عاوز اشتري جولف ٥

[mrmarie]

السلام عليكم

بدور علي عربيه جولف ٥ موديل ٢٠٠٨ او ٢٠٠٩ تكون حالتها كويسه و فبريكا، لو في حد قدامه واحدة ياريت يبلغني.

شكرا

[A_AMR_86]

نصيحة منى لوجه الله
بلاش - كانت معايا واحدة 2009 ماشيه 42000 كم
بص هي عربيه جميلة جدا وسريعة وفيها حاجات حلوه كتيره اوى بس تغوووور
علشان فتيسها
باظ منى وصلحته ب 6000 ج وبعدها باسبوع باظ تانى رجعت صلحته تانى باظ تانى ورجعت صلحتة تانى وشفت الويل وقلت ادب صنايعية ومرمطة وف الاخر صلحته وقعدت معايا 3 شهور تمام وبعد ما تاكدت انة كدة تمام بعتها

بص فتيسها قليل الادب وهيكرهك ف العربية جدا - والمصيبة وانا بصلح العربية اكتشفت ان دة عيب منتشر جد دا انا شفت العجب
تخيل لما عربية المانى يحصل فيها كدة - تخيل انى وانا بصلح الفتيس انى اشوف عربيات كتير جدا من جيتا و A5 وليون كل دول نفس الفتيس

بص نصيحة لوجه الله بلاش بلاش
ممكن تفكر ف bmw 116 2008 مثلا ممكن تلاقيها من 115000 الى 125000 اتباعت قدامى من قريب واحدة على 125000 بس كانت نظيفة اوى
فكر مثلا ف فورد فوكس هاتش باك 2013 عربية جميلة جدا جدا
فكر فى سوبارو امبريزا هاتش باك عربية سافلة جدا
فكر ف هوندا سيفيك 2009
فكر ف زيرو والله اريح كتير