العربية هتجننى وهتجنن مركز الصيانة حاجة غريبة

[body]

السلام عليكم ورحمه الله وبركاته


عندى مشكلة فالعربية جيتا 2010

لما بعدى مطب او بيكون الطريق مكسر وامشى على الهادى اسمع صوت طقة من الخلف علما انى لما بمشى بالعربية على طريق مافيش اى اصوات

روحت مركز الصيانة وكشفو على العفشة وتم تربيط العفشة والعفشة سليمة الحمدلله ولاكن مافيش اى فايدة الصوت مازال موجود
انا هتجنن ومركز الصيانة هيتجنن بجد صوت طقة مزعجة كرهنى فالعربية وبقرر ابيعها لانى هتجنن

[ahmedelrayan]

ده بيطلع فى الاخر حاجة تافهة جدا روح لعفشجى تانى وتالت لحد ما واحد يتوصل للمشكلة

[body]

روحت لاكتر من مركز صيانة لمحمد سمير وهانى عصمت وروحت لعفشجى كلهم قالو العفشة سليمة ومافيهاش حاجة

معأنى انا هتجنن بجد

الغريبة ان العربية الطقة مش مأثرة عليها فى اى حاجة فالمشى ولا اى شئ انا همووت واعرف صوت الطقة دة من اية

[moshakes]

والله أنا عندي نفس المشكلة في الأونو
مع التحرك من الثبات أو مع الغيار الأول بعد المطبات اسمع صوت طقة تحت الكرسي تقريباً
لكن المطب نفسه ما بتعملش صوت
وكذلك مع التحرك والجري لا يوجد أي صوت

رحت عبد بتاع العفشة وركبته جنبي وسمعها
نزل ربط العفشة
الطقة هديت شوية لكن تاني يوم رجعت تاني
لو عرفت الصوت منين قوللي

[body]

والله أنا عندي نفس المشكلة في الأونو
مع التحرك من الثبات أو مع الغيار الأول بعد المطبات اسمع صوت طقة تحت الكرسي تقريباً
لكن المطب نفسه ما بتعملش صوت
وكذلك مع التحرك والجري لا يوجد أي صوت

رحت عبد بتاع العفشة وركبته جنبي وسمعها
نزل ربط العفشة
الطقة هديت شوية لكن تاني يوم رجعت تاني
لو عرفت الصوت منين قوللي

الله ينور عليك نفس اللى عندى بالظبط جداااااااااااااا هو دة اللى بيحصل

اموووووووت واعرف اية دة يكون فية عفريت مثلا عايز يجننا فالعربية حاجة تجنن صحيح

[Mohamedjetta]

الله ينور عليك نفس اللى عندى بالظبط جداااااااااااااا هو دة اللى بيحصل

اموووووووت واعرف اية دة يكون فية عفريت مثلا عايز يجننا فالعربية حاجة تجنن صحيح

بالنسبه لعفاريت.. فاحنا عندنا الجيتا برضو فيها صوت طقه من سرعه 20-80 و راحت التوكيل ومحدش عارف ايه اللي فيها والمصيبه انها مش بتظهر الا كل فين وفين

[Abo_Mazen]

أنا كان عندي في العربيه 128 صوت ورقه سلوفان بتتكرمش ناحيه الكرسي اليمين ..أيوه ..صوت فعلا ورقه سلوفان بتتركمش ..وأنا ماشي على طريق مش مستوي ..رحت لسمكري..رحت لعفشجي ..رحت لسروجي ..لإن الصوت كان جاي من جوه الصالون ..وكل واحد من التخصصات دي يبص وفي الآخر يقولي روح للتخصص التاني ..يعني السمكري يبعتني لسروجي والسروجي يبعتني لعفشجي ..لغاية ما بعتها ..ولغاية ما بعتها محدش كان عارف إيه ده ..ولا أنا نفسي

معايا بقى في السوزوكي ألتو اللي معايا حاليا ..بعد ما بنزل من على مطب بسمع ورا صوت حاجه بتلؤ..بس لما بغسل وبشحم الصوت بيروح ..مع إن العفشجي قالي العفشه مفيهاش حاجه ..بس أديني متعايش معاه

[shiko85]

وعليكم السلام ورحمة الله وبركاته
اخويا كان عند نفس المشكله بالظبط و طبعا كل الناس بتقول العفشه سليمه و مفيش حاجه خالص لدرجه انه كان هيتجنن فعلا
و كان ناقص يسأل الناس اللى فالشارع على الصوت
المهم بعد معناه راح لميكانيكى نعرفه و خلاه يشوف الصوت من ايه و طبعا ملقاش حاجه بس الميكانيكى كان انصح من الباقيين نزل تحت العربيه و شغل الكمبريسور و نظف المساعدين و حول المساعدين بالهواء و طلع فيه زلطه صغيره محشوره بين المساعد و السوسته او حاجه زى كده مش فاكر بالظبط (مستخبيه بالطين اللى بيكون تحت العربيه عند العجل و المساعدين و مش باينه خالص) هى اللى بتعمل الصوت ده كل ما السوسته او المساعد يتحركوا
جرب كده يا باشا و ان شاء الله المشكله تتحل

[hamo81]

وعليكم السلام ورحمة الله وبركاته
اخويا كان عند نفس المشكله بالظبط و طبعا كل الناس بتقول العفشه سليمه و مفيش حاجه خالص لدرجه انه كان هيتجنن فعلا
و كان ناقص يسأل الناس اللى فالشارع على الصوت
المهم بعد معناه راح لميكانيكى نعرفه و خلاه يشوف الصوت من ايه و طبعا ملقاش حاجه بس الميكانيكى كان انصح من الباقيين نزل تحت العربيه و شغل الكمبريسور و نظف المساعدين و حول المساعدين بالهواء و طلع فيه زلطه صغيره محشوره بين المساعد و السوسته او حاجه زى كده مش فاكر بالظبط (مستخبيه بالطين اللى بيكون تحت العربيه عند العجل و المساعدين و مش باينه خالص) هى اللى بتعمل الصوت ده كل ما السوسته او المساعد يتحركوا
جرب كده يا باشا و ان شاء الله المشكله تتحل

وأنا بضم صوتي لصوت الزميل
غالبا في زلطة صغيرة محشورة في السوسته هي إلي بتعمل الصوت ده

[moshakes]

انا غيرت المقصين وجبت 2 استيراد ومشكلة (الطقة)راحت تقريباً
المقصين المخلوعين بايظين والبيض فى الضياع
والأخت اللي اشتريت منها العربية كانت عاملة 4 لحامات فى الفردة الشمال

[mostafa3000]

انا كان عندي نفس الصوت في الاوكتافيا
وطلع في الاخر السوستة الخلفية اخر جزء فيها مكسور

[tonyadel44]

6 اكتوبر

باشا تشرف فى المركز وهتتحل انشاء اللة واسعار خاصة للاعضاء
مركز خدمة كيرو

https://www.facebook.com/KiroCarEgypt?ref=stream

[salahudin solt]

ساعات بتبقي في حاجة في شنطة العربية كوريك مش متثبت مفك بيخبط في حاجة او زلطة في مكان ما

[body]

اولا شكرا ليكم ياجماعة وتم حل المشكلة بواسطة المهندس محمد سمير

[salahudin solt]

اولا شكرا ليكم ياجماعة وتم حل المشكلة بواسطة المهندس محمد سمير

طيب فيد الناس وقولهم اية الحل