بوينتر 2006

[MOHAMED MOUSA]

السلام عليكم ..
معروض عليا عربيه بوينتر موديل 2005 .. ب 52000 فابكريه وحالتها كويسه
المشكله اني عمري ما ركبتها ولا حتي كنت اعرف حد راكبها .. .. ..
في حد يحب ينصحني بأي نصيحه ..؟؟؟؟
وياريت لو حد يكلمني عن قطع الغيار والصيانه ... ؟؟؟؟
مشكورين مقدما ..

[eng.salama93]

اولا سعرها غالي جدااااا
ثانيا قطع الغيار غاليه ف الجديد و اسعار تجنن ف الإستيراد
واحد صاحبي معاه العربية دي و انا اللي بسوقها عشان هو لسه بيتعلم
العربية حلوه جدا و جراية بالمكنة ال 1600 بس مش اي ميكانيكي يعرف يشتغل ف العربية دي لأن نظامها غريب شوية
تخيل رحنا نشتري 4 رشاشات من عند واحد ف الحرفيين شغال ف البوينتر بس يقوم يقولنا ب 1000 جنيه :d ف 4 رشاشات استيراد
جبنا بتوع رينو كليو 1400 ب 400 جنيه بس مش حاسس انهم مظبوطين ع العربية اوي
نصيحة لوجه الله ابعد عنها
انا من كام سنة كنت هجيبها ايام ما كانت بتتباع مستعمله ب 32 لحد 35 و مكنتش بسمع كلام الناس اللي بتقولي ابعد عنها
بس لما اتقرصت بنفسي صدقت .. خلي بالك قطع الغيار مش بس غاليه لأ دي نادرة
و بالمناسبة قواعد الموتور الواحده ب 90 جنيه من التوفيقيه صناعه برازيلي زي العربية ما هي برازيلي