للأمانة خدوا بالكم ( ملاك الـ dsg )

[inspiron]

السلام عليكم معشر فولكس الكرام.

بعد التحية

الأمانة تقتضي إني أقولكم خدوا بالكم
عربيتي باسات 2014 ولله الحمد علي كل حال جابت فتيس بعد 45000 كم

يعني باختصار كده اتضح ان مفيش حاجة اسمها جيل رابع ولا تعديل ولا بطيخ
والكلام ينطبق علي أي عربية من vag فيها الفتيس الحقير ده

وربنا يستر طريق الجميع
شكرا

[akrumcs]

ألف شكر على النصيحه
بس كنت عايز اعرف تفاصيل اكثر ايه اللي حصل معاك بالظبط والتوكيل قال ايه المشكله تغير طقم كلاتشات ولا ميكاترونك ولا فتيس كامل ؟؟؟

[inspiron]

الشكر لله
الفتيس باظ فيه الكلاتشات وده بيتعرف لما تظهر رجة شديدة في الطلعة بتاعة العربية
والميكاترونيك وده بيتعرف لما تلاقي الغيار اللي انت عليه ظاهر علي الشاشة بينور ويطفي والعربية تبرجل في المشي.ومتتظبطش غير لما تبطلها 10 دقايق وتدورها تاني..وأخيرا بيكتب gearbox error والعربية تكلبش في مكانها.
التوكيل خرج العربية من الضمان عشان رشيت إكصدام وجزء بحجم كف اليد في الرفرف الأمامي
وكتب لي في التقرير السيارة خارج الضمان نظرا لوجود أعمال سمكرة ودهان خارج المركز المعتمد
والظريف إن مفيش سمكرة..ده يا دوبك مرمات خدوش اللي رشيتها عشان مبحبش العربية فيها خدش !
الفتيس كامل سعره 70 ألف جنيه غير شامل المصنعية والضريبة
والكلاتشات سعرها 8000 جنيه لو هتغيرها هي بس
والميكاترونيك مش موجودة و بتيجي بالطلب.

الحمد لله علي كل حال
أنا صلحتها برا واتكلفت بعد الحوارات كلها عشان تمشي بدون مشاكل بحوالي 11000 جنيه

وهبيعها وأركب هيونداي ix35 وأريح الجمجمة من مجموعة فولكس تماما

[akrumcs]

معلش قدر الله وماشاء فعل وربنا يعوضك خير ان شاء الله
معلش سؤال اخير صلحتها بره فيين وعملوا فيها ايه ورجعت تمام زي مكانت ولا لا ؟

[yasser100]

للاسف حصل نفس الكلام ده مع صديقى معاه جيتا , عىلى17 لاف كم رجه فى الطلعه و غيروا له الكلاتشات برضه و بعدين على 40 الف كم العربيه كلبشت الصبح مكانها و رساله على الكمبيوتر و شالها على ونش وطلع على التوكيل و ده كان ميكاترونيك طار و طلبوا له واحد من المانيا لانه بييجى بالطلب و اخد شهر العربيه مرميه فى التوكيل و عايز يبيعها قبل ما الفتيس يقع كله .

بس فيه نقطه ياباشا , الفتيس ال dsg خارج موضوع الضمان خالص حتى لو ضمان العربيه انتهى , فولكس فاجن مدت الضمان عليه هو بس انا اسمع بره 10 سنين و فى مصر 5 سنين , ما لوش دعوه بباقى العربيه حتى لو خلص الضمان .

According to Zhang, AQSIQ has been investigating the company's DSG transmissions since last March. In May, Volkswagen extended its DSG quality guarantee period in China to ten years under pressure from the administration, Zhang said.

http://www.chinadaily.com.cn/business/motoring/2013-03/16/content_16313553.htm

و ده الخبر بس فى الصين و استراليا نفس الموضوع , راسل فولكس فاجن فى المانيا و حرام تدفع المبلغ ده

[RedBull_30]

اتصل بالمهندس : رامز بدر في اسكندرية .. هو مركز صيانة كبير و محترم في اسكندرية ل فولكس و اودي و سكودا و سيات .. عربية اخويا بتتصلح هناك وهي سيات ليون 2011 جابت ميكاترونيك وهم بيعرفو اوي في الامور دي .. بيعرفو يصلحوها كويس

[samsam_91]

طيب معلش ممكن تقولنا طريقة سواقتك كانت مع الفتيس بتكون مانيوال في الزحمة و كده ولا اتوماتيك على طول ؟
عشان بس نعرف ايه الحكاية لو كده نحذر الناس منها

[inspiron]

عربيتي الموتور الـ tsi الـ 122 حصان..وهو ده اللي نازل في الشكل ده في الباسات في مصر
نمط القيادة..
أنا ساكن في حدائق الأهرام وشغلي في العبور وطريقي دائري رايح جاي.أثناء السير والطريق مفتوح سرعتي مبتنزلش عن 140 كيلو وبكون علي السابع
في الزحمة أو لما تكون متوسط سرعتي 80-100 بكون سايق علي المنوال عشان متكونش واخدة غيار عالي علي سرعة قليلة تجيب أجل الفتيس بسرعة
في الإشارات الفتيس علي N وفي الطلعة من الثبات بطلع علي الأول بالمنوال..عمري ما جربت السبورت مود غير مرة أو اتنين عشان أجيب آخر العربية علي طريق سفر.

فولكس جروب شركة محترمة ومنتِج محترم..لكن عنيد..ولا يقبل النقض ولا يقبل حد يعيب في منتجه حتي لو فيه حاجة غلط.
والمستهلك بيبهره مظهر العربية وإمكانياتها الجبارة والقوة في مواتيرها وفخامة الركوبة.وما بيصدق يلاقي حد يقوله مشكلة الفتيس إتحلت..فيروح شاري العربية علي طول.

بالمناسبة..في جروب علي Facebook بتاع ملاك سكودا a7
وفي راجل حط صورة لعربيته عاملة 49 ألف كيلو والكمبيوتر كاتب له gearbox error ومع ذلك الكل ( سقعله ) ولا كأنه شاف الصورة أصلاً :) وده اللي جايبنا ورا :)

[ابو ياسمين]

عربيتي الموتور الـ tsi الـ 122 حصان..وهو ده اللي نازل في الشكل ده في الباسات في مصر
نمط القيادة..
أنا ساكن في حدائق الأهرام وشغلي في العبور وطريقي دائري رايح جاي.أثناء السير والطريق مفتوح سرعتي مبتنزلش عن 140 كيلو وبكون علي السابع
في الزحمة أو لما تكون متوسط سرعتي 80-100 بكون سايق علي المنوال عشان متكونش واخدة غيار عالي علي سرعة قليلة تجيب أجل الفتيس بسرعة
في الإشارات الفتيس علي N وفي الطلعة من الثبات بطلع علي الأول بالمنوال..عمري ما جربت السبورت مود غير مرة أو اتنين عشان أجيب آخر العربية علي طريق سفر.

فولكس جروب شركة محترمة ومنتِج محترم..لكن عنيد..ولا يقبل النقض ولا يقبل حد يعيب في منتجه حتي لو فيه حاجة غلط.
والمستهلك بيبهره مظهر العربية وإمكانياتها الجبارة والقوة في مواتيرها وفخامة الركوبة.وما بيصدق يلاقي حد يقوله مشكلة الفتيس إتحلت..فيروح شاري العربية علي طول.

بالمناسبة..في جروب علي Facebook بتاع ملاك سكودا a7
وفي راجل حط صورة لعربيته عاملة 49 ألف كيلو والكمبيوتر كاتب له gearbox error ومع ذلك الكل ( سقعله ) ولا كأنه شاف الصورة أصلاً :) وده اللي جايبنا ورا :)

عزيزى inspiron

ادعوا الله ان يعوضك خيرا بأحسن منها وبما ترضاه

ولكنى اتعجب من هذه المشاكل المتكررة من شركة تجلس على قمة المبيعات فى العالم

فهل هناك سر لا نعلمه يجعل هذه السيارات تباع بالملايين فى قارات العالم كلها

بينما عندنا الحال هكذا !!!

فما رأيك فى هذه الظاهرة

برجاء ان تدقق فى اختيار سيارتك القادمة وادرسها جيدا بعد هذا الموقف المؤسف

مع تحياتى ودعائى بالتوفيق

[inspiron]

عزيزى inspiron

ادعوا الله ان يعوضك خيرا بأحسن منها وبما ترضاه

ولكنى اتعجب من هذه المشاكل المتكررة من شركة تجلس على قمة المبيعات فى العالم

فهل هناك سر لا نعلمه يجعل هذه السيارات تباع بالملايين فى قارات العالم كلها

بينما عندنا الحال هكذا !!!

فما رأيك فى هذه الظاهرة

برجاء ان تدقق فى اختيار سيارتك القادمة وادرسها جيدا بعد هذا الموقف المؤسف

مع تحياتى ودعائى بالتوفيق

ربنا يخليك يا فندم..والله أنا كمان نفس الإستغراب..وبما إن البلد دي مينفعش فيها الهرتك بتاع الألماني وتكلفة تشغيله وصيانته وعرضته للتلف في أي لحظة..قررت أركب لانسر شارك 2015 توب لاين زيرو..وأسلم دماغي من الصداع

[ابو ياسمين]

ربنا يخليك يا فندم..والله أنا كمان نفس الإستغراب..وبما إن البلد دي مينفعش فيها الهرتك بتاع الألماني وتكلفة تشغيله وصيانته وعرضته للتلف في أي لحظة..قررت أركب لانسر شارك 2015 توب لاين زيرو..وأسلم دماغي من الصداع

الف مبروك مقدما وان شاء الله يحفظك ويبارك لك فيها

[windofchange]

مفكرتش فالسوزوكي سياز..فيه زميل لنا عمل مقارنة تفصيلية بينها وبين الشارك فازت فكل حاجة ماعدا الثبات لصالح الشارك لان العفشة ورا فالشارك اعتقد منفصلة

[Thebutcherr]

هو انا مش فاهم ازاي حضرتك تروحش حماية المستهلك عشان موضوع الضمان؟ لازم

[mhmdabdo]

السلام عليكم
شكرا للنصيحه وإن شاء الله الموضوع يفيد الجميع
ليا سؤال بعد اذنك ( الفيتيس معرض للتلف في اي لحظه )
يعني ميكملش 40-60 كم
انا كل المنتظره في الفيتيس دا ان سعره يقل بره الوكيل هو حاليا 6 الاف للميجاترونيك و 3.5 تلاف لاسطوانه الدبرياج
بس الفكره هو ضمانةعمله 40 او60 الف كيلو لان مراكز الصيانه بتدي ضمان شهر فقط
فا بستفسر عن فكره (تلف الفيتيس فس اي لحظه ) اللي حضرتك اشرت اليها
وعلي فكره في شركات كتيره متجهه للفيتيس دا رغم مشاكله بما فيهم فولكس كانت عارفه مشاكله لانه نزل في عربيات قبلها وبعد فولكس كتير نزلوه في عربياتهم
ف اهم نقطه حاليا هو صيانه الفيتيس دا تنخفض وضمان عمله لفتره معينه لانه حتي لو حيتغير جوه الضمان كل 10 تلاف كيلو تبقي مشكله فالسؤال فتره عمل الفيتيس نقدر نعتبرها 40 الف مثلا

وشكرا

[mshamy]

السلام عليكم
شكرا للنصيحه وإن شاء الله الموضوع يفيد الجميع
ليا سؤال بعد اذنك ( الفيتيس معرض للتلف في اي لحظه )
يعني ميكملش 40-60 كم
انا كل المنتظره في الفيتيس دا ان سعره يقل بره الوكيل هو حاليا 6 الاف للميجاترونيك و 3.5 تلاف لاسطوانه الدبرياج
بس الفكره هو ضمانةعمله 40 او60 الف كيلو لان مراكز الصيانه بتدي ضمان شهر فقط
فا بستفسر عن فكره (تلف الفيتيس فس اي لحظه ) اللي حضرتك اشرت اليها
وعلي فكره في شركات كتيره متجهه للفيتيس دا رغم مشاكله بما فيهم فولكس كانت عارفه مشاكله لانه نزل في عربيات قبلها وبعد فولكس كتير نزلوه في عربياتهم
ف اهم نقطه حاليا هو صيانه الفيتيس دا تنخفض وضمان عمله لفتره معينه لانه حتي لو حيتغير جوه الضمان كل 10 تلاف كيلو تبقي مشكله فالسؤال فتره عمل الفيتيس نقدر نعتبرها 40 الف مثلا

وشكرا

وحدة الميكاترونك دي مالهاش عمر افتراضي
حسب الأستخدام...في ناس باظت معاهم بعد 5 الاف و في ناس بعد 50 الف و انا باظت عندي على 112 الف (بعد 5 سنين من الشراء و كانت العربية خرجت من الضمان)
وطالما العربية صيانتها في التوكيل بانتظام فهما بيغيروها مجانا تماما و ده اللي حصل معايا.. ولحد دلوقتي معرفش و ماسمعتش عن حد غيرها مرتين