محتاج رائيكم ضروري في جيتا 2009

[mrmarie]

السلام عليكم

كان معايا سيفيك 2007 و بعتها من فتره وبقالي فتره ماشي بعربيت اخويا لغايه ما ربنا يكرمني ب عربيه كويسه. في انا قدامي جيتا 2009 هاي لاين فربيكه بالكامل و عداد 55000 كيلو و مطلوب 153000 جنيه.
اولا محتاج اعرف السعر ده كويس عليها؟
ثانيا ايه رائيكم في العريه دي عشان كنت بفكر برضوا اجيب لانسر شارك زيرو بنفس سعرها.

ياريت تفدوني ضروري

شكرا

[TeMoON]

انا هقول لحضرتك حاجة انا عربيتى هاى لاين 2010 هى هى نفس 2009 الفتيس القديم والعربية مرشوشة حزام وماشية 98000 كم وسعرها فى السوق بيتكلم من 130 ل 140 فا شوف انت حضرتك العربية وحاول تنزل فيها اى حاجة بس هى لو نضيفة ومتصانة مش هتتعبك بس فى نقطة لازم تعرفها
على 60000 كم هتغير زيت فتيس فى حدود 1500 ل 2000 جنية
على 60000 هتغير السيور وطقم بوجيهات وفلاتر ونصيحة عن تجربة
كل 20000 كم غير الفلاتر كلها والبوجيهات عشان العربية ماتبئاش ضعيفة معاك فى السحب وتوفر فى استهلاك البنزين

[Ayman amoun]

صح تمام هوا السعر زيادة شويه بس هيا ركوبه حلوة اوى و زى الاستاذ Temoon قال لازم تهتم بالصيانه العربيه دخله على صيانه ال60000 و دى مكلفه شويتين لازم تعمل حسابك .

[m07mad]

اهم حاجه الحاله اهم بكتير من السعر انت لو دفعت زياده شويه في حاجه حالتها كويس هتشتري دماغك بعد كده و بالتوفيق