قدامي جيتا 2007 أمريكي و متردد

[Abd El Latif]

مساء الخير يا شباب

أنا قدامي دلوقتي عربية جينا 2007 أمريكي راشة برا كامل

و الراجل بيقولي 1600 سي سي مع إني دخلت شفت موديلات 2007 الأمريكي لقيت أقل واحدة

2000 سي سي .. فهل هو صح ولا أنا صح ؟؟

العربية معروضة عليا بـ 98 ألف

بيقولي هاي لاين ما عدا فتحة السقف لكن فيها أوبشن زيادة علشان أمريكي زي الكراسي الكهربا و خلافه

أي نصايح توجهوها ليا

أنا هأنزل أشوفها النهاردة بالليل

[Mohamedjetta]

انا رأيي بلاش منها العربيه دي و ثانيا العربيه دي مخصصه لاجواء امريكا مش هتنفع لاجواء مصر
الافضل انك تجيب خليجي او مصري وبلاش العربيه دي
انا كنت شايف جيتا هاي لاين 2009 ب 115 الف يعني العربيه اللي حضرتك رايح تشتريها مش رخيصه تعتبر

[Ahmed Saad]

مساء الخير يا شباب

أنا قدامي دلوقتي عربية جينا 2007 أمريكي راشة برا كامل

و الراجل بيقولي 1600 سي سي مع إني دخلت شفت موديلات 2007 الأمريكي لقيت أقل واحدة

2000 سي سي .. فهل هو صح ولا أنا صح ؟؟

العربية معروضة عليا بـ 98 ألف

بيقولي هاي لاين ما عدا فتحة السقف لكن فيها أوبشن زيادة علشان أمريكي زي الكراسي الكهربا و خلافه

أي نصايح توجهوها ليا

أنا هأنزل أشوفها النهاردة بالليل

بص ياباشا اللي أعرفه أن الأمريكي أقل حاجه بتنزل هناك 1.8 tsi و2000fsi و2.5 خمسه سلندر لاكن مش بتنزل 1.6 هناك خالص ده غير اني شفت 2 جيتا أمريكي واحده على النت وواحده مع اخو زميلي في الشغل والاتنين كانوا 2.5 خمسه سلندر وفتيسهم DSG 6 نقلات وده مافيهوش مشكله زي ال 7نقلات بس المهم اأن عربيه اخو صاحبي كان جايبها من سفاره يعني مش نازله مصر توكيل ده غير انه باعها لأن قطع غيارها مش موجوده في مصر الموتور وحاجاته عموما العربيه لو 1600 موتورها معروف عند الميكانيكيه وبتلاقي الفبره الليفوق الموتور اأو الغطا الفبر مكتوب عليه 1.6 ولو 2000 هتلاقى مكتوب 2.0 fsi ومن رأيي اطلع بيها على متخصص فولكس واكشف عليها كويس لأن سعرها قليل شويه على جيتا فاكشف عليها كويس وأبقى طمنا عملت ايه وربنا يوفقك للاصلح

[bob12345]

اكشف كويس عليها لانها غالبا كده عاملة حادثة جامدة و مفضي فيها جيتا امريكي

[Mohamedjetta]

اكشف كويس عليها لانها غالبا كده عاملة حادثة جامدة و مفضي فيها جيتا امريكي

فعلا
ع فكره فيه في الخليج عربيات بتكون وراد امريكي و 99% حوادث وبتكون ملحومه و الاف من العمانين والامارتيين بيلبسو وبيتفأجو ان العربيه ملحومه

[Abd El Latif]

العربية طلعت فابريكا جوا و راشة برا كامل

و ما طلعتش هاي لاين ولا حاجة .. دي بيز لاين خالص

بس كرسي السواق ضهره كهربا بس .. و ما كيفنيش يعني .. بطئ أوي

و طلعت مكنة 1600 .. بس عموماً العربية ما عجبتنيش

صاحبها مهملها

يعني كانت تخلص على 94 كمان

و هي مقابل سعرها على حالتها دي ممتازة للي عاوز يجيب واحدة و يشدها

بس أنا ملييش في وجع الدماغ ده