جيتا 2010

[ali ibrahim]

بشتري جيتا 2010 وصاحبها بيقولي فتيس. قديم فعلا الفتيس مش مكتوب عليه dsg بقولو اكيد انت مغيروا مصمم انها كده.. وانا حسب معلوماتي مفيش حاجة اسمها كده.. كلامي مظبوط ولا ايه يارجالة الفولكس

[islamaboelnaga]

العدادات بيضاء و لا زرقاء ؟ على فكره اول 2010 فعلا كان فتيس قديم

[ali ibrahim]

انا مكملتش فرجة لاني كدبت الراجل والراجل مصمم اني غلطان لو حضرتك متاكد هرجعلو تاني

[mohamed.alu]

اتاكد من التابلوه زى مااتقال فووق لو الاضاءه بيضاء وعدادات الحرارة والبنزين داخل عدادات rpm والسرعة يبقى ده مغير فتيس قديم 6 لكن لو التابلوه انواره زرقاء وعدادات البنزين والحرارة لوحدها بره تبقى دى فعلا فتيس 6 نقلات وممكن تبقى عادى هى بتبقى التخليص الجمركى بتاعها 2010 فا بتتسجل موديل 2010

[ali ibrahim]

اولا شكرا ليكم جدا جدا بس سؤال اخير هوه ممكن يغير العداد طيب واسف على الازعاج..

[mohamed.alu]

بص اللى اعرفه انى وحده الكنترول بتتغير لما بيغير فتيس لانى اللى بيظهر على الشاشة عندك لو فتيس قديم d-r-p ............ لكن لو فتيس جديدبيقى الموضوع مختلف d1,d2,d3 ............ S1,s2,s3 وهكذا بسبصراحة مش عارف بيغير معاها عدادات ولا لأ الموضوع محتاج واحد فاهم اللعبة دى بتتعمل ازاى وبعدين الموضوع اسهل من كده بكتير رخصتها ورقم الشاسيه وعلى التوكيل اعرف تاريخها ايه بالظبط (مش كشف) علشان سمعت الكشف بتاع البيع اتلغى من التوكيل

[ali ibrahim]

مشكر جدا على رد حضرتك.. بس ياريت اي حد عندو معلومات عن الموضوع ده يعرفني يبقى اكتر الف خيرو..وانا رايح اقابل الراجل بعد المغرب ربنا يقدم الخير

[TeMoON]

انا عربيتى اخر دفعة فى 2009 وكانت موديل 2010 وفتيس قديم ومكتوب فى الرخصة 2010 واتأكد من انوار التابلوة لونها ازرق والشاشة الكمبيوتر الى فى التابلوة اضائتها لونها احمر والطارة او الدركسيون السودة مش الرصاصى الى فيها نيكل