اذاي فولكس تزود مبيعاتها بزياده مده الضمان علي الفتيس

[devil_storm]

في ناس كتير جدا بتعشق الالماني بس خايفه من مشاكله، انا عن نفس بعشق الباسات بعد تجربتها فتره لكن لما اشتريت جبت كوري علشان خفت من اعتماديه الفتيس و الكلام اللي بنسمعه

وكيل فولكس لو عايز يعمل مبيعات جامده يطمن الناس اللي بتعشق الالماني و خايفه من الفتيس بانه يخلي ضمان الفتيس و الماتور ١٠ سنوات او ١٠٠ الف كم ذي ما حصل في دول كتير وويعلن كده صراحتا، ساعتها ناس كتير راكبه اعلي فئه في الكوري و الياباني حتجيب الماني و انا اول واحد، و الوكيل بالحركه دي حيطلع كسبان مش خسران، اذاي:
١- حيخلي كل ملاك الفولكس تفضل تعمل صيانه عنده لمده ١٠ سنوات علشان ضمان الفتيس و الماتور ميرحش عليهم و اكيد هو كسبان من اسعار الصيانات المبالغ فيها

٢- سعر اعاده بيع الالماني كده مش حيقع( كل الكلام علي الفتيس dsg و مشاكله وقت البيع حيبقي بخ بالضمان ده ) و كمان ناس كتير حتشتري العربيه و هي مطمنه من موضوع الفتيس و بالتالي مبيعات العربيه حتزيد و مكسب الوكيل يزيد بزياده المبيعات، و مع زياده المبيعات تتوافر قطع الغيار بسعر مناسب و تبقي العربيه مطلوبه ذي ما حاصل في الكوري دلوقتي فيزداد الطلب عليها و هكذا ،....

طبعا انتوا عارفيين سعر اعاده بيع اي عربيه بيفرق كتير اوي لما بنفكر نشتري عربيه و علشان كده تلاقي عربيات كوري اي كلام و سعرها مبالغ فيه منتشره.

الحركه دي توكيلات كتير عملتها ذي:
وكيل بيجو في السعوديه مدي ضمان ١٠ سنوات او ١٠٠ الف كم علي البيجو ٥٠٨

وكيل هوندا في قطر عامل ضمان مدي الحياه علي الماتور و الفتيس، ايوه مدي الحياه و بدون حد اقصي للكيلومترات!

وكيل كيا في مصر لما خلي ضمان عربيتها ٥ سنوات سنه ٢٠٠٩ مبيعات الكيا نطت في السما بالكيا سيراتو ٢٠٠٩

لو وكيل فولكس عمل كده انا اول واحد حرمي الالنترا و انزل اجيب باسات، لكن في الوضع الحالي مستحيل لاني عايز اجيب عربيه ابقي راكبها و انا مطمن و مرتاح البال و مستمتع بيها مش كل ما اسمع صوت فيها اترعب!

[hany63]

مع احترامي طبعا لرأي حضرتك
لو عملوا ضمان مدى الحياه و خصم 50 في الميه على العربيه اصلا مش هشتريها
الفكره ان الفتيس غير عملي في الزحمه من الاخر سواقتها نكد بمعنى الكلمه غير طبعا مشاوير التوكيل اللي مش هيعمل حاجه غير لمل الفتيس يجيب اخره و العربيه تقف بيك انت و حظك هتقف فين
اعرف واحد العربيه جابت الفتيس على طريق السخنه الساعه 3 الفجر

[devil_storm]

مع احترامي طبعا لرأي حضرتك
لو عملوا ضمان مدى الحياه و خصم 50 في الميه على العربيه اصلا مش هشتريها
الفكره ان الفتيس غير عملي في الزحمه من الاخر سواقتها نكد بمعنى الكلمه غير طبعا مشاوير التوكيل اللي مش هيعمل حاجه غير لمل الفتيس يجيب اخره و العربيه تقف بيك انت و حظك هتقف فين
اعرف واحد العربيه جابت الفتيس على طريق السخنه الساعه 3 الفجر

استاذ هاني انا مختلف معاك لاني جربت العربيه لمده اسبوع كامل و كانت ممتعه كمان اعرف ناس جابوها و من كتر اعجابهم بيها جابوها تاني، المشكله اللي في العربيات دي اعتماديتها فقط و الوكيل ممكن يصلح ده بزياده الضمان

[عﻻء سالمان]

الحكم الموضوعى

فولكس فاجن هذا اﻻسم العريق الذى ينافس تويوتا على القمة ومن المتوقع ان ينتزع صدارة العالم خﻻل بداية 2016 طبقا لبيان ارقام المبيعات المهولة.. فكيف اتشكك فيما تثق فية الدنيا كلها؟ الضمان للوكيل المصرى 3 سنوات او 100 الف كم والعيب الناتج عن سخونة الوحدة اﻻلكترونية للفتيس تم تﻻفية فى الموديﻻت ابتداء من 2014 والتوكيل مستمر فى الخدمة والدعم حتى بعد مرور فترة الضمان كما هو موضح على موقع فولكس فاجن كما ان اﻻمر يتطلب من المستخدم قيادة السيارة بشكل سليم كوضع الفتيس على النيوترال فى حالة الوقوف الطويل فى اﻻشارات وكذلك تموين السيارة من محطات بنزين موثوقة: توتال - اﻻمارات - وطنية:تانكاتهم جديدة و نظيفة وليس بها رواسب تضر المواتير التيربو

[devil_storm]

فولكس فاجن هذا اﻻسم العريق الذى ينافس تويوتا على القمة ومن المتوقع ان ينتزع صدارة العالم خﻻل بداية 2016 طبقا لبيان ارقام المبيعات المهولة.. فكيف اتشكك فيما تثق فية الدنيا كلها؟ الضمان للوكيل المصرى 3 سنوات او 100 الف كم والعيب الناتج عن سخونة الوحدة اﻻلكترونية للفتيس تم تﻻفية فى الموديﻻت ابتداء من 2014 والتوكيل مستمر فى الخدمة والدعم حتى بعد مرور فترة الضمان كما هو موضح على موقع فولكس فاجن كما ان اﻻمر يتطلب من المستخدم قيادة السيارة بشكل سليم كوضع الفتيس على النيوترال فى حالة الوقوف الطويل فى اﻻشارات وكذلك تموين السيارة من محطات بنزين موثوقة: توتال - اﻻمارات - وطنية:تانكاتهم جديدة و نظيفة وليس بها رواسب تضر المواتير التيربو

مش كل موديلات فولكس بتنزل بره بفتيس dsg، و حتي في الخليج الباسات مش بتنزل بالفتيس ال dsg و فعلا في شكاوي علي مستوي العالم من الفتيس ده و بص علي كميه الاستدعاءات اللي تمت عي مستوي العالم و الشكاوي حتعرف ان فعلا مشاكل الفتيس ده كتير... و لو المشاكل اتحلت فعلا من اول موديل ٢٠١٤ انا اضمن منين؟ خلي التوكيل اللي بيقول كده يديني ضمان فعلي ليه مش كلام مبيعات و خلاص

[عﻻء سالمان]

مش كل موديلات فولكس بتنزل بره بفتيس dsg، و حتي في الخليج الباسات مش بتنزل بالفتيس ال dsg و فعلا في شكاوي علي مستوي العالم من الفتيس ده و بص علي كميه الاستدعاءات اللي تمت عي مستوي العالم و الشكاوي حتعرف ان فعلا مشاكل الفتيس ده كتير... و لو المشاكل اتحلت فعلا من اول موديل ٢٠١٤ انا اضمن منين؟ خلي التوكيل اللي بيقول كده يديني ضمان فعلي ليه مش كلام مبيعات و خلاص

احترم كﻻم حضرتك .. و الاجراءات المتبعة للحفاظ على الفتيس الdsg هى قيادة الفتيس التيبترونيك على المانوال مود خﻻل فترات التزاحم والسير البطئ بسرعة اقل من 30 كم ساعة وكذلك للحماية من اﻻوفر هيتنج يتم وضع الفتيس على النيوترال خﻻل التوقف فى اﻻشارات والمحرك داير.. ودى بالنسبالى اجرءات بسيطة وممتعة عند اﻻستمتاع بالسبع نقﻻت يدويا.. وذلك بسبع لمسات متتالية للفتيس تتغير منها السرعات واحدة تلو اﻻخرى.. وكذلك ساجرب كثيرا ان شاء الله السبورت مود عالطرق المفتوحة.. الفتيس مجرب - عند القيادة بطريقة سليمة لاكثر من 2 مليون كيلو متر .. العربيات دى عاوزة حد فاهم وصاحى مش حد يحط الفتيس على الدى درايف وينساة..ﻻء دى عاوزة اكشن سليم طبقا لظروف سيرك على الطريق.. والكواليتى العالى لسيارة عريقة مشهود لها بالكثير من المزايا وبنفس الوقت اقترب سعرها من بعض الموديﻻت الشعبية للكورى يستاهل انك تاخد بتركيز وجدية اﻻجراءات اﻻرشادية لكسب اطول عمر افتراضى ممكن للفتيس والسيارة عموما..مثل اﻻقتصاد فى استخدام الفرملة ومنع استخدامها بدون داع وحماية الديسكات من البرى بالضغط الجزئى على الفرامل..واﻻلتزام بالصيانات الدورية كما يقول الكتاب وربنا يوفق الجميع للأصلح.

[Survival]

اولا مفيش حاجة اسمها سواقة بطريقة معينة فالاخر هى عربية اوتو زحمة بقى مش زحمة دى مش مشكلة المستخدم هو اصلا فى عاصمة فالشرق الاوسط دلوقتى مش زحمة.
هم عندهم مشكلة حقيقية فالفتيس دا نتيجة عيب تصميم دورة تبيريد الفتيس والاصل انها غير مناسبة للاجواء الحارة. تبقي عربية غير اعتمادية فى الاجواء الحارة. زيها زى عربيات كتير بتنزل بعيوب تصنيع لكن المستفز انهم يفضلوا ينزلوا الفتيس كل السنين دى.

[عﻻء سالمان]

اولا مفيش حاجة اسمها سواقة بطريقة معينة فالاخر هى عربية اوتو زحمة بقى مش زحمة دى مش مشكلة المستخدم هو اصلا فى عاصمة فالشرق الاوسط دلوقتى مش زحمة.
هم عندهم مشكلة حقيقية فالفتيس دا نتيجة عيب تصميم دورة تبيريد الفتيس والاصل انها غير مناسبة للاجواء الحارة. تبقي عربية غير اعتمادية فى الاجواء الحارة. زيها زى عربيات كتير بتنزل بعيوب تصنيع لكن المستفز انهم يفضلوا ينزلوا الفتيس كل السنين دى.

حضرتك حر فى رأيك.. وتنصح بية زى مانت عاوز.. بس الحمد لله لست نادما على قرارى ومبسوط بانضمامى تحت راية فولكس فاجن وبسعر تنافسى جذاب ودة فى الآخر امزجة ولك التحية.

[hossam_elwani]

اولا مفيش حاجة اسمها سواقة بطريقة معينة فالاخر هى عربية اوتو زحمة بقى مش زحمة دى مش مشكلة المستخدم هو اصلا فى عاصمة فالشرق الاوسط دلوقتى مش زحمة.
هم عندهم مشكلة حقيقية فالفتيس دا نتيجة عيب تصميم دورة تبيريد الفتيس والاصل انها غير مناسبة للاجواء الحارة. تبقي عربية غير اعتمادية فى الاجواء الحارة. زيها زى عربيات كتير بتنزل بعيوب تصنيع لكن المستفز انهم يفضلوا ينزلوا الفتيس كل السنين دى.

للاسف كلام صح

[hany63]

استاذ هاني انا مختلف معاك لاني جربت العربيه لمده اسبوع كامل و كانت ممتعه كمان اعرف ناس جابوها و من كتر اعجابهم بيها جابوها تاني، المشكله اللي في العربيات دي اعتماديتها فقط و الوكيل ممكن يصلح ده بزياده الضمان

اسمح لي اختلف معاك برضه هيا مش ممتعه وبس دي اكثر من رائعه بس لما الطريق يكون ماشي ولو بسيط مش لازم فاضي و احساسك ده ناتج عن فرق الركوبه الحاليه اللي مع حضرتك و انا شخصيا حصل لي انبهار شديد اول ما اشتريت بعد الكورولا
تعال بقى سوقها كل يوم في صلاح سالم اسف في الكلمه هتكره عيشتك و بعدين معلش ايه نظام الطريقه المخصوص في السواقه انك تقلبها مانيوال ؟
يعني بقالنا عشرات السنين مخنا بيعمل حركة العضلات تلقائيا سواء اوتو او مانيوال لسه هنقعد نبرمج فيه من اول وجديد و نسوق شويه اوتو على مانيوال ؟!!

[devil_storm]

اسمح لي اختلف معاك برضه هيا مش ممتعه وبس دي اكثر من رائعه بس لما الطريق يكون ماشي ولو بسيط مش لازم فاضي و احساسك ده ناتج عن فرق الركوبه الحاليه اللي مع حضرتك و انا شخصيا حصل لي انبهار شديد اول ما اشتريت بعد الكورولا
تعال بقى سوقها كل يوم في صلاح سالم اسف في الكلمه هتكره عيشتك و بعدين معلش ايه نظام الطريقه المخصوص في السواقه انك تقلبها مانيوال ؟
يعني بقالنا عشرات السنين مخنا بيعمل حركة العضلات تلقائيا سواء اوتو او مانيوال لسه هنقعد نبرمج فيه من اول وجديد و نسوق شويه اوتو على مانيوال ؟!!

متفق معاك ان مفيش حاجه اسمها طريقه سواقه مخصوص و اقلبها منوال في الزحمه و الكلام ده، انا جايب عربيه اتوماتيك علشان تريحني في الزحمه، ده الناس بره دلوقتي بيعملوا عربيات تسوق لوحدها و تفرمل لوحدها في الزحمه علشان الراحه و انا اقلبها مانيوال في الزحمه!
علشان كده قولت ضمان الفتيس يبقي ١٠ سنين او ١٠٠ الف كم و انا اسوق بالطريقه اللي تريحني و انا مطمن ان لو حصل حاجه للفتيس حيكون covered under warranty طالما بعمل جميع الصيانات في مواعيدها

[hany63]

متفق معاك ان مفيش حاجه اسمها طريقه سواقه مخصوص و اقلبها منوال في الزحمه و الكلام ده، انا جايب عربيه اتوماتيك علشان تريحني في الزحمه، ده الناس بره دلوقتي بيعملوا عربيات تسوق لوحدها و تفرمل لوحدها في الزحمه علشان الراحه و انا اقلبها مانيوال في الزحمه!
علشان كده قولت ضمان الفتيس يبقي ١٠ سنين او ١٠٠ الف كم و انا اسوق بالطريقه اللي تريحني و انا مطمن ان لو حصل حاجه للفتيس حيكون covered under warranty طالما بعمل جميع الصيانات في مواعيدها

لو سقت بالطريقه اللي بتريحك العربيه مش هترتاح
و العربيه هتقعد ترعش و تعمل رجة الجمل و دمك هيتحرق لدرجة اني كنت ساعات بحسد اللي راكب صيني اوتوماتك
بناقص الصراحه

احسن حاجه في نفس الفئه الصراحه بيجو 508 و اؤكد لك انها احسن من الباسات حتى لو الفتيس بتاعها حرير و ممكن الانسجنيا بعد تغيير كود الموتور في 2015 برضه