اشتريت بيتل 81 ومحتاج مساعده ضرورى

[A.rahman]

ازيكم يا جماعه
انا عضو جديد معاكم هنا
الحمد لله جبت عربيه فولكس بيتل 81 برازيلى بس للاسف فيها شويه مشاكل محتاج مساعدتكم فيها
اول ما اشتريتها كان الموتور بيطلع دخان كتير اوووى فوديتها لمكيانيكى فى مصر القديمه
قوالى عاوزه طقم شمبر وقال هتكلف 700جنيه فقلتله يعمله عادى
ولما عمله فتح الراس لقى فى صبابات مكسوره على حسب كلامه وقالى هيعملهوملى ب350 جنيه فرحت عامله برده شويه وراح قالى الشكمان محتاج يتلحم ولحمهولى ب70 جنيه لان برده على حسب كلامه انه كان محتاج لحامات كتير
دلوقت انا بس عاوز اعرف هل الاسعار اللى هو قالها دى منطقيه ولا لا ؟؟
وحاجه كمان العربيه عاوزه سمكره ودوكو محترمين فكنت عاوز حد يدلنى على سمكرى وبتاع دهان محترمين قريبين من فيصل لانى ساكن هناك ولو عاوز اعمل العربيه سمكره ودوكو كامله من الاول للاخر يعنى شده بريمو تتكلف معايا كام ؟؟؟
ويبقي جزاكم الله خير عنى وشكرا مقدما

[A.rahman]

هو ليه مفيش حد بيرد
الناس بتشوف ومش بتعلق



ممنوع إستخدام اللون الأحمر حيث أنه مخصص للمداخلات الإدارية
م ب 3

[Abo_Mazen]

بص ...هو يمكن ردي هيكون بعيد عن سؤالك شويه ..بس هو إنت إشتريتها بكام ..عشان إشتريتها بكام هيحدد المبالغ اللي إتدفعت فيها دي كويسه ولا لأ

[wella3330]

اول نصيحة اقدر اقولهالك : غير الميكانيكي !

[A.rahman]

اولا شكرا على ردودكم
بس واضح من ردودكم انه فعلا غالى
وانا فعلا غيرته بس محتاج اعرف بقى موضوع الدهان والسمكره ده ولو عاوز اغير لون العربيه اعمل ايه واروح لمين وهدفع كام؟؟

[A.rahman]

وانا اشتريت العربيه اصلا ب6000 وعارف ان لسه هصرف عليهابس انا دى اول عربيه ليا ومش فاهم فيها اى حاجه
فاعوز مساعدتكم فعلا

[wella3330]

انزل شارع الاربعين في حسر السويس و هناك كله موجود (قطع غيار جديد واستيراد و سمكرة و دهان و ميكانيكا)

او ممكن حد من الاعضاء يدلك علي صنايعية كويسة في الهرم تكون قريبة منك

[wella3330]

دي مشاركة من منتدي خاص للبيتلز اتمني تفيدك :

استاذة غادة اهلا بيكي بين محبي البيتلز في منتدانا الجميل ده

انا ساكن في فيصل عند الطالبية وجايب عربيتي من سنة ونصيحتي ليكي

 ابعدى كل البعد عن ميكانيكية فيصل والهرم اللى بيشتغلوا في المايكروباصات لانهم لصوص

في ميكانيكي عرفته ظبطلي كهرباء الموتور والكاربراتير وصلحلي عداد السرعة وظبطلي الفرامل واخد 20 جنيه بس وشغله تمام جدا

اسم الورشة  ورشة الحاج رامي
هو في بين السرايات عند كوبري ثروت 

يعنى بعد ما تعدى كوبري فيصل وتمشي شوية لكوبري ثروت
تدخلي يمين جنب الجامعة تعدى باب تجارة وتاخدى اول يو تيرن شمال وترجعى ناحية كوبري ثروت تانى

تمشي شوية هتلاقي شارع المرور على يمينك متدخليش فيه ادخلي في الشارع الواسع اللي بعده على ناصيته قهوة وجراج
امشي شوية هتلاقيه على يمينك امام مبني الحي وجنبه ورشة ظبط زوايا
هتعرفيه بسهولة لانه عنده عربيات بيتلز كتير

[A.rahman]

دي مشاركة من منتدي خاص للبيتلز اتمني تفيدك :

استاذة غادة اهلا بيكي بين محبي البيتلز في منتدانا الجميل ده

انا ساكن في فيصل عند الطالبية وجايب عربيتي من سنة ونصيحتي ليكي

 ابعدى كل البعد عن ميكانيكية فيصل والهرم اللى بيشتغلوا في المايكروباصات لانهم لصوص

في ميكانيكي عرفته ظبطلي كهرباء الموتور والكاربراتير وصلحلي عداد السرعة وظبطلي الفرامل واخد 20 جنيه بس وشغله تمام جدا

اسم الورشة  ورشة الحاج رامي
هو في بين السرايات عند كوبري ثروت 

يعنى بعد ما تعدى كوبري فيصل وتمشي شوية لكوبري ثروت
تدخلي يمين جنب الجامعة تعدى باب تجارة وتاخدى اول يو تيرن شمال وترجعى ناحية كوبري ثروت تانى

تمشي شوية هتلاقي شارع المرور على يمينك متدخليش فيه ادخلي في الشارع الواسع اللي بعده على ناصيته قهوة وجراج
امشي شوية هتلاقيه على يمينك امام مبني الحي وجنبه ورشة ظبط زوايا
هتعرفيه بسهولة لانه عنده عربيات بيتلز كتير

شكرا جزيلا ليك بجد
انا عارف فعلا الميكانيكى ده لان انا اصلا من بين السريات :) :)

[A.rahman]

طيب معلش لو فيها رخامه شويه باالنسبه للسمكرى وبتاع الدهان ايه موقفهم؟؟؟؟؟