صوت زن فى جولف 4

[Moha G]

السلام عليكم ورحمة الله
ازيكم جميعاااا ؟؟
انا اول مشاركة لى معاكم النهاردة واشكركم جميعا على المعلومات اللى عرفتها عن طريق المنتدى ....
انا الحمد لله بعد تعب رهيب ومصاريف كتيرة جداا فى اخر عربية اشتريت جولف 4 والحمد لله حتى الان بقالها شهر معايا مفيش اى مشاكل و ربنا يستر يارب ومتكونش زى اللى قبلها :)
بس فى مشكله وعاوز اخد رأئيكم فيها لان هنا فى فنلندا التصليح غالى جداااااااااااااااااااااااااااا بالاخص لو مقولتش المشكله فين وهو هيعمل فحص على العربية عشان يعرف المشكله

فى صوت زى زنة كده جاى من ( ممكن الباب اليمين اللى جمب السواف او الازار او ممكن من التابلوه من ناحية اليمين ) وهو صوت اكن فى حاجه مش مربوطه او بتزن ولو فى حد اعد معايا فى العربية الصوت مبيحيش ولو جه بيبقى خفيف جداا لكن لو سايق لوحدى الصوت بيبقى عالى وواضخ بس للاسف مش قادراحدد الصوت فين بس هو صوت مزعج جدااا

المشكله التانية بردو نفس الموضوع صوت بيبقى خارج من التابلوة اوقات تحسه ان خارج من فتحة التكيف او من مكان الكاسيت بس مش قادر تخدد الصوت فين بالظبط بس بيبقى زى صوت تخبيط او حاجه برده مش مربطوه كويس
تتوقعو ايه وايه الحل بالاخص فى المشكله الاولى لان الصوت مزعج جدااا

شكرا

[محسن نور]

بص يا غالى انا معايا جولف 4 و الصوت دة كان بيظهر عندى و اكتشفت حاجة عبيطة انى بحط فلوس فضه فى القطعه اللى بعد يد الفرامل لو عندك كدة شيلهم

لكن لما حد بيقعد حنبك و الصوت بيروح او بيجى خفيف يمكن فبر الكرسى فيه بوش

او فيشة فى الباب مخلوعه من الكلبس

او الدرج المفصله بتاعته فيها بوش يعمل زنة رخمه

[mshamy]

ساعات البلاستيك اوالعدادات اللي في التابلوه بيعمل صوت
ممكن تشوف الفيديو ده يساعدك
[youtube]https://www.youtube.com/watch?v=yZL_ZtdEl9E[/youtube]

[Moha G]

بص يا غالى انا معايا جولف 4 و الصوت دة كان بيظهر عندى و اكتشفت حاجة عبيطة انى بحط فلوس فضه فى القطعه اللى بعد يد الفرامل لو عندك كدة شيلهم

لكن لما حد بيقعد حنبك و الصوت بيروح او بيجى خفيف يمكن فبر الكرسى فيه بوش

او فيشة فى الباب مخلوعه من الكلبس

او الدرج المفصله بتاعته فيها بوش يعمل زنة رخمه

الف شكر ياباشا . كلامك طلع صح المشكله فى الكرسى . فى مكان فى الكرسى اول مابدول عليه بايدى الصوت بيروح. بس للاسف اخوك والله ابيض فى العربيات معرفش حتى المكان اسمه ايه وممكن يتصلح ولا لا فانا صورت المكان بالنخديد اللى اول ماتدوس عليه او تضغط عليه الصوت يروح و ممكن تقولى المشكله دى ايه وتتصلح ازاى
وبردو عندى مشكله فى كرسى السواق المسند بتاع الكرسى طول اليوم يزيق ياعنى اول مارجع لضهرى بور او اخرك ضهرى يعد تيت بيت يييت ببت ده بردو ممكن توضحلى اعمل ايه ؟

معلش انا اسف بس انا فعلاا يادوب اعرف اسوق وشكرا. :)

الصورة هنا لانى حوالت احطها على الموقع ولكن مش عاوزه

http://www10.0zz0.com/2015/02/26/14/258469585.jpg