سؤال بخصوص بولو 95 و 96 ؟

[mohamed-salah]

بفكر أشترى بولو 95 أو 96 ومش عارف حالتها ايه فى السوق من حيث قطع الغيار وهل هى متوفرة ولا ﻷ ؟ وهل عربيه عربيه كويسه عامه ولا ﻷ ؟ ياريت تفيدونى لو سمحتم وياريت اللى معاه العربيه يرد على .. شكرا جزيلا ..

[exelence]

العربية كويسة و الأحسن تجيب حاجه أعلى يعنى من 98 وانت طالع كده و قطع غيارها متوفرة ان شاء الله

[mohamed-salah]

شكرا جزيلا على ردك .. طب تمام لو 98 هاتبقى كويسه ولا لو حاجه تانيه ف نفس الرينج هتبقى أحسن ؟

[Abo_Mazen]

اللي أقدر أفيدك بخصوصه في البولو ..إن كان فيه واحد سير التقسيمه قطع منه ..وطبعا حاول يدور العربيه ..العربيه جابت صباب وعمود التاكيهات إتكسر ..راح جاب وش سلندر كامل ..يعني بعمود التاكيهات بالصباب ..إستيراد طبعا ..جابه ب 450 جنيه ..كان عنده بارومه في الباب ..راح جاب سمكري وهي العربيه واقفه عند الميكانيكي ..السمكري قاله هات الأربع أبواب إستيراد أحسن ..راح جاب الأربع أبواب كاملين ..بزجاججهم بالمكن بتاعهم ب 1000 جنيه ..قبل ما أنسى ..العربيه كانت بولو 99

[mohamed-salah]

تسلم على ردك يا باشا .. بس معلش بالنسبه للعربيه دى بيكون سير الكاتينه جنزير ولا كاوتش ؟؟

[Abo_Mazen]

سير التقسيمه بتاعها رابر ..أو كاوتش مش جنزير