استفسار عن جولف 6 ( 2012 ) ( الفتيس )

[kofta]

انا قدامى و احدة يا جماعة للبيع و مقلق منها من موضوع الفتيس ده ... بيتحرق حقيقى و لا اشعة و الناس بيستخدموه غلط ؟؟؟
ارجو الافادة يا جماعة لانى محتار فى شراء العربية ديه

[Mohamedjetta]

لا مش بيتحرق واكتر الكلام هجس .... جيبها واتكل علي الله واستخدم الفتيس في الزحمه علي s مود و لما تبقي الدنيا فاضيه جيب d و في الاشارات جيب n لو قلقان يبقي بلاش تشتري

[Ahmed Saad]

عربيه حلوه وفتيس إلى حد ما كويس لو عاملته معامله خاصه يعني لو مشيت بيه استبترونيك بس يعيش معاك كتير اوى وبالذات في الزحمه وتجيب n وانت واقف في زحمه غير كدا مش هيحصل حاجه إن شاء الله

[kofta]

يعنى يا شباب مقلقش من الموضوع ده ؟؟

و ليه امشى على s فى الزحمة و العادى d ؟؟؟

[Ahmed Saad]

لا في الزحمه خليها استبترونيك وامشي اول ولما تقف حطها على n وعلى فكره موضوع مشاكل ال DSG قلت اوى موديلات 2013 وإلى بعده

[Ahmed Saad]

معلش أضيف حاجه كمان نقطه نجاح وطول عمر ال dsg أن انت اللى تتحكم في نقلاته ومتخاليهوش هوا يتحكم في نفسه وان شاء الله يعيش معاك بس أهم حاجه صيانتك تكون في التوكيل لأن هما اكتر ناس فاهمين الفتيس ده من كتر مامر عليهم وربنا يكرمك بحاجه محترمة

[kofta]

طب و بالنسبة لل 2012 فيها مشاكل ولا ايه ؟؟؟؟
معلش يا جماعة بطول عليكم

[monamize4]

يعنى ايه الواحد يمشى بالعربية ف الزحمة بالستب ترونك ؟!!!!!
(استفهام مجازى عشان محدش يتفزلك و يعمل نفسه فاهم و يقعد يشرحلى )

الواحد بيشترى العربيه عشان هى تريحه و لا عشان هو اللى يريحها
الفكرة مرفوضه شكلا و موضوعا بالنسبة لواحد لسه هيشترى
عامة موضوع ال dsg اتفحت مناقشه ف المنتدى هنا و بكلام علمى محترم ,, مش كلام مصاطب

بالنسبة للعضو الفاضل صاحب الموضوع ,,
اشترى دماغك من دلوقتى و انت على البر و المخاطرة مش مستاهلة

[Ahmed Saad]

للعضو الفاضل اللي داخل يعلق للأسف كلام المصاطب اللي انت بتتهكم عليه هوا اللي بيخلي الفتيس عمره أطول واسأل ملاكها اللي معاهم وماشيين علىالمصاطب والفتيس شغال هوا دا عيب الفتيس تمشي بيه مانيوال بس هتاخد في المقابل اأداء وسرعة وعذرا على كلام المصاطب

[monamize4]

للعضو الفاضل اللي داخل يعلق للأسف كلام المصاطب اللي انت بتتهكم عليه هوا اللي بيخلي الفتيس عمره أطول واسأل ملاكها اللي معاهم وماشيين علىالمصاطب والفتيس شغال هوا دا عيب الفتيس تمشي بيه مانيوال بس هتاخد في المقابل اأداء وسرعة وعذرا على كلام المصاطب

لا ياباشا ,, واضح انك فهمتنى غلط
انا مقصدش خالص بكلامك انه كلام مصاطب
انا اقصد ان النقاش قبل كدا ف كذا موضوع كان علمى و بالادله
و شددت على جزئية انه كان علمى بانى قلت انه مكانش مجرد كلام مصاطب

مش عارف وصلك قصدى و لا لأ ,, بس انا بعتذر لحضرتك لو حصل سوء تفاهم

[Ahmed Saad]

لا ياباشا ,, واضح انك فهمتنى غلط
انا مقصدش خالص بكلامك انه كلام مصاطب
انا اقصد ان النقاش قبل كدا ف كذا موضوع كان علمى و بالادله
و شددت على جزئية انه كان علمى بانى قلت انه مكانش مجرد كلام مصاطب

مش عارف وصلك قصدى و لا لأ ,, بس انا بعتذر لحضرتك لو حصل سوء تفاهم

لا ياباشا والله حضرتك انا مزعلتش انت أخ وعضو فاضل

[hany63]

نفسي اعرف الاخوه اللي بيقولوا المشاكل قلت يجيبوا اي كلام رسمي او احصائيه دقيقه او سبب مقنع
لما يبقى الفتيس من يومه نفس التصميم حتى يومنا هذا ايه اللي يخلي المشاكل تقل هل فولكس عملت له زار فبقى فله ؟
للاسف كله كلام مرسل بتاع مبيعات فولكس و فيه ناس بتردده بحسن نيه او فعلا عن تجربه بس بحكم ربنا ساترها معاهم و انشالله دايما طبعا
للامانه الفتيس اختراع رهيب لو سكتك سالكه و فاااشل لو سكتك زحمه
وده عن تجربه ٣ فتيس فيما سبق و تجربة جميع الاصدقاء حاليا من راكبي الجيتا و الباسات
و الحقيقه ان المشاكل نقدر نقول قلت بس قلت بنسبة كام ؟ هل بنسبة ٥ في الميه و لا ٩٠ في الميه ؟ بس الاكيد انها ما زالت موجوده
و على العموم سبب قلة المشاكل راجع لقلة المبيعات و ممكن ندي مثال
بالذمه فيه حد يسيب الجيتا و يروح يجيب اوكتافيا مثلا

[M!SHO]

اشتري عربيه باكتر من 200 الف عشان اعاملها معامله خاصه

تغور حتى لو احسن عربيه في الدنيا

[Mohamedjetta]

يعنى ايه الواحد يمشى بالعربية ف الزحمة بالستب ترونك ؟!!!!!
(استفهام مجازى عشان محدش يتفزلك و يعمل نفسه فاهم و يقعد يشرحلى )

الواحد بيشترى العربيه عشان هى تريحه و لا عشان هو اللى يريحها
الفكرة مرفوضه شكلا و موضوعا بالنسبة لواحد لسه هيشترى
عامة موضوع ال dsg اتفحت مناقشه ف المنتدى هنا و بكلام علمى محترم ,, مش كلام مصاطب

بالنسبة للعضو الفاضل صاحب الموضوع ,,
اشترى دماغك من دلوقتى و انت على البر و المخاطرة مش مستاهلة

انا بسوق الجيتا علي s مود وبيأخر النقلات جدا

[Mohamedjetta]

اشتري عربيه باكتر من 200 الف عشان اعاملها معامله خاصه

تغور حتى لو احسن عربيه في الدنيا

سوقها اتوماتيك عادي علي s مود :)