الحمد لله نجاني الله من حادث موت بفولكس جيتا

[manlook1]

بسم الله الرحمن الرحيم


ياجماعه الواحد ربنا فضلة كبير والله نجيت من موت محقق

ولولا ان العربية دي فعلا امانها عالي وعضمها قوي جدا بعد فضل الله ونعمته عليه كنت موت


بس ياريت اعرف اسعار الكبوت كام استيراد او حتي بالتوكيل .... وسعر رفرف شمال ... والشبكة الي في الاكصدام النيكل بكام وفين الاماكن الي ممكن اجيب منها

[blazer]

الف سلامه عليك و الحمد لله انك بخير
اشترى لقطع الخارجيه بنفس لون العربيه استيراد وانزل اسال عند كذا واحد فى الحرفيين او اى مكان فيه قطع فولكس انصاص

[john55]

الحمد لله فداك اي شئ

[hesham fawzy h]

حمدا لله على سلامتك

[manlook1]

الله يسلمكم جميعا ربنا كبير

[bougee]

مليون سلامة على حضرتك ولا تنسى أبدآ أنه :
صنائع المعروف تقي مصارع السوء

ربنا يجعلك دائمآ من صانعي المعروف ... وأن يقيك مصارع السوء .. وأن يطيل في عمرك ويحسن في عملك
حمد الله على سلامتك مرة أخرى وربنا يخلف عليك عن قريب بإذن الله

[the_master848]

ألف سلامة وان شاء الله آخر مرة تحصل

[J A G U A R]

الف سلامه على حضرتك
شوف اللى عاوزه استيراد من الحرفيين

[speed_magnum]

الف حمدالله على سلامتك

[Mohamedjetta]

الف سلامه عليك
والشبكه النيكل انا سمعت انها غاليه فممكن حضرتك تجيب شبكه الجولف gti شكلها احلي

[TeMoON]

الف حمد لله على سلامتك والحمد لله انك خرجت منها بخير وفداك 1000 عربية وربنا يعوضك عنها خير

[m07mad]

الف سلامه عليك اهم حاجه انت تمام فدااك العربيه ،،، ربنا يكفيك شر العين

[mohamedmmm2]

الف سلامه عليك الاول .. نصيحه روح الوكاله الاول لان اسعارها احن شويه.. دور هناك الاول ولو مالقيتش ابقى روح الحرفيين فى السلام وفاصل كتير ولف كتير واعرف الاسعار الاول ولف كتير وشوف وكمان روح باسوا لبس عندك والبس شبشب ماتعملش فيها برنس وانت رايح وان شاء الله ربنا يوفقك فى اللى انت هاتجيبه.. هى كل حاجاتها موجودة بصفه عامه.. ولو جديد فيه محل الصفا فى التوفيقيه قدام سنترال رمسيس اسال على الاسعار عندة الاول واطلع على الوكاله وقارن الاسعار واتاكد ان الحاجه كويسه لان اغلبهم نصابين

[manlook1]

الحمد لله الف شكر لحضراتكم


انا جبت الشبكة النيكل الي قدام في الاكصدام جديدة ب 1100 من المنصورة عندنا

وهنزل اجيب الكبوت والرفرف استيراد بقي من الحرفين

[Mohamedjetta]

الف سلامه عليك الاول .. نصيحه روح الوكاله الاول لان اسعارها احن شويه.. دور هناك الاول ولو مالقيتش ابقى روح الحرفيين فى السلام وفاصل كتير ولف كتير واعرف الاسعار الاول ولف كتير وشوف وكمان روح باسوا لبس عندك والبس شبشب ماتعملش فيها برنس وانت رايح وان شاء الله ربنا يوفقك فى اللى انت هاتجيبه.. هى كل حاجاتها موجودة بصفه عامه.. ولو جديد فيه محل الصفا فى التوفيقيه قدام سنترال رمسيس اسال على الاسعار عندة الاول واطلع على الوكاله وقارن الاسعار واتاكد ان الحاجه كويسه لان اغلبهم نصابين

وربنا انت عسل وكلامك صح
مره كنت رايح اشتري حاجه لعربيتي الالنترا وطبعا كنت نازل بطقم نضيف .. المهم اتفاجئت انهم بيدوني اسعار عاليه التجار رحت باعتلهم ميكانيكي اعرفه وجبلي القطعه دي بنص التمن