محبي فولكس فاجن بولو تعالوا ارجكوا

[مامت دودو]

السلام عليكم و رحمة الله و بركاته,

من فضلكم انا في رحلة بحث عن اول عربية ليا ان شاء الله,

و عجبتني اوي فولكسفاجن بولو و ميزانيتي تسمح بموديلات من 1995 ال 2001 مانيوال,

السؤال بقي؟

ايه عيوب العربية,

قطع غيارها متوافرة و لا لا ز سعرها غالي و لا ايه؟

هل في موديلات معينه تنصحوني بيها.


متشكره اوي و ربنا ميحرمكوش مني

[طارق _عبد السلام]

العربيه دى لو سليمه ومتحافظ عليها بتكون حكايه

موفره جدا فى كل حاجه قطع غيار معمره .. استهلاك رائع للبنزين..... عربيه رائعه

[مامت دودو]

العربيه دى لو سليمه ومتحافظ عليها بتكون حكايه

موفره جدا فى كل حاجه قطع غيار معمره .. استهلاك رائع للبنزين..... عربيه رائعه

متشكره اوي لرد حضرتك

[مامت دودو]

كدا يا جماعة تلات ساعات و رد واحد بس ماكنش العشم :(

[shedoz]

هيا فى منها مكيف تقريبا حاولى تبقى مكيفه عشان حر الصيف وهيا كشكل جميل واختيار موفق ان شاء الله بس ياترى فعلا قطع وغيارها غاليه ولا لا

[exelence]

قطع غيارها متوفرة و عربية محترمة

[eng_amg]

طبعا هي كركوبة أفضل مليون مرة من اللانوس حتى زيرو.

[Scatra]

بصى يا سيتى العربيه أكثر من رائعه بس هيه صغيرة شويه أو بمعنى تانى مش عائليه و حريييييمى بس هيه دى أول عربيه ليكى بتتعلمى فيها يعنى و لا إيه

[مامت دودو]

بصى يا سيتى العربيه أكثر من رائعه بس هيه صغيرة شويه أو بمعنى تانى مش عائليه و حريييييمى بس هيه دى أول عربيه ليكى بتتعلمى فيها يعنى و لا إيه

ايوة :)

[مامت دودو]

قطع غيارها متوفرة و عربية محترمة

تمام انتوا لحقتوني كنت هروح احجز شنجان بيني, كدا هرجع افكر تاني

[Scatra]

ايوة :)

طيب جميل أوى هيه طبعا عربيه لا غبار عليها بس لو جيتى قارنتيها من ناحيه قطع الغيار بالدايو مثلا هتلاقى فرق و خاصه إننا لسه بنتعلم إنما الدايو قطع غيارها عند البقال و أى حد ممكن يشتغل فيها

[Scatra]

ايوة :)

بصى هيه عربيه لا غبار عليها بس لو بصيتى على قطع غيارها هتلاقيها بس غاليه شويه بالنسبه للدايو مثلا و كمان إحنا لسه بنتعلم صح و لا غلط

[Scatra]

نقول مبروك و لا لسه شويه و يا ريت تدينا تقرير مبدئى عن إنطباعك للعربيه

[ُEngr.Hamdy]

و الله هاقول لحضرتك تجربتي ... انا اشتريت فولكس فاجن بولو 2005 عيون شهر 8 2014 ... العربية طبعا جميلة بلاشك الحمدلله و اجمل لو حافظتي عليها و عملتي صياناتك و محملتيش عليها لانها في الاول و الاخر عربية هاتشباك شبابية ... ممكن ناس تعتبر قطع غيارها غالية بس لو حسبتيها شوية هاتلاقي ان قطعها الاصلية اغلى حاجة بسيطة من الكوري بس عمرها الافتراضي اطول بكتير من الكوري و الياباني كمان و طبعا بيعتمد على سواقة حضرتك .... الخلاصة الالماني لا يعلى عليه مهما غلي تمنه

[amr011111]

لو لقيتى حاله كويسه هتبقى عربيه جميله ولكنك هتتعبى علشان تلاقى حاله كويسه.