مشكله في فتيس الجولف 5

[dentistmoe]

عندي مشكله لما العربيه بتنقل عالغيار التاني بحس انها بتنتش سالت واستفسرت قالي ده عيب في الفتيس وفي ناس قالوا عقل الفتيس يتغسل وممكن المشكله تروح و ناس قالت العقل يتصلح وناس تانيه العقل يتغير وطبعا اتصلح او اتغير بفلوس كتير
حد ظهرت معاه المشكله قبل كده وعمل ايه واروح لمين احسن واحد اثق فيه وفي شغله؟

[S O P H O S]

والله يا باشا بقالي فترة بفكر فالجولف 5
بس قلقان من الفتيس
ربنا يوصلك لحل وتطمنا

[Adnfalcon]

تروح تكشف علي الفتيس بالجهاز هو دا غالبا عيب body valve بيتسد
لو باظ خالص هات واحد جديد استيراد ولو حد شاطر ممكن ينضفه

[eng.m7md.ali]

العقل .. اعتقد العقل مش غالي مقابل سعر الفتيس نفسه

بس انا شايف ان النتشة سعات تظهر وساعات لا .. لو بتنقل على rpm عالي شوية مش هتحس بيها

[m07mad]

تروح تكشف علي الفتيس بالجهاز هو دا غالبا عيب body valve بيتسد
لو باظ خالص هات واحد جديد استيراد ولو حد شاطر ممكن ينضفه

هوا فعلا الجهاز ممكن يكشف على عيوب البدي فلف ؟؟؟ انا اللي اعرفو انو لازم بالتجربه الجهاز مبيأدرش يكشف على البدي فلف

[dentistmoe]

تروح تكشف علي الفتيس بالجهاز هو دا غالبا عيب body valve بيتسد
لو باظ خالص هات واحد جديد استيراد ولو حد شاطر ممكن ينضفه

يعني اروح عند حد ينضفه الاول ونجربه؟ ناس بتقولي جرب تنضفه الاول وشوف
المشكله الناس اللي بتتكلم في تضليح او عقل او غيار بيتكلموا في كام الف

[dentistmoe]

العقل .. اعتقد العقل مش غالي مقابل سعر الفتيس نفسه

بس انا شايف ان النتشة سعات تظهر وساعات لا .. لو بتنقل على rpm عالي شوية مش هتحس بيها

هي فعلا لو بتنقل علي rpm عالي النتشه دي بتروح بس لو ماشي هادي او في طريق زحمه هعمل ايه ومش هفضل احرق علي الغيارات ؟
وبالنسبه لصاحبك عمل ايه؟ سابه كده ومشي عادي بيه ولا ايه؟
الفكره انا اتصلت بناس وسالت عالاسعار في ناس بتقول عقل الفتيس ب 7 الاف؟؟؟؟؟؟؟
وناس تقول هتصلحه ب 4 الاف ؟؟؟؟؟؟؟
وناس تانيه تقول مش بيتصلح اصلا

[tameraast]

6 سرعات ستب ترونك و سبورت ,,, لو هوا دا الجير بوكس بتاعك اخبار تغير الزيت ايه ؟؟ بيتغر على 60 الف بالظبط غيرته كام مره ؟

[Adnfalcon]

هوا فعلا الجهاز ممكن يكشف على عيوب البدي فلف ؟؟؟ انا اللي اعرفو انو لازم بالتجربه الجهاز مبيأدرش يكشف على البدي فلف

واحد نضفه عن صبي ميكانيكي ب 20 او 50 جنيه بعد ما طلبوا يجيب واحد استيراد . هي حظوظ

[snakeson2]

بص ياقائد. الحل بسيط جدا ًسيبك من اشتغالات الصنايعية. هيبهدلوك ،
نفس المشكله كانت عندي وحليتها وده بعد ماتعبت جدا من كتر الاشتغالات
الزيت عندك يتغير بزيت جديد اصلي من عند الشهابي ، وتنضف ًالفلتر وكله هيرجع زي الاول وأحسن
وخلي الي بيغير الزيت يشوف البلوف لو مسدوده تتنضف وشكرا ، لو احتجت مساعده او استفسار كلمني
المهم متتاخرش عن تغيير الزيت ، كلمني لو احتجت حاجه ٠١٠٦٦٦٠٨٦٨٠