Volkswagen Passat 2015 الشكل الجديد

[amr salah eldin]

اول عرض فعلي للسيارة بعد خمس ايام من الان في معرض باريس الدولي للسيارات وبالتاكيد ستظهر السيارة بشكلها النهائي لان الشكل اللي ظهرت بيه في شهر يوليو الماضي في اعتقادي يحتاج لكثير من التعديلات منها علي سبيل المثال مكان فتحات التهوية والذي يظهر كشريط بكامل التابلوه ومايصاحبه من نتوئات وفراغات ضيقة ستتراكم عليها الاتربة و الاوساخ ، ايضا وجود شريط نيكل علي مقدمة السيارة يغطى الكشافات الامامية يعطي انطباع غير جيد عن التصميم ، عموما بعد الانتهاء من معرض باريس سوف يبدا الانتاج لاوروبا علي ان تظهر في مصر يوليو ٢٠١٥ علي اقل تقدير .

[chef]

مساء الخير على رجاله الباسات .. انا كان معايا بيجو 508 الشكل القديم وكنت هابتدى افكر فى الفيس ليفت باردو من نفس الموديل بس بصراحه لما شفت الباسات الجديده .. حقيقى تحفه واعادت شكل الباسات للهيبه وارهبه بس بصراحه مخوفنى من الفتيس الdsg .. والاكتر موضوع البنزين .. والسؤال لحضراتكم هو لازم بنزين 95 علشان التربو علماا با انو البيجو كانت باردو فيها تربو بس كنت بستعمل بنزين 92 .. وكنت بضحى بقوة التربو . هل نفس الكلام ينطبق على الباسات ولا عندكم تحفظات ؟ واسف جداا للا اطاله

[M7amD_7amDy]

Passat Car of the year 2015 :)

https://www.youtube.com/watch?v=ueRPMpP5t4Q

https://www.youtube.com/watch?v=yEEskmFgQlM

[Waleed Elfiki]

السلام عليكم، كنت عايز اسألكم عن الباسات شوية اسئلة عشان انا ناوي اجبها ان شاء الله لانها اكثر حاجة ارتحت ليها لما اتفرجت على العربيات نفس الفئة السعرية وانا مش خبير في العربيات فيرجى المساعدة الله يبارك لكم:
1- العربية المباعة الان (1400 تيربو) ده الشكل الجديد بعد الفيس لفت؟
2- قريت كتير عن الفتيس وفعلا موصلتش لمعلومة اكيده هل فعلا مشاكله اتحلت؟ التوكيل قالي ان مشاكله اتحلت تماماً بعد تعديل الجيربوكس وان المشكلة اصلا مكنتش في الفتيس نفسه لكن كانت في الجيربوكس، انا عندي صحاب لم يواجهو مشاكل في الفتيس(جيتا 2010 وباسات 2009) وفي واحد تاني (جيتا 2012) قالي حصله مشكله مره واحده واتعلجت في التوكيل ومحصلش حاجة تاني من ساعتها عند 50،000كم.
3- هل استخدام بنزين 92 هيبوظ الموتور بعد فتره؟ انا عارف ان 92 مش هيشغل التيربو كويس بس هل ليه تاثير على الموتور؟
4- هل فيه اي تفاصيل عن شكل جديد في الفتره القادمة (2، 3 سنين كده)؟
5- هل فعلا البيجو 508 احسن في رأيكم؟ كل لما اسئل حد يقولي هات بيجو 508

شكرا مقدما للافاده