عايز نصيحة من أهل الخبرة :d

[Ahmed.Samir]

فى البداية كده .. أزيكم يا جماعة أن شاء الله تكونوا بخير

أنا أحمد عندى 19 سنة وكانت أول بداية ليا مع العربيات هوندا سيفيك 94 بالرغم من أنى مجنون بالألمانى و بالذات volkswagen المهم الحمد لله نويت أغير و بابيع الهوندا دلوقتى عشان أحقق حلمى و أجيب جيتا 2007 أو 2008 بس الفرخة مبتكملش و بعد أما كنت متعلق بالجيتا أوى صحابى خوفونى و ألى يقول عربية تقيلة و الى يقول مينفعش تركب هوندا بعد كدا جيتا و مش هتريحك وقفلونى منها خالص :D ..... أنتم بقى أيه رأيكم عشان انا بقيت محتار فشخ :/

[Ahmed.Samir]

و بالمناسبة يا جماعه عايز اتأكد من اسعار جيتا 2006 , 2007 , 2008 ؟
و ليه دايما جيتا 2006 عددها قوليل أوى فى كل حته -_- ؟؟

[Mido Casper]

الجيتا تحفه طبعا قطع غيارها زي الالماني علطول غاليه بس بتجمع بسرعه وثبات ورفاهيه كل حاجة تحفه
الهوندا ال94 ليها عاشقين لدرجه انهم مش بيشوفوا غيرها لدرجه ان لو جاتله فلوس ممكن تخليه يجيب عربيه غيرها بيدفع تمن عربيه تظبيط في السيفيك خصوصا .. بس الجيتا مفهاش كلام اجمد اكييد ..فرق العدادات دي معرفهاش عشان مفتييش فيها وربنا معاك ويكتبلك اللي فيه الخير ان شاء الله ^_^

[Ahmed.Samir]

الجيتا تحفه طبعا قطع غيارها زي الالماني علطول غاليه بس بتجمع بسرعه وثبات ورفاهيه كل حاجة تحفه
الهوندا ال94 ليها عاشقين لدرجه انهم مش بيشوفوا غيرها لدرجه ان لو جاتله فلوس ممكن تخليه يجيب عربيه غيرها بيدفع تمن عربيه تظبيط في السيفيك خصوصا .. بس الجيتا مفهاش كلام اجمد اكييد ..فرق العدادات دي معرفهاش عشان مفتييش فيها وربنا معاك ويكتبلك اللي فيه الخير ان شاء الله ^_^

[overline]شكرا اوى ليك و أنا خلاص مقتنع بالجيتا و مش هسمع كلام حد عشان أنا ماشى بمبدأ أركب العربية ألى تحبها وتعجبك مش ألى الناس تحبها وتعجبهم .... موضوع العدد أنتا قريت غلط أنا أصدى عدد الجيتا 2006 قليل يعنى دايما ألى منتشرة وكتير 2007 و 2008 لكن ال 2006 نادر لما ألاقى حد معاه جيتا 2006[/overline]