Polo 1600 CC

[fast_car]

يا جماعة ماتور البولو الــ1000 سى سى بيكح زيت خلاص و بفكر اسقط ماتور بفئة 1600 سى سى وعايز طبعا اعرف اية رايكم و نصايحكم الغالية مع العلم انها تكيف وباور بتوع الفابريكة وهى موديل 99 وكمان ياريت لو فية حد يفيدنى فى موضوع استهلاك البنزين فى الماتور 1600 سى سى يعنى تقريبا بيعمل كام فى الصفيحة و مشكورين مقدما

[iBiZa]

العربية ال1600 صعبة جدا فى بيعها فا فكر كويس لان نظرة الشعب المصرى للعربيات المتسقطة نظرة خاطئة.

لو ناوى على 1600 يبقى متفكرش خالص انك تبيع فى خلال سنة او اتنين.

الافضل بعد كدة فى البيع هو ال1400.

يفضل اى موتور هتجيبة يبقى بالعفشة الامامية بتاعة (احتمال تحتاج تغير لجنط 14 فى الحالة دية عشان الفرامل اكبر و مش هيركب عليها الجنط ال13) و الفتيس و الكونترول و ضفيرة الحوض.

الاستهلاك معرفش عنة حاجة.

[fast_car]

هية لو من نظرية التسقيط بصفة عامة يبقى اللى مش حيتقبل الوضع بالنسبة لل 1600 برضة مش حيقبلة لو 1400 يعنى هوة مش فاهم اصلا ان العربيات الالمانى بتصنع البودى و محسوب فية احتمالية تسقيط مواتير لغاية اخر موتور فى نفس الموديل بدليل ان العربيات دى نفس العربيات اللى بتنزل فى اوروبا بس الفرق فى المواتير برة فية كذا اوبشن بالنسبة لسعة الموتور بينما هنا الموضوع مختلف طبعا لاختلاف السوق بتنزل 1000 سى سى علشان توفر فى سعر التداول فى السوق - هوة بس الخوف من استهلاك البنزين وبعدين هوة الموتور الجديد لازم يبقى معاه ورق علشان لو اخذت قرار انى ارخصة واثبتة على الرخصة فى اى وقت و دة طبعا اكيد مش دلوقتى المفروض انى إن شاء الله حخلى الفريم بتاع الموتور 1000 هوة اللى فى العربية - بالنسبة لموضوع الفتيس عرفت ان بتاع 1000 سى سى اسرع من بتاع ال 1600 سى سى - كمان فى نقطة مطمنانى شوية ان العربية دى كانت جاية من فرنسا زيرو وانا اشتريتها مستعمل فى مصر ياريت لو تزودونى بشوية خبرة فى الموضوع

[iBiZa]

هوة بس الخوف من استهلاك البنزين

بص يا سيدى, بالنسبة لاستهلاك البنزين, انا ال1400 بتعمل معايا فى وسط البلد من غير تكييف حوالى 10/لتر و بالتكييف من 9 الى 9.5 و فى السفر بتوصل الى 16/لتر لو ماشى 100.

فا معتقدش بالنسبالك النسب هتفرق كتير.

وبعدين هوة الموتور الجديد لازم يبقى معاه ورق علشان لو اخذت قرار انى ارخصة واثبتة على الرخصة فى اى وقت و دة طبعا اكيد مش دلوقتى.

مش فارقة امتى ترخصة, المهم يبقى معاك الورق و متاكد ان رقم الموتور هو المظبوط.

المفروض انى إن شاء الله حخلى الفريم بتاع الموتور 1000 هوة اللى فى العربية

لو انت قصدك على الوش الفيبر, مش فارقة تخللى انهى فيهم, محدش هيقولك حاجة + فى الPolo 2000 مينفعش وش يركب مكان التانى يعنى وش ال1000 غير وش ال1400 غير وش ال1600

بالنسبة لموضوع الفتيس عرفت ان بتاع 1000 سى سى اسرع من بتاع ال 1600 سى سى

بس غالبا مبيبقاش مصمم انة يستحمل فرق العزم فا بيتحرق بسرعة.
انا كنت عملت الموضوع دة فى عربيتى الIbiza 93 System Porche, كنت مسقط الموتور ال1500 و جايب لة فتيس ال1000 4 غيار.

مش هقولك انى كنت بطلع من BMW 2300cc من ثبات لحد 160 من غير ما اتعب نفسى, بس الفرحة دية مستمرتش اكتر من 4 شهور و بعدين الفتيس طار.

[fast_car]

[quote=iBiZa;500711]بص يا سيدى, بالنسبة لاستهلاك البنزين, انا ال1400 بتعمل معايا فى وسط البلد من غير تكييف حوالى 10/لتر و بالتكييف من 9 الى 9.5 و فى السفر بتوصل الى 16/لتر لو ماشى 100.

فا معتقدش بالنسبالك النسب هتفرق كتير.

يعنى تقريبا بتعمل فى الصفيحة من 180 الى 200 كيلو

[iBiZa]

تقريبا كدة, مع العلم انى مشاويرى اغلبها تحرير و مهندسين, يعنى اغلبها واقف.

بينما فى شرم على نفس المعدل اللتر عمل معايا 13 كيلو, دة عشان الشوارع هناك مش بتقف.