بشم ريحة بنزين وانا ماشى - بولو98

[ijoeee]

بولو 98 وانا ماشى بشم ريحة بنزين وخصوصا لما اعلى بال rpm روحت لواحد قالى مش عارف. ممكن تكون ايه؟
شكرا





تم تعديل العنوان
م ب 3

[Moh.Sal]

الريحة دي بتظهر لما بتلف الدريكسيون يمين جامد او شمال صح ؟

او تدوس بنزين جامد ؟

انا عندي نفس المشكلة اللي ذكرتهالك وفي رجاله من المنتدي قالولي روح اكشف علي مواسير الشكمان
بس مستني اقبض اصل الحاله ناشفه :)

[ijoeee]

لما بدوس بنزين جامد فعلا بس مأخدش بالى مع الدريكسيون. يا باشا الحاله تتظبط وتعملها ان شاء الله

[mustafaezz]

كان عندى نفس المشكله كنت بشم ريحة بنزين غبية لما كنت افول العربيه
ولما كنت باخد ملفات على سرعه او مطبات كانت الريحة بتظهر وماكنتش عارف من ايه
المهم رفعت الكنبه قولت اشوف طرمبة البنزين
لقيت البنزين طالع بره والحمدلله انها ماعملتش شرارة مع الكهرباء وولعت العربيه
جريت على اقرب كهربائى قولتله فيه واحد اتنين تلاته
قالى شيل الكنبه واركب جمبى وخليك باصص على طرمبة البنزين قولتله حاضر
اول لما كان ياخد ملف على سرعه او مطبات كان البنزين بيطلع وفي الاخر قالى جوان طرمبة بنزين
روحت جبته وركبهولى والحمدلله مابقاش فيه اى حد
شوف كده الموضوع ده عندك وان شاء الله خير
ش

[exelence]

رفعت الكنبه ازاى ؟
و مين الكهربائى اللى بتتعامل معاه و هل حد قابله مشكلة نقص مياه القربة

[mustafaezz]

انا عندي الكنبة بتتشال عادي جدا
والكهربائي اللي ودتهالوا كانت اغلي عربية بيشتغل فيها كانت فيات131. :d
وبالنسبة لنقص مياه القربه احب اقولك كانت عندي المشكله دي. وكنت بحط ميه كل يومين بسبب ان الردياتير عندي رايح في داهيه

[exelence]

كانت عندك المشكلة دى ؟ يعنى دلوقتى إتحلت ؟
و عرفت منين ان السبب من الردياتير ؟

[mustafaezz]

لا ما اتحلتش لانى بعت العربية على عيبها
وعلى فكره اسالتك تنرفز الواحد
والريداتير فعلا كان عندى رايح فى داهيه اصل اللى راكب العربية مش هاوى يعنى

[exelence]

ما دام مش عاجبك الاسئلة ما تبقاش تجاوب
بعدين انت بتقول ان الرادياتير كان متهبب ولا متزفت ضايع سؤالى كان ايه علامات اللى تدل على انه بايظ
و اذا كنت انت مش هاوى احنا مبتدئين و ده مش عيب

[mustafaezz]

يا سيدى الريداتير كنت ملحمه من الجناب بايديا
ولما روحت لكذا واحد بتاع ريداتير قالى بايظ وانا من عادتى لو عندى حاجه بايظه ومش فاهمها بروح أسال كذا واحد يعنى ممكن أروح أسال عشره علشان اقدر اكرر اعمل العيب ده ولا لأ وهل فعلا هما صادقين ولا لأ
لانى اتنفخت من الصنايعيه ومش بسمع كلام واحد بس
بسأل اكتر من واحد وبعدين انا اكرر وبعدين بصلح عند واحد ماروحتلوش قبل كده بقوله اعملى كذا وكذا
وفى مره فى مره بفهم
ولازم تتنفخ من الصنايعيه الاول علشان تتعلم لان ماحدش بيتعلم ببلاش