كل يوم بيزيد احترامي للعربية الأودي

[Ahmed Saad]

زي مالعنوان مكتوب فعلا الاودي دي عربيه مالهاش حل في النضافه والجمال والأهم الأعطال يعني في مره الاودي اتجننت وعطفت على فولكس فاجن واديتها عربيه اودي تخليها فولكس فاجن فكانت الباسات b5 احسن ما أنتجت فولكس من عربيه قليله الأعطال إلى تصميم عفشه رائع ولما حبت فولكس فاجن تغير الكلام ده طلعلنا الفتيس ال dsg بمشاكله واللي اكتشفته من شويه أن الاودي وبالأخص ال A4 وانت طالع مش معترفين بالفتيس ال dsg ده ومش بيحطوه في عربياتهم وشغالين بفتيس cvt اسمه multitronic cvt وطبعا فتايس ال cvt مابتعطلش وفعلا ده الفرق بين الاودي في خوفها على سمعتها وبين فولكس اللي بتسترخص في عربياتها وعلى فكره الاودي a4 حتى وقتنا هذا لسه شغاله بتصميم العفشه بتاعها من 95 إلى الآن اللي هوا four-link أمامي واللي فولكس بطلت تعمله وبقت بتسترخص وتعمل حاجه عاديه علشان تبيع واللي لو كانت الفولكس فاجن خلت موديلات الباسات نسخه من الاودي a4 كانت الباسات دي هتعدي لبعيد اوى بس نعمل ايه فى سياسه الشركه واعذروني بس من غيظي من فولكس فاجن اللي الناس بقت بتخاف منها دلوقتي على الرغم من أنهم بيمتلكوا شركه زي الاودي بتجيب من الاخر مش بتلف حوالين نفسها واعذروني على الاطاله

[Ahmed Saad]

معلش للتوضيح انا كل كلامي على الاودي a4

[pioneerahmed]

عندك حق
بس انا عليز اسال سوال
لو انا هجيب الباسات ال بي 5
اجيب انهي موتور ال 1600 ولا 1800
و لو تعرف النضيف منهم بيعمل كام تبقي خدمتنى جدا

[hossamalsadik]

أتفق معاك الأودى عربيه ممتازه

[Ahmed Saad]

عندك حق
بس انا عليز اسال سوال
لو انا هجيب الباسات ال بي 5
اجيب انهي موتور ال 1600 ولا 1800
و لو تعرف النضيف منهم بيعمل كام تبقي خدمتنى جدا

بص ياباشا انت لو هتشتتري عربيه جيبها 1600 استوك اأفضل وامشي بيها شويه وبعدين سقط انت ال 1800 وجيبه العادي مش لازم التربو هوا الفرق مابينهم 25حصان لصالح التربو عموما 1800 العادي بيطلع 125 حصان وانا لسه سأل عليه في الحرفيين الاسبوع اللي فات الموتور كامل بالضفيره والكنترول من غير فتيس ب 4500 ج من محل اسمه علام في شارع المرسيدس والموتور كان ماشاء الله شكله جديد وعموما لو نويت أو عاوز تسأل على أي حاجه انا تحت أمرك وفي موضوع للرابطة بتاعت الباسات موجود لو عايز تعرف كل حاجه عن العربيه وانا معاك برضه إن شاء الله

[ARKOON]

i love Audi :)

[pioneerahmed]

بص ياباشا انت لو هتشتتري عربيه جيبها 1600 استوك اأفضل وامشي بيها شويه وبعدين سقط انت ال 1800 وجيبه العادي مش لازم التربو هوا الفرق مابينهم 25حصان لصالح التربو عموما 1800 العادي بيطلع 125 حصان وانا لسه سأل عليه في الحرفيين الاسبوع اللي فات الموتور كامل بالضفيره والكنترول من غير فتيس ب 4500 ج من محل اسمه علام في شارع المرسيدس والموتور كان ماشاء الله شكله جديد وعموما لو نويت أو عاوز تسأل على أي حاجه انا تحت أمرك وفي موضوع للرابطة بتاعت الباسات موجود لو عايز تعرف كل حاجه عن العربيه وانا معاك برضه إن شاء الله

الف شكر يا كبير بس انت مقولتليش بردو تعمل كام

و انت شخصيا بتفضلها اكتر و لا ال اودي ابة 4
انا عارف انهم عربية واحدة بس الفرق في السعر لصالح مين و الاوبشنز و انتشار قطع الغيار و التقفيل

عشان انا بفكر جديا ابيع السيفيك و اجيب واحدة

[Ahmed Saad]

الف شكر يا كبير بس انت مقولتليش بردو تعمل كام

و انت شخصيا بتفضلها اكتر و لا ال اودي ابة 4
انا عارف انهم عربية واحدة بس الفرق في السعر لصالح مين و الاوبشنز و انتشار قطع الغيار و التقفيل

عشان انا بفكر جديا ابيع السيفيك و اجيب واحدة

بص ياباشا انا طبعا بفضل الاودي بس مش هتلاقيها خالص اللي هتلاقيه الباسات بس برضه هتلف شويه لأن اللي معاه العربيات دي مش بيبعها بسهوله بس عموما دور على ال b5.5 ودي الفيس ليفت بتاعت ال5 وهتلاقيها موديل من 2001-2005 انا قولتلك دي علشان تعلى شويه بالموديل وعموما اتخن عربيه 5.5 ماتعديش ال 85000ج دي لو مافهاش غلطه اما ال5 اكتر سعر ممكن تلاقيه فيها 78000 وده لموديل 2000 وبرضه حاجه مفيهاش غلطه طبعا الاودي هتلاقى كل اللى معروض موديلات التسعينات لغاية 99 وبعد كده فجوه من الزمن مفيهاش أودي وبعد كده تلاقي ال 2006 وانت طالع بس الباسات أفضل من ناحية أن اكسسواراتها و صاجها موجود كتير نظرا لانتشارها عن الاودي وطبعا باقي القطع الغيار زي بعض بالمسمار بس بقى نصيحتي لو معاك لغاية 125000 دور على أودي a4 موديل 2006-2008 العربيه دي وهم وشكلها رهيب وقطع غيارها زي اللي قبلهم بالظبط وشفت ليها كام نص كده في الحرفيين بس طبعا كلا من الباسات والاودي مالهومش سوق في البيع والشراء وربنا يوفقك للاصلح وأي استفسار انا في الخدمه

[Ahmed Saad]

معلش نسيت اقولك أن تقفيل الاودي احسن من الباسات في موضوع التابلوه بالذات غير كده تقفيل الاتنين واحد وعزلهم فوق الممتاز وطبعا نسيت اقولك أن فراملهم مش هتتعمل تاني من قوتها

[akrumcs]

ولما حبت فولكس فاجن تغير الكلام ده طلعلنا الفتيس ال dsg بمشاكله واللي اكتشفته من شويه أن الاودي وبالأخص ال A4 وانت طالع مش معترفين بالفتيس ال dsg ده ومش بيحطوه في عربياتهم وشغالين بفتيس cvt اسمه multitronic cvt وطبعا فتايس ال cvt مابتعطلش وفعلا ده الفرق بين الاودي في خوفها على سمعتها وبين فولكس اللي بتسترخص في عربياتها

أنا طبعا متفق معاك جدا ان لا مقارنة في الجودة بين الفولكس والأودي
بس انا ليا تعليق صغير معظم موديلات الأودي زي A5,A6, A7, A8 وطبعا الفرع الرياضي منهم RS6 ,RS7, RS5 كلهم فتايس S-Tronic اللي هوا نفس فكرة عمل ال DSG مع اختلافات طفيفه بغض النظر عن مشاكل الفتيس الي بتظهر في مصر لاكن يعتبر فتيس ناجح عالميا وفولكس فاجن جروب بتستخدمه في عربيات كتير جدا من ضمن مجموعتها في الفولكس والاودي والسكودا والسيات والبوجاتي واللامبورجيني

[bona rag]

انا بحب الأودي و انشأ الله هشتري واحده في حياتي و انا بفضلها علي المرسيدس بس عايز اقولك ان أودي تابعه لشركه فولكس و معلومه تاني الأودي في بلاد بره في منها بتزل dsg مع واحد قريبي في ايرلاندا و عمره ما اشتكي منها و بالعكس لما بيجي بيستغرب اذاي في عيب عندنا في مصر , بس انا بفصره بكلمه واحده ان احنا توكيل زباله

[S O P H O S]

شركة محترمة بتفضل تحل مش تستمر عالمشاكل

[ahmzd]

فعلا الفولكس بقالها كام سنة بتسترخص في كل حاجة، من أول التصميم الخارجي أو الداخلي، مرورا بالفتيس اللي برغم كل مشاكله مصرّين عليه، وانتهاء بالخامات التي تزداد رداءة مع الوقت .. والله أعلم.

[alzelafy]

العربيه الوحيدة اللى ادتنى ثقه فى نفسى على الطريق و ثقه فى الاعطال و متعه فى القيادة بعد ان فقدت كل ذلك على مر السنين الماضيه فى السيارات المستعمله و منها الالمانى ايضا ............. و فعلا التفريط فى هذة السيارة قرار مش سهل لان بثمنها هتجيب لانوس 2 او فيرنا او نوبيرا