مشكله في جيتا 2008 تاخير الدواره

[eng.ahmedfawzy]

انا عندي جيتا 2008 فيها مشكله رخمه ومكرهاني فيها وفي اليوم الي اشترتها فيه دلوقتي العربيه احيانان تدور من مره واحده واحيانان تدور بعد مرتين لو مقستش علي المارش ولو قسيت علي بعد حوالي 10 ثواني مارش مع الضغط علي البنزين
وانا مسكتش روحت توكيل عقل الي في المحله غيرت طرمبه البنزين 1610 ونضغط البوابه وغيرت فلتر الهواء وفلتر البنزين المشكله استمرت بردو
وانا لسا عامل الصيانه بتاعتها سيور وزيت فتيس ورشاش كان وحش غيرته يعني عملت كل حاجه بمعني كل حاجه واخر كشف في التوكيل كان مطلعلي حساس شكمان بس بصراحه لقيته غالي والي فهمتوا انو ملوش علاقه بالدواره وملحوظه كشفت علي البوجيهات مفيهاش مشاكل اعمل ايه انا تعبت
ملحوظه مشكله الدواره دي بتبان معايا والعربيه بارده بس لكن لو العربيه سخنه مبيظهرش اي حاجه
اي حد عنده خبره او قابلته المشكله دي يساعدني اعمل ايه

[Mecha]

ممكن موبينه

[DarkMagician]

الملتي فنكشن بتاع الفتيس
حاول تهز الفتيس لما تيجي تدور لو استجابت معاك قولهم عليه في توكيل يكون محترم

[a7med ezz 20]

انت غيرت الطلمبة كلها بالجسم البلاستيك بتاعها ولا غيرت الموتور بس ؟؟

[a7med ezz 20]

عشان لو غيرت الموتور بس ممكن يكون الميدوليتر بتاع الطلمبة مش مظبوط . وجرب فك الكنبة وشيل الخرطوم بتاع البنزين من الطلمبة وافتح كونتاك ودور وشوف ضغط البنزين عامل ايه

[windofchange]

عشان لو غيرت الموتور بس ممكن يكون الميدوليتر بتاع الطلمبة مش مظبوط . وجرب فك الكنبة وشيل الخرطوم بتاع البنزين من الطلمبة وافتح كونتاك ودور وشوف ضغط البنزين عامل ايه

معلش يااحمد باشا ايه الموديلاتور ده ووظيفته ايه

[a7med ezz 20]

دي حاجة جوا الطلمبة بتتحكم فضغط البنزين وبتاخد البنزين الراجع كمان تدخله علي الطلمبة تاني . انا كان عندي نفس مشكلتك فعربية ماذدا والميكانيكي قالي العيب ده واما غيرت جسم الطلمبة كله بالعوامة الموضوع اتظبط

[engmohfaw]

شوف ساعة الحراره اللى راكبه فى كوعة الميه فى وش السلندر لو خرفت بتدى قرايه بالسالب وبالتالى كنترول العربيه بيفهم ان الميه متجمده فى الموتور فبيمنع الدواره ولو عايز تتاكد شوف العربيه بتبقى عاليه فى اول الدواره وبعدين تهدى ولا لا ولو فى استفسار راسلنى على الخاص وان شاء الله احلهالك

[etrder63]

يا أخى اللى في عربية حضرتك ممكن يكون حساس كرنك لأن العربيات الرينو وخصوصا الميجان كان بيحصل فيها العيب ده العربية ماتدورش من اول مرة او تدور وبعدين تبطل كذا مرة لحد ما تسخن فالعيب يختفى بس انا ما اعرفش هل عربية حضرتك بيبقى فيها حساس الكرنك زى الرينو ممكن تسأل في التوكيل او ميكانيكى متخصص فولك

[midomansour]

انا عندي جيتا 2008 فيها مشكله رخمه ومكرهاني فيها وفي اليوم الي اشترتها فيه دلوقتي العربيه احيانان تدور من مره واحده واحيانان تدور بعد مرتين لو مقستش علي المارش ولو قسيت علي بعد حوالي 10 ثواني مارش مع الضغط علي البنزين
وانا مسكتش روحت توكيل عقل الي في المحله غيرت طرمبه البنزين 1610 ونضغط البوابه وغيرت فلتر الهواء وفلتر البنزين المشكله استمرت بردو
وانا لسا عامل الصيانه بتاعتها سيور وزيت فتيس ورشاش كان وحش غيرته يعني عملت كل حاجه بمعني كل حاجه واخر كشف في التوكيل كان مطلعلي حساس شكمان بس بصراحه لقيته غالي والي فهمتوا انو ملوش علاقه بالدواره وملحوظه كشفت علي البوجيهات مفيهاش مشاكل اعمل ايه انا تعبت
ملحوظه مشكله الدواره دي بتبان معايا والعربيه بارده بس لكن لو العربيه سخنه مبيظهرش اي حاجه
اي حد عنده خبره او قابلته المشكله دي يساعدني اعمل ايه

كان عندي نفس مشكلة حضرتك فعربيتي وغيرت كل الللي بتقول عليه وفالخر توصلت للحل النهائي وهو تغيير الرشاشات كلها جبتها استيراد ومن ساعتها ومفيش مشكلة