محتاج استشارة اهل الخبرة

[linuxsmile]

انا محتار اشترى بولو 95 و 96 1300 cc ولا بولو 98 و 99 1000 cc
و هل 1000 cc كفاية مع التكييف و السحب مع العلم انى بسافر كتير
و ممكن اعرف حدود اسعار كل موديل
شكرا مقدما لكل محبى الفولكس

[XLANS]

نصيحة لو بتكييف متفكرش تجيب 1000 سى سى علشان ماتكرهش نفسك من السحب

هات 1300أنا معايا واحدة 96 وتعملها فى رنج 36000 الى 39000 تقريبا

وأرحم من ال 1000 بمراحل وسعرها تقريبا من 39000 الى 43000 حسب الحالة

أو لو لقيت واحدة بموتور 1600 يبقى أفضل

[linuxsmile]

هو فى بولو 1600

شكرا على الرد يا باشا
لكن هو فى بولو 1600 cc

[XLANS]

شكرا على الرد يا باشا
لكن هو فى بولو 1600 cc

مفيش بولو نازلة 1600 فى مصر....بس بيكون راكبلها.

بس اتأكد ان اللى مركب معدل ومغير الفرامل والعفشة علشان تريح دماغك.

وممكن يكون الموتور مثبوت على الرخصة أقل علشان الضريبة والجمارك

[shady_elkady]

لو الله هى 1000 موفرة فى البنزين بطرقة غريبة لو انت مش هتسافر كتير بيها و مش هتركب حمولة كتير خليك فى 1300

[XLANS]

لو الله هى 1000 موفرة فى البنزين بطرقة غريبة لو انت مش هتسافر كتير بيها و مش هتركب حمولة كتير خليك فى 1300

ياباشا محدش قال حاجة موفرة جداااااااا كمان وبتسحب

بس جرب كدة شغل التكيف هتلاقيها بقت سحلفة...ودة عن تجربة

[linuxsmile]

شكرا لجميع الرودود
وللكن بجد ان محتار اجيب 1300ccقديم ولا 1000cc لكن موديل احدث

[XLANS]

شكرا لجميع الرودود
وللكن بجد ان محتار اجيب 1300ccقديم ولا 1000cc لكن موديل احدث

خلى بالك علشان موتور ال 1000 مصنوع من مادة الألتامونيا وبيبوز بسرعة

ومش بيعمر لكن ال 1300 مصنوع من مادة الزهر و اسأل اى ميكانيكى جولف

هيقولك كدة....وال 1000 لازم تحطلوة مياه حمراء علشان الألتامونيا بتصدى.

ودة كلام ناس خبيرة فى الجولف و من التوكيل نفسة مش كلامى انا.

وعلشان أكون دقيق معاك فية نوعين من الموتور دة

1000 سى سى ودة الموجود فى عربيات البولو اللى فى مصر (ألتامونيا)

وفية 1005 سى سى وفيه ناس بتقول عليه 1050 بس هوه 1005 ونادر جدا ودة بيجى من برة ( زهر) زى ال 1300 و1600 وممتاز

طبعا دة بيتعرف من الكنترول يونت بتاعة بيكون علية حرف A أو AC

و كنترول ال 1300 بيكون aj

وبيتعرف بردة من بداية سيريال رقم الموتور بس لازم حد يكون فاهم

وبيتقرى مع اى حد معاة جهاز الكشف بتاع العربية

[iBiZa]

خلى بالك علشان موتور ال 1000 مصنوع من مادة الألتامونيا وبيبوز بسرعة

مع احترامى طبعا لكل الاراء و كل بتوع التوكيل غير التوكيل.

يعنى اية بيبوظ بسرعة ؟؟

وال 1000 لازم تحطلوة مياه حمراء علشان الألتامونيا بتصدى.

و اية المشكلة فى المياة الحمراء ؟؟ ما كل الVW الجديد بيحطها و انا بحطها فى عربيتى.