنديش تليفونه ..لكن أحمد عواد ممكن يوصلك ليه
لو عرف يشغل كان بها و نعمت
لو معرفش يبقى ممكن تشوف محمد سمير اللي ورا حديقة بدر

معلش لو حضرتك تديني عنوان منفذ بيع فولكس اللي في مصر الجديده أكون شاكر فضلك

[mando2002m]

متابع لانى عاوز عنوان مركز التوزيع

[احمد عزوز]

والله مبدئيا ممكن تشوف الكهربائ اللي قولتلك عليه في الحرفيين للأسف معنديش تليفونه ..لكن أحمد عواد ممكن يوصلك ليه
لو عرف يشغل كان بها و نعمت
لو معرفش يبقى ممكن تشوف محمد سمير اللي ورا حديقة بدر

معلش لو حضرتك تديني عنوان منفذ بيع فولكس اللي في مصر الجديده أكون شاكر فضلك

لا للاسف والله معرفوش بس ممكن تكلم الرقم المختصر بتاع فولكس وهما يقولولك التفاصيل ويقولولك موجود ولا لا بس لازم تديهم رقم الشاسيه بتاع العربية
الرقم المختصر 19525

[aloooo1001]

انا لسه فاكك التابلوه ومغير السرابنتينه الداخليه عشان التكيف عند واحد برنس

[gellish]

ايه اخبار سخنات الكراسي يا احمد بيه ؟ يا ترى اشتغلت؟
كل سنة و انت طيب