تكييف الجيتا اللعين عاوز حل ارجوكم

[hoksha]

السلام عليكم
من فترة اشتربت جيتا 2007 وبعديها بفترة التكييف باظ فروحت وسألت عن ايه المشكلة يمكن يكون شحن ولا حاجة لقيت الراجل بيقولي يا بيه الكومبرسور بتاعك بايظ وعاوز يتغير هو والسربنتية فا قولت اكيد عاوز يعمل مصلحة روحت لواحد تاني قالي برده نفس الكلام فا روحت سالت على التكييف لقيته ب 4000 جنيه فا روحت للراجل تاني قالي ممكن نجيب كومبرسور ياباني ونعمله قاعدة ويركب زي الف وافضل من بتاع العربية الجيتا .سمعته من هنا وروحت وقلت بلاش شغل الحلانجية والتعديلات دي

انا مش عارف هل الكومبرسور ممكن يتصلح؟
وايه الحل اللي ممكن اعمله ؟
ومين افضل واحد ثقة يصلحلي التكييف؟
وهل فكرة التعديل دي ناجحة ولا لا؟

خصوصا ان كذا واحد بيقولوا تكييف الجيتا على قد حاله

ايه الحل دلوني لاني بدأت افكر ابيع العربية

[Omar2017]

هتبيع عربية علشان تكييف؟؟
هاتلها تكييف كورولا 2005 شديد انا كنت قطر يعني يعني حر شديد كنت بشغلة على تالت سرعة كنت بسقع

[hoksha]

تكييف الكرولا لا يعلى عليه بس المشكلة هل هيكون في التاثير على الجيتا وخصوصا هيبقى في تعديل قواعد وحوارات
وحضرتك فاهم اننا في مصر بلد الفتي

[Ahmed Saad]

بص ياباشا انا هقولك على حاجه شوف بتوع قطع الغيار الاستيراد هيشوفلك كومبريسور الباسات موديل 2000 نفس قواعد الجيتا ولا لا لأنه لو نفس القواعد يبقى اتحلت هتعدل في مواسير الدخول بتاعت الفريون للكومبرسور وعلى فكره كومبريسور تكييف الباسات ياباني ماركة دينسو وده الفبريكه بتاعها والدينسو ده هو هو ماركة كل كومبريسورات العربيات الياباني وأسأل أي حد على تكييف الباسات 2000 ماشاء الله عليه. تلاجه على السرعه الأولى ماتستحملوش فشوف كده وربنا يسهل يكونو زي بعض

[الريس حميدو]

انت ممكن تشوف تكييف الغولف لانه نفسه اللي راكب في ال جيتا

[pharonicking]

جرب وشوف " مش حتخسر حاجة ""

[samehkadous]

انا مركب كمبريسور الباسات 2000 في جيتا 2008 وبقاله سنتين ونص زي الفل بدون مشاكل وبدون تعديلات
وتمنه كان 1800 استيراد